islam Duquçiyev 15 aprel 1966 1992 1995 ci illərdə Rusiyanı 2000 сi ildə isə Azərbaycanı təmsil edən yunan roma güləşçis

İslam Duquçiyev (15 aprel 1966) — 1992-1995-ci illərdə Rusiyanı, 2000-сi ildə isə Azərbaycanı təmsil edən yunan-roma güləşçisi, 4 dəfə Dünya və 2 dəfə Avropa Çempionatlarının qalibi.

İslam Duquçiyev

Şəxsi məlumatlar

Tam adı

İslam Duquçiyev

Vətəndaşlığı

Rusiya →

Azərbaycan

Doğum tarixi

15 aprel 1966(58 yaş)

Doğum yeri

Altınemel, Qazaxıstan SSR

Boyu

170 sm. (5 ft 6 in)

Çəkisi

68 kq

İdman növü

Güləş

Karyera illəri

1978—2000

Medallar


Olimpiya Oyunları
Gümüş	1992 Barselona	68 kq.

Qızıl		68 Kq.
Qızıl		68 Kq.
Qızıl		68 Kq.
Qızıl		68 Kq.
Avropa Çempionatı
Qızıl		68 Kq.
Qızıl		68 Kq.
Bürünc		68 Kq.

Karyerası

İslam Duquçiyev 1984-cü ildə Polşada gənclər arasında Avropa Çempionatının qalibi oldu. 1990-cı ildə isə İslam Duquçiyev Polşanın Poznan şəhərində Avropa Çempionatının, İtaliyanın Roma şəhərində isə Dünya Çempionatının qızıl medallarına sahib oldu.

İslam Duquçiyev uğuruna 1991-ci ildə də davam elədi.Bolqarıstanın Varna şəhərində Dünya Çempionatının qalibi olan İslam Duquçiyev 1992-ci ildə Birləşmiş Komanda ilə birgə İspaniyanın Barselona şəhərində baş tutan olimpiada da mübarizə apardı. Finala gedən yolda bütün rəqibləri üzərində qələbələr qazanan İslam Duquçiyev həlledici görüşdə Macarıstan nümayəndəsi Atilla Repaya məğlub oldu və olimpiadanı gümüş medalla başa vurdu.

1993-cü ildə İslam Duquçiyev Almaniya Qran-Prisinin, həmçinin Dünya və Avropa Çempionatlarının qızıl medallarına sahib oldu. 1994-cü ildə Afina şəhərində (Yunanıstan) Avropa Çempionatının bürünc medalına sahib olan İslam Duquçiyev həmin il İsveçdə Dünya Çempionatının qalibi oldu və ardıcıl üçüncü dəfə Dünya çempionu adını qazandı.

1995-ci ildə İslam Duquçiyevin nəticələri zəifləməyə başladı. Avropa Çempionatında çıxış eləməyən İslam Duquçiyev Çexiyada baş tutan Dünya Çempionatını onuncu pillədə başa vurdu. Bundan sonra İslam Duquçiyev uzun müddət Rusiya yığmasının heyətində Dünya və Avropa Çempionatlarında mübarizə aparmadı. 2000-ci ildə İslam Duquçiyev Azərbaycan bayrağı altında olimpiada da mübarizə aparmaq üçün Dünya Olimpiya Təsnifat Turnirlərində çıxış elədi. Nəticədə İslam Duquçiyev olimpiya lisenziyasına sahib oldu.

İslam Duquçiyev Azərbaycanı 2000-ci ildə Sidney şəhərində (Avstraliya) baş tutan XXVII Yay Olimpiya Oyunlarında təmsil elədi. İslam Duquçiyev qrup mərhələsinin birinci görüşündə İran nümayəndəsi Pərviz Zeydvənd ilə üz-üzə gəldi. Həmin görüşdə İslam Duquçiyev rəqibi üzərində 5:0 hesabı ilə qələbə qazandı. Qrup mərhələsinin növbəti görüşündə isə onun rəqibi Finlandiya nümayəndəsi Yuna Lappalaynen oldu. Həm Duquçiyev, həm də Lappalaynen birinci görüşlərində qələbə qazanmışdı və bu görüşdə qalib gələn güləşçi növbəti mərhələyə vəsiqə qazanacaqdı. Gəgrin idman mübarizəsi şəraitində baş tutan görüşdə İslam Duquçiyev rəqibi üzərində minimal hesablı (1:0) qələbə qazandı və qrup mərhələsini birinci pillədə başa vuraraq növbəti mərhələyə vəsiqə qazandı. Olimpiadanın 1/4 final mərhələsində onun rəqibi Estoniya nümayəndəsi Valeri Nihitin oldu. Həmin görüşdə İslam Duquçiyev rəqibinə 1:4 hesabı ilə məğlub oldu və olimpiadanı altıncı pillədə başa vurdu.

Nəticələri

Sıra	İl	Yarış	Ev sahibi	Nəticə
SSRİ
1	1984	Gənclərin Avropa Çempionatı	Polşa	1.
2	1990	Avropa Çempionatı	Polşa	1.
3	1990	Dünya Çempionatı	İtaliya	1.
4	1991	Dünya Çempionatı	Bolqarıstan	1.
Rusiya
5	1992	Olimpiya Oyunları	İspaniya	2.
6	1993	Avropa Çempionatı	Türkiyə	1.
7		Almaniya Qran-Prisi	Almaniya	1.
8		Dünya Çempionatı	İsveç	1.
9	1994	Avropa Çempionatı	Yunanıstan	3.
10	1994	Dünya Çempionatı	Finlandiya	1.
11	1995	Dünya Çempionatı	Çexiya	10.
Azərbaycan
12	2000	Dünya Olimpiya Təsnifat Turniri	Özbəkistan	1.
13		Dünya Olimpiya Təsnifat Turniri	ABŞ	12.
14		Olimpiya Oyunları	Avstraliya	6.

İstinadlar

Olympedia.org. "İslam DUQUÇİYEV". www.olympedia.org (ingilis). 2022-08-30. 2022-08-22 tarixində . İstifadə tarixi: 30.08.2022.
International Wrestling Database. "ISLAM DUGUSHIEV". www.iat.uni-leipzig.de (ingilis). 2022-08-04. 2016-08-28 tarixində . İstifadə tarixi: 02.08.2022.
Olympedia.org. "2000 Summer Olympics / Wrestling / Welterweight / Greco-Roman (69 Kilograms) / Men". www.olympedia.org (ingilis). 2022-08-30. 2022-10-10 tarixində . İstifadə tarixi: 30.08.2022.

[:PR-1] Olympedia.org. "İslam DUQUÇİYEV". www.olympedia.org (ingilis). 2022-08-30. 2022-08-22 tarixində . İstifadə tarixi: 30.08.2022.

[:PRO-2] International Wrestling Database. "ISLAM DUGUSHIEV". www.iat.uni-leipzig.de (ingilis). 2022-08-04. 2016-08-28 tarixində . İstifadə tarixi: 02.08.2022.

[:RES-3] Olympedia.org. "2000 Summer Olympics / Wrestling / Welterweight / Greco-Roman (69 Kilograms) / Men". www.olympedia.org (ingilis). 2022-08-30. 2022-10-10 tarixində . İstifadə tarixi: 30.08.2022.