Bu səhifədə iş davam etməkdədir Müdaxilə etməyə tələsməyin əgər kömək etmək istəyirsinizsə ya da səhifə yarımçıq qalıbsa

Abbas Fəthi — yazıçı, fədai, repressiya qurbanı.

Abbas Fəthi
Azərbaycan Milli Məclisinə Urmiyadan seçilən nümayəndə
12 dekabr 1945 – 12 dekabr 1946
Şəxsi məlumatlar
Doğum tarixi	1897
Doğum yeri	Urmiya, Urmiya şəhristanı, Qərbi Azərbaycan ostanı, İran
Vəfat yeri	Urmiya, Urmiya şəhristanı, Qərbi Azərbaycan ostanı, İran
Fəaliyyəti	siyasətçi, yazıçı

Təltifləri	1946

Haqqında

Abbas Fəthi 1897-ci ildə Urmiyada anadan olub. İlk təhsilini əvvəlcə molla yanında daha sonra isə yeni üsullu məktəbdə alıb.

1936-cı ildə ailəsi ilə birlikdə Zəncana köçüb və burada yol tikintisində işləyib. Burada Zəncana sürgün edilmiş siyasi məhbuslarla o cümlədən Məmməd Əmin Azadvətənlə tanış olub. 1942-ci ildə Urmiyaya qayıdıb. 1944-cü ildə Məmməd Əmin Azadvətən Urmiyaya qayıdaraq burada Tudə partiyasının Urmiya Vilayət Komitəsinin sədri seçilir. Abbas Fəthi də partiyaya üzv olaraq aktiv siyasi fəaliyyətə başlayır. 1945-ci ildə Azərbaycan Demokrat Firqəsi yaradıldıqdan sonra Tudə Partiyasını tərk edərək Demokrat Firqəsinə üzv olub. 1945-ci ilin noyabr ayında Azərbaycan Demokrat Firqəsi tərəfindən fədai dəstələrinin yaradılmasına başlanılır. Abbas Fəthi də 21 Azər hərəkatına fədai kimi qoşulur. Azərbaycan Milli Hökuməti qurulduqdan sonra Milli Məclisin birinci iclası dekabrın 12-də keçirilib. Abbas Fəthi bu məclisə Urmiyadan nümayəndə seçilib. 1945-ci ilin dekabrın sonlarında Urmiyanın şah qoşunlarından təmizlənməsində iştirak edib. 1945–1946-cı illərdə Urmiya şəhərinin İqtisad və Ticarət idarəsinin rəisi və ADF şəhər təşkilatının təbliğat komitəsinə rəhbərlik edib.

1946-cı ilin mart ayında 21 Azər hərəkatında göstərdiyi şücaətə görə ilə təltif olunub.

1946-cı il dekabrın 13-də ABŞ və Böyük Britaniya tərəfindən dəstəklənən İran ordusu Təbrizə daxil oldu. Bununla da Azərbaycan Milli Hökuməti süqut etdi.

Şah qoşunları Urmiya şəhərini tutduqdan sonra Abbas Fəthi də həbs olunaraq edam olunub.

Mənbə

İstinadlar

Mərəndli, 2017. səh. 315
Həsənov, 2004. səh. 65
Balayev, 2018. səh. 25
İbrahimov, 1948. səh. 32
Mərəndli, 2017. səh. 176
McEvoy, Joanne; O'Leary, Brendan. Power Sharing in Deeply Divided Places. Filadelfiya: University of Pennsylvania Press. 2013. 191. ISBN .
George Lenczowski. "United States' Support for Iran's Independence and Integrity, 1945–1959", Annals of the American Academy of Political and Social Science, Vol. 401, America and the Middle East. (may, 1972), s. 49
Bayramzadə, 2015. səh. 172

Ədəbiyyat

Bayramzadə, Səməd. "21 Azər – 70" fotoalbom (şərhlərlə) (PDF) (az.). Bakı: “Araz” nəşriyyatı. 2015. səh. 185. ISBN . 2022-03-09 tarixində arxivləşdirilib (PDF). İstifadə tarixi: 2025-01-14.
Mərəndli, Barış. "21 Azər" soyqırımı: 1946-1947-ci illərdə Cənubi Azərbaycanda kütləvi qırğınlar (az.). Bakı: Elm və təhsil nəşriyyatı. 2017. səh. 376. ISBN . 2024-12-07 tarixində arxivləşdirilib. İstifadə tarixi: 2024-12-03.

[FOOTNOTEMərəndli2017315-1] Mərəndli, 2017. səh. 315

[FOOTNOTEHəsənov200465-2] Həsənov, 2004. səh. 65

[FOOTNOTEBalayev201825-3] Balayev, 2018. səh. 25

[FOOTNOTEİbrahimov194832-4] İbrahimov, 1948. səh. 32

[FOOTNOTEMərəndli2017176-5] Mərəndli, 2017. səh. 176

[6] McEvoy, Joanne; O'Leary, Brendan. Power Sharing in Deeply Divided Places. Filadelfiya: University of Pennsylvania Press. 2013. 191. ISBN .

[lenczowski-7] George Lenczowski. "United States' Support for Iran's Independence and Integrity, 1945–1959", Annals of the American Academy of Political and Social Science, Vol. 401, America and the Middle East. (may, 1972), s. 49

[FOOTNOTEBayramzadə2015172-8] Bayramzadə, 2015. səh. 172