200 manatlıq əsginas Azərbaycanda buraxılan milli əsginaslardan biri Bu əsginas Azərbaycanın digər əsginasları ilə müqay

200 manatlıq əsginas — Azərbaycanda buraxılan milli əsginaslardan biri. Bu əsginas Azərbaycanın digər əsginasları ilə müqayisədə ən yuxarı nominal dəyərə malikdir və dövriyyəyə ən son (2018) buraxılmış əsginasdır. 200 manat 20000 qəpiyə bərabərdir.

200 manat
Ölkə	Azərbaycan
Dəyər	200 manat
Eni	70 mm
Uzunluğu	160 mm
Təhlükəsizlik ünsürləri	gizli nominal, holoqram, mürəkkəbsiz çap, qabarıq çap, SPARK live, görmə qüsuru olanlar üçün tanıma elementi, su nişanı, seria nömrəsi, mühafizə sapı, sayrışan rəngli boyalar, xüsusi dəqiq cizgilər, mikromətn, surətçıxarmaya qarşı xətlər strukturu, rənglər bölgüsü
Nəşr illəri	2018
Ön tərəf

Dizayn	Heydər Əliyev Mərkəzi
Dizayner	""
Dizayn tarixi	2018
Arxa tərəf

Dizayn	Azərbaycan Respublikasının Xəritəsi, Azərbaycanın Avropaya inteqrasiyasını əks etdirən Avropanın xəritəsi və bir sıra milli xalça naxışları
Dizayner	""
Dizayn tarixi	2018

Tarixi

Əsginasın buraxılması haqqında qanun nağd pul sferasında səmərəliliyin yüksəldilməsinin təmin edilməsi məqsədilə qəbul edilmişdir. Yeni əsginasın buraxılması haqqında ilk fikirlər hələ 2017-ci ildə səsləndirilmişdi. Yeni pul nişanının dizaynı hazırlanarkən müsabiqədə ABŞ şirkəti olan "" tərəfindən təqdim olunan dizayn qalib seçilmişdir. Bu dizayna bir sıra şirkətlərin təqdim etdiyi mütərəqqi mühafizə sistemləri inteqrasiya edilməklə pul nişanı Giesecke+Devrient şirkətində istehsal olunmuşdur. 200 manatlıq əsginas 2018-ci ilin 24 mayından dövriyyədədir. Bu əsginasa qədər Azərbaycanda işlədilən ən böyük nominala malik əsginas 100 manatlıq əsginas olmuşdur. Dövriyyəyə 200.000.000 milyon manat çap edilib.

Mövzusu

200 manatlıq əsginaslar müasir memarlıq mövzusuna həsr olunmuşdur.

Təsviri

Əsginasın əsas rəngi göydür. Ön tərəfində 2012-ci ildə tikilmiş Heydər Əliyev Mərkəzinin təsviri yer alıb. Həmçinin Azərbaycan Mərkəzi Bankının sədri Elman Rüstəmovun imzası da ön tərəfdədir.

200 manatlıq əsginasın üzərində Elman Rüstəmovun imzası

Həmçinin bax

Azərbaycan manatı

İstinadlar

"Azərbaycanda 200 manatlıq pullar dövriyəyə buraxılır - FOTO". Lent.az (az.). 23 may 2018. İstifadə tarixi: 23 may 2018.^{[ölü keçid]}
Mərkəzi Bankda yeni pul nişanlarının təqdimat mərasimi keçirildi^{[ölü keçid]}. cbar.az (az.)
"Azərbaycan 200 manatlıq əsginas buraxa bilər". Femida (az.). 19 sentyabr 2017. İstifadə tarixi: 23 may 2018.
"Dövriyyədə olan əsginaslar AZN". Azərbaycan Mərkəzi Bankı (az.). 2018-10-22 tarixində . İstifadə tarixi: 2 iyul 2018.

Xarici keçidlər

cbar.az — Azərbaycan Mərkəzi Bankının rəsmi saytı
Pul. preslib.az (az.)

[lent-1] "Azərbaycanda 200 manatlıq pullar dövriyəyə buraxılır - FOTO". Lent.az (az.). 23 may 2018. İstifadə tarixi: 23 may 2018.^{[ölü keçid]}

[2] Mərkəzi Bankda yeni pul nişanlarının təqdimat mərasimi keçirildi^{[ölü keçid]}. cbar.az (az.)

[femida-3] "Azərbaycan 200 manatlıq əsginas buraxa bilər". Femida (az.). 19 sentyabr 2017. İstifadə tarixi: 23 may 2018.

[amb-4] "Dövriyyədə olan əsginaslar AZN". Azərbaycan Mərkəzi Bankı (az.). 2018-10-22 tarixində . İstifadə tarixi: 2 iyul 2018.