Əli İsayev

Əli İsayev (18 dekabr 1983, Mahaçqala) — Azərbaycanı təmsil edən sərbəst güləşçi, 2009-cu il Avropa Çempionatının qalibi.

Əli İsayev
Şəxsi məlumatlar
Tam adı	Əli İsayev
Vətəndaşlığı	Rusiya → Azərbaycan
Doğum tarixi	18 dekabr 1983(40 yaş)
Doğum yeri	Mahaçqala, Dağıstan MSSR, RSFSR, SSRİ
Boyu	192 sm. (5 ft 6 in)
Çəkisi	120 kq
İdman növü	Güləş
Karyera illəri	1999—2016
Məşqçisi	Firdovsi Umudov
Komandası
Medallar Avropa Çempionatı Gümüş 120 Kq. Qızıl 120 Kq.

Karyerası

Əli İsayev 2005 və 2006-cı illərdə Rusiya Çempionatlarının bürünc medallarına sahib oldu. Rusiya yığmasının heyətində Dünya və Avropa Çempionatlarında, həmçinin nüfuzlu beynəlxalq turnirlərdə çıxış edə bilməyən Əli İsayev 2007-ci ildə Azərbaycan Güləş Federasiyası tərəfindən Azərbaycan yığmasının heyətinə cəlb edildi.

2007-ci ilin aprelində Bolqarıstanda Avropa Çempionatında beşinci pilləyə sahib olan Əli İsayev sentyabrda Azərbaycanda Dünya Çempionatını 8-ci pillədə başa vurdu.

Əli İsayev 2008-ci ildə Finlandiyanın Tampere şəhərində baş tutan Avropa Çempionatını gümüş medalla başa vurdu. Apreldə isə o, İsveçrədə Dünya Olimpiya Təsnifat Turnirinin nəticələrinə əsasən olimpiya lisenziyasına sahib oldu. İyunda Qızıl Qran-Pri beynəlxalq turnirinin qalibi olan Əli İsayev avqustda Azərbaycanı olimpiada da təmsil elədi.

Əli İsayev olimpiadanın 1/8 final mərhələsində 2004-cü il Afina Olimpiadasının qalibi Özbəkistan nümayəndəsi Artur Taymazov ilə üz-üzə gəldi. Həmin görüşün birinci hissəsində Əli İsayev rəqibinə 0:2 hesabı ilə məğlub oldu. Görüşün növbəti hissəsi gərgin idman mübarizəsi şəraitində baş tutsa da, nəticədə Əli İsayev rəqibinə 4:5 hesabı ilə məğlub oldu. Rəqibi final görüşünə vəsiqə qazandığına görə Əli İsayev təsəlliverici qrupda mübarizə apardı. Bu qrupun birinci görüşündə onun rəqibi Kuba nümayəndəsi Disney Rodrigez oldu. Həmin görüşdə Əli İsayev rəqibinə məğlub oldu və olimpiadanı 12-ci pillədə başa vurdu.

Olimpiadadan sonra Əli İsayev 2009-cu ildə Azərbaycan idmanı tarixinə düşdü. Yanvarda İvan Yarıgin beynəlxalq turnirini beşinci pillədə başa vuran martda Litvanın Vilnüs şəhərində baş tutan Avropa Çempionatında bütün rəqibləri üzərində qələbə qazanaraq turnirin qızıl medalına sahib oldu. Əli İsayev bu çəji dərəcəsində Avropa çempionu adını qazanan birinci Azərbaycan güləşçisi oldu. İyulda Qızıl Qran-Pri beynəlxalq turnirinin finalçısı olan Əli İsayev sentyabrda Dünya Çempionatını 8-ci pillədə başa vurdu.

2010-cu ildə isə Əli İsayev Azərbaycanda Avropa Çempionatını 14-cü, Rusiyada isə Dünya Çempionatını 5-ci pillədə başa vurdu və sadəcə Qızıl Qran-Pri beynəlxalq turnirində medala sahib ola bildi. 2011-ci ildə Əli İsayev Azərbaycan yığmasının liderinin gənc Camaləddin Məhəmmədov olmasına görə Dünya və Avropa Çempionatlarında çıxış eləmədi. Bundan sonra Əli İsayev 2011-2016-ci illərdə əsasən Azərbaycanda Qızıl Qran-Pri və Rusiyada Əli Əliyev beynəlxalq turnirlərdə çıxış elədi. 2016-cı ildə idmanla vidalaşdı.

Nəticələri

Sıra	İl	Yarış	Ev sahibi	Nəticə
Azərbaycan
1	2007	Avropa Çempionatı	Bolqarıstan	5.
2		Almaniya Qran-Prisi	Almaniya	5.
3		Dünya Çempionatı	Azərbaycan	8.
4	2008	Avropa Çempionatı	Finlandiya	2.
5		Dünya Olimpiya Təsnifat Turniri	İsveçrə	7.
6		Qızıl Qran-Pri	Azərbaycan	1.
7		Olimpiya Oyunları	Çin	12.
8	2009	İvan Yarıgin Turniri	Rusiya	5.
9		Avropa Çempionatı	Litva	1.
10		Qızıl Qran-Pri	Azərbaycan	2.
11		Dünya Çempionatı	Danimarka	8.
11	2010	Avropa Çempionatı	Azərbaycan	14.
12		Qızıl Qran-Pri	Azərbaycan	3.
13		Dünya Çempionatı	Rusiya	5.
14	2011	Əli Əliyev Turniri	Rusiya	7.
15		Qızıl Qran-Pri	Azərbaycan	5.
16	2012	Kiyev Turniri	Ukrayna	18.
17		Qızıl Qran-Pri	Azərbaycan	3.
18		Əli Əliyev Turniri	Rusiya	3.
19	2013	Əli Əliyev Turniri	Rusiya	10.
20		Qızıl Qran-Pri	Azərbaycan	2.
21	2014	Əli Əliyev Turniri	Rusiya	1.
22		Qızıl Qran-Pri	Azərbaycan	8.
23	2016	Əli Əliyev Turniri	Rusiya	3.
24		Qızıl Qran-Pri	Azərbaycan	10.

İstinadlar

1. Olympedia.org. "Əli İSAYEV". www.olympedia.org (ingilis). 2022-08-30. 2022-04-22 tarixində . İstifadə tarixi: 30.08.2022.
2. International Wrestling Database. "ALI ISAYEV". www.iat.uni-leipzig.de (ingilis). 2022-08-04. 2020-05-28 tarixində . İstifadə tarixi: 02.08.2022.
3. Olympedia.org. "2008 Summer Olympics / Wrestling / Super-Heavyweight / Freestyle (120 Kilograms) / Men". www.olympedia.org (ingilis). 2022-08-30. 2022-05-11 tarixində . İstifadə tarixi: 30.08.2022.