şirməmməd Ağaməmməd oğlu Hüseynov 17 dekabr 1924 Nuxa 24 iyun 2019 Bakı Azərbaycanın görkəmli alim və mətbuat tədqiqatçı

Şirməmməd Ağaməmməd oğlu Hüseynov (17 dekabr 1924, Nuxa – 24 iyun 2019, Bakı) — Azərbaycanın görkəmli alim və mətbuat tədqiqatçısı, Ali Media Mükafatı laureatı, Prezident təqaüdçüsü, Bakı Dövlət Universitetinin mətbuat tarixi və ideoloji iş metodları kafedrasının professoru.

Şirməmməd Hüseynov

Doğum tarixi	17 dekabr 1924(1924-12-17)
Doğum yeri	Nuxa, Şəki qəzası, Azərbaycan SSR, ZSFSR, SSRİ
Vəfat tarixi	24 iyun 2019(2019-06-24) (94 yaşında)
Vəfat yeri	Bakı, Azərbaycan
Uşaqları	Fərəh Əliyeva Lalə Hüseynova
Elm sahəsi	Mətbuat
Elmi adı	professor
İş yeri	Bakı Dövlət Universiteti
Mükafatları

Həyatı

Şirməmməd Hüseynov 1924-cü ildə Şəkidə anadan olub. 1940-cı ildə orta məktəbi bitirib. 1941–1943-cü illərdə Şəki Müəllimlər İnstitutunun fizika-riyaziyyat fakültəsinə daxil olub. İkinci dünya müharibəsi dövründə Zaqatalada və Şəkidə müəllim işləyib. 1945–1950-ci illərdə Bakı Dövlət Universitetinin filologiya fakültəsinin jurnalistika şöbəsini bitirib. 1950–1954-cü illərdə M. V. Lomonosov adına Moskva Dövlət Universitetinin jurnalistika fakültəsinin aspiranturasında təhsilini davam etdirib. 1954-cü ildə MDU, jurnalistika fakültəsində namizədlik dissertasiyası müdafiə edib. 1954–1961-ci illərdə BDU, filologiya fakültəsi jurnalistika kafedrasının müəllimi, dosent vəzifələrində çalışıb. 1962–1969-cu illərdə BDU, filologiya fakültəsinin dekan müavini, 1961–1971-ci illərdə BDU, jurnalistikanın nəzəriyyə və təcrübəsi kafedrasının dosenti, 1971–1976-cı illərdə isə BDU, Jurnalistika fakültasinin dekanı vəzifəsində çalışıb. 1971–1988-ci illərdə BDU, mətbuat tarixi kafedrasının dosenti, 1976–1988-ci illərdə BDU, mətbuat tarixi kafedrasının müdiri 1988-ci ildən isə BDU, mətbuat tarixi kafedrasının professoru olmuşdur.

24 iyun 2019-cu ildə Bakıda dünyasını dəyişib.İkinci Fəxri Xiyabanda dəfn olunub.

Ailəsi

Şirməmməd Hüseynovun böyük qızı Fərəh Əliyeva Mədəniyyət və İncəsənət Universitetinin rektoru, daha sonra isə Azərbaycan Respublikası Prezidentinin Administrasiyasının humanitar siyasət məsələləri şöbəsinin müdiri təyin edilib. Kiçik qızı Lalə Hüseynova Azərbaycan Milli Konservatoriyasının Elmi İşlər üzrə prorektorudur.

Siyasi fəaliyyəti

2000-ci il parlament seçkilərində Şirməmməd Hüseynov Müsavat Partiyasının proporsional seçki üzrə vahid namizədlər siyahısında partiya daxili keçirilmiş praymerizə əsasən 15-ci sırada olmuşdur. Müsavat Partiyası proporsional seçkilər üzrə 140 546 səs (ümumi səslərin 4,85%-i) toplamış, lakin 6%-lik seçki həddini keçə bilmədiyi üçün mandat qazana bilməmişdir. Beləliklə, Şirməmməd Hüseynov deputat seçilə bilməmişdir.

Mükafatları

1948 — "Nizami təqaüdü"
1966–1972: "Qızıl qələm" mükafatı
1988 — "Əməkdar jurnalist" fəxri adı
1991 — Zərdabi adına mükafat
1992 — Y. Məmmədəliyev adına mükafat
1998 — Məhəmməd Əmin Rəsulzadə adına mükafat
2014 —

Kitabları

Məhəmməd Əmin Rəsulzadə əsərləri (5 cild). Bakı, 1992–2018
Azərbaycan legionerləri. Bakı, 2003
Milli haqq və ədalət axtarışında. Bakı, 2004
Mənəvi irsimiz və gerçəklik. Bakı, 2004

İstinadlar

"Жизнь, посвященная науке, образованию и печати" (rus. ). azertag.az. 22 dekabr 2014.
"Şirməmməd Hüseynovla vida mərasimi keçirilir". ona.az. 25 iyun 2019.
"Şirməmməd müəllimi itirdik..." azertag.az. 24 iyun 2019. 2020-06-10 tarixində .
"Şirməmməd Hüseynov vəfat etdi". realtv.az. 24 iyun 2019.^{[ölü keçid]}
"F.Ş.Əliyevanın Azərbaycan Respublikası Prezidentinin Administrasiyasının humanitar siyasət məsələləri şöbəsinin müdiri təyin edilməsi haqqında Azərbaycan Respublikası Prezidentinin Sərəncamı". president.az. 11 may 2018.
"Hüseynova Lalə". konservatoriya.az. 2021-12-06 tarixində .
"2000-ci ilin və bu günün Müsavat Partiyası - deputatlığa namizədləri müqayisə etsək... (FOTOLAR)". musavat.com. 2023-04-29 tarixində . İstifadə tarixi: 2024-01-08.
"2000-ci il parlament seçkilərinin nəticəsi". 2011-07-26 tarixində . İstifadə tarixi: 2022-05-30.
"2000-2001-ci illər parlament seçkiləri haqqında yekun hesabat" (PDF). 2021-08-01 tarixində (PDF). İstifadə tarixi: 2022-05-30.

Xarici keçidlər

Milli Metr — Şirməmməd Hüseynov
Shirmemmed Huseynov ve Ulker Huseynova TRT Ömür Dediğin 121. bölüm
Şirməmməd Hüseynovun Cümhuriyyəti
Şirməmməd Hüseynov "Qondarma Erməni Soyqırımı" haqqında
Mətbuat Aynasında: Cümhuriyyət parlamentinin açılışı
Şirməmməd Hüseynov vəfat etdi

[1] "Жизнь, посвященная науке, образованию и печати" (rus. ). azertag.az. 22 dekabr 2014.

[2] "Şirməmməd Hüseynovla vida mərasimi keçirilir". ona.az. 25 iyun 2019.

[3] "Şirməmməd müəllimi itirdik..." azertag.az. 24 iyun 2019. 2020-06-10 tarixində .

[4] "Şirməmməd Hüseynov vəfat etdi". realtv.az. 24 iyun 2019.^{[ölü keçid]}

[5] "F.Ş.Əliyevanın Azərbaycan Respublikası Prezidentinin Administrasiyasının humanitar siyasət məsələləri şöbəsinin müdiri təyin edilməsi haqqında Azərbaycan Respublikası Prezidentinin Sərəncamı". president.az. 11 may 2018.

[6] "Hüseynova Lalə". konservatoriya.az. 2021-12-06 tarixində .

[7] "2000-ci ilin və bu günün Müsavat Partiyası - deputatlığa namizədləri müqayisə etsək... (FOTOLAR)". musavat.com. 2023-04-29 tarixində . İstifadə tarixi: 2024-01-08.

[8] "2000-ci il parlament seçkilərinin nəticəsi". 2011-07-26 tarixində . İstifadə tarixi: 2022-05-30.

[9] "2000-2001-ci illər parlament seçkiləri haqqında yekun hesabat" (PDF). 2021-08-01 tarixində (PDF). İstifadə tarixi: 2022-05-30.