ələmşah əli oğlu Məmmədov 10 mart 1950 şahvəllər Bərdə rayonu 19 yanvar 2009 Qarabağ müharibəsi dövründə fəaliyyət göstə

Ələmşah Əli oğlu Məmmədov (10 mart 1950, Şahvəllər, Bərdə rayonu – 19 yanvar 2009) — Qarabağ müharibəsi dövründə fəaliyyət göstərmiş "Azadlıq" batalyonunun komandiri, döyüşçü.

Ələmşah Məmmədov
Doğum tarixi	10 mart 1950(1950-03-10)
Doğum yeri	Şahvəllər, Bərdə rayonu, Azərbaycan SSR, SSRİ
Vəfat tarixi	19 yanvar 2009(2009-01-19) (58 yaşında)
Dəfn yeri	Bərdə

Bioqrafiya

Ələmşah Məmmədov 10 mart 1950-ci ildə 10 uşaqlı ailənin ilk övladı olaraq Bərdə rayonunun Şahvəlilər kəndində dünyaya gəlmişdir. 1972-ci ildə, Gəncə şəhərində yerləşən Həsən bəy Zərdabi adına Gəncə Dövlət Pedoqoji İnstitutunun Tarix fakültəsini bitirmişdir. Hərbi xidməti başa vurduqdan sonra, 1975-ci ildən etibarən, Ələmşah Məmmədov Bərdə və Tərtər rayonlarında yerləşən məktəblərdə tarix müəllimi olaraq fəaliyyət göstərmişdir.

Dağlıq Qarabağda müharibənin ilk günlərindən etibarən yaxın ətrafı ilə birlikdə sayları 300-400 nəfərə çatan silahlı özünümüdafiə dəstəsi - "Azadlıq" batalyanunu təşkil etmiş və onun komandirliyi vəzifəsini öhdəliyinə götürmüşdür. Bu müddət ərzində Azərbaycan Ordusunun nizamlı hərbi birləşmələri ilə birlikdə müxtəlif döyüşlərdə iştirak etmişdir.

1992-ci ilin may ayında, Milli Məclisdəki çıxışı zamanı dövrün Müdafiə Naziri Rəhim Qazıyev o cümlədən digər hökumət və dövlət rəhbərlərini tənqid etdikdən sonra ona qarşı münasibət dəyişmiş və bir müddət sonra batalyonun bir çox üzvü kimi o da həbs edilmişdir. Barəsində konkret ittihamlar olmamasına baxmayaraq, 1 il həbsdə saxlanılan Ələmşah Məmmədov Azərbaycan Respublikasının 3-cü Prezidenti Heydər Əliyevin qərarı ilə bəraət alaraq azadlığa çıxmışdır.

19 yanvar 2009-cu ildə vəfat etmişdir.

Haqqında

2017-ci ildə ARB telekanlı Ələmşah Məmmədov haqqında sənədli film hazırlamışdır.
2017-ci ildə Ələmşah Məmmədovun həyat və döyüş yolundan bəhs edən "Azadlıq" Xalq Ordusu" kitabı (müəllif: Əkbər Mirzəzadə) nəşr edilmişdir.
Ələmşah Məmmədovun Milli Məclisdəki çıxışından sonra spiker Yaqub Məmmədov onunla razılaşdığını bildirərək sonradan məşhur frazaya çevriləcək olan "Biz böyük oyunun kiçik peşkalarıyıq" sözlərini demişdir.

İstinadlar

Məşhur "Azadlıq" batalyonu haqda kitab yazıldı https://apa.tv/xeberler/meshur-%22azadliq%22-batalyonu-haqda-kitab-yazildi-40646^{[ölü keçid]}
Qarabağla bağlı daha bir GERÇƏK ÜZƏ ÇIXDI - https://publika.az/news/nida_xeber/201663.html 2018-05-29 at the Wayback Machine
Ələmşah Məmmədov - https://www.youtube.com/watch?v=DFVCuFtOalo
Əfsanəvi komandirin xatirəsi anıldı -https://musavat.com/news/efsanevi-komandirin-xatiresi-anildi_444597.html?d=1
Yaqub Məmmədovun 1992-ci ildə Qarabağla bağlı dediyi məşhur ifadəsi - https://strateq.az/siyaset/118923/yaqub-məmmədovun-1992-ci-ildə-qarabagla-bagli-dediyi-məshur-ifadəsi.html 2022-01-16 at the Wayback Machine

[:0-1] Məşhur "Azadlıq" batalyonu haqda kitab yazıldı https://apa.tv/xeberler/meshur-%22azadliq%22-batalyonu-haqda-kitab-yazildi-40646^{[ölü keçid]}

[2] Qarabağla bağlı daha bir GERÇƏK ÜZƏ ÇIXDI - https://publika.az/news/nida_xeber/201663.html 2018-05-29 at the Wayback Machine

[3] Ələmşah Məmmədov - https://www.youtube.com/watch?v=DFVCuFtOalo

[4] Əfsanəvi komandirin xatirəsi anıldı -https://musavat.com/news/efsanevi-komandirin-xatiresi-anildi_444597.html?d=1

[5] Yaqub Məmmədovun 1992-ci ildə Qarabağla bağlı dediyi məşhur ifadəsi - https://strateq.az/siyaset/118923/yaqub-məmmədovun-1992-ci-ildə-qarabagla-bagli-dediyi-məshur-ifadəsi.html 2022-01-16 at the Wayback Machine