İsmayıl Abasov

İsmayıl Teymur oğlu Abasov (21 avqust 1922, Bakı – 22 oktyabr 2006) — Azərbaycan qastroenteroloqu və terapevti, tibb elmləri doktoru (1966), professor (1967), Azərbaycan SSR Elmlər Akademiyasının müxbir üzvü (1989), Azərbaycan SSR Əməkdar elm xadimi (1984).

İsmayıl Abasov
Doğum tarixi	21 avqust 1922(1922-08-21)
Doğum yeri	Bakı, Bakı qəzası, Azərbaycan SSR, ZSSRFİ
Vəfat tarixi	22 oktyabr 2006(2006-10-22) (84 yaşında)
Milliyyəti	azərbaycanlı
Elm sahəsi	tibb
Elmi dərəcəsi	tibb elmləri doktoru
Elmi adı	professor
İş yerləri	M.Topçubaşov adına ET kliniki Təbabət İnstitutunun filialı, 5 №-li xəstəxana.
Təhsili	Azərbaycan Tibb Universiteti
Tanınmış yetirmələri	elmlər namizədlərinin sayı:6, elmlər doktorlarının sayı:2
Mükafatları

Həyatı

İsmayil Abasov 21 avqust 1922-ci ildə Bakı şəhərində anadan olub. Ali təhsilini Azərbaycan Dövlət Tibb Universitetində alıb. O, 1943-cü ildə universitetin Müalicə-profilaktika fakültəsini bitirib.

Əsas elmi nailiyyətləri

Madə, bağırsaq və mədəaltı vəzi xəstəliklərinin klinikası, diaqnostikası və müalicəsinə dair bir çox məqalə və kitabların müəllifidir. Həzm orqanlarının müxtəlif xəstəlikləri zamanı onların funksional tədqiqatları aparılmışdır. Qaraciyərin funksional durumu ilə onun histoloji dəyişikliklərinin müqayisəli kliniki izahatı verilmişdir. Yeni diaqnostik və müalicəvi preparatlar öyrənilmiş və tədbiq olunmuşdur.

Həzm orqanları xəstəliklərinin Azərbaycanda epidemiologiyası, habelə mədəaltı vəzi və bağırsaq xəstəliklərinin endokrin orqanların funksional vəziyyətinə təsiri öyrənilmişdir.

Müxbir üzv İsmayıl Abasovun elmi fəaliyyətinin nəticələri respublikada və xaric­də çap olunmuş 300-dən artıq elmi əsərdə, həmçinin 15 monoqrafiyada öz əksini tapmışdır. Onun elmi rəhbərliyi altında 2 elmlər doktorluğu və 6 fəlsəfə doktorluğu dissertasiyası müdafiə olunmuşdur.

Əsas elmi əsərlərin adları

• Qastrologiya problemləri, Tokiyo, 1970, 65. (ingilis)
• Mədəaltı vəzinin xəstəliklərinin diaqnostikası, Bakı, 1972, 153. (rus)
• Mədə xəstəlikləri zamanı mədədaxili pH-metriyanın tətbiqi. Amer. J. Qastroenteroloji, 1977, 67, № 3, 229–234. (ingilis)
• Xroniki xorasız kolit, Bakı, 1984, 242. (rus)
• Həzm orqanları xəstəliklərinin müalicəsi və profilaktikası, Bakı, 1991, 239. (rus)

Əmək fəaliyyəti

İsmayıl Abasov 1943-1946-cı illərdə II Dünya müharibəsi za­manı ordu sırala­rında alay həkimi kimi fəaliyyət göstərmişdir. 1946-1950-ci illərdə ATİ-də Terapevtik kafedra­da ordinator, 1967-ci ildə professor, 1949-1968-ci illərdə ET Rentgenologiya, radiologiya və onko­logiya İnstitu­tun­da Tera­piya şöbəsinin müdiri olmuşdur. Habelə 1988-2001-ci illərdə ET Qastroen­te­rologiya İnstitu­tun­da Te­ra­pevtik şöbənin müdiri, 2001-2006-cı illərdə elmi məslə­hə­t­çi vəzifə­lərində çalışmışdır.

Üzv olduğu cəmiyyətlər

• Ümumittifaq Qastroenteroloqlar və Terapevtlər Cəmiyyətinin İdarə Heyətinin üzvü (1976);
• SSRİ TEA-nın Qastroenteroloji problemlər üz­rə Komis­siyasının üzvü (1980-2008);
• Respublika Səhiyyə Nazirliyinin Elmi Tibb Şurası­nın Rəyasət Heyətinin üzvü (1968);
• Nazirliyin Baş qastroen­te­ro­loqu (1970);
• Azərbaycan Qastroenteroloqlar Cəmiyyətinin (1970-2008) üzvü;

Mükafatlar

• "Qırmızı ulduz" orden­i (1946);
• "Döyüş cəsarətinə görə" medalı (1944);
• "Almaniya üzə­rində 1941-1945-ci illərdə qələbə" medalı (1945);
• I və II dərəcəli "Vətən müha­ri­bəsi" ordeni(1944, 1945);
• Azərbaycan SSR Dövlət mükafatı laureatı;
• "Əməkdar elm xadimi" fəxri adı (1984);

Vəzifəsi

Terapevtik qastroenterologiya şöbəsinin professoru olmuşdur.

Vəfatı

İsmayıl Abasov 2006-cı ildə Bakıda vəfat edib.

İstinadlar

1. "Abasov İsmayil Teymur oğlu" (Azərbaycan). science.gov.az. 21-09-2021 tarixində .

Xarici keçidlər

Azərbaycanın elm xadimləri