Yusif əmənzadə 8 2 1914 11 03 1982 riyaziyyat elmləri doktoru 1959 professor 1961 Azərbaycan Elmlər Akademiyasının müxbi

Yusif Əmənzadə (8.2.1914 — 11.03.1982) — riyaziyyat elmləri doktoru (1959), professor (1961), Azərbaycan Elmlər Akademiyasının müxbir üzvü (1968).

Yusif Əmənzadə
Yusif Əmən oğlu Əmənzadə
Doğum tarixi	18 fevral 1914(1914-02-18)
Doğum yeri	Bakı, Bakı quberniyası, Rusiya imperiyası
Vəfat tarixi	11 mart 1982(1982-03-11) (68 yaşında)
Vəfat yeri	Bakı
Elmi dərəcəsi	fizika-riyaziyyat elmləri doktoru
Təhsili	Azərbaycan Dövlət Neft və Sənaye Universiteti
Vikianbarda əlaqəli mediafayllar

Həyatı

Yusif Əmənzadə 18 fevral 1914-cü ildə Bakı şəhərində anadan olmuşdur. Azərbaycan Dövlət Neft və Sənaye Universitetinin Neft-mədən fakültəsini fərqlənmə diplomu ilə bitirmiş və həmin institutda assistentlikdən kafedra müdiri vəzifəsinə qədər yüksəlmişdir. Bu illər ərzində Yusif Əmənzadə elmlər namizədi və elmlər doktoru elmi dərəcələrini almışdır.

Əmək fəaliyyəti

Yusif Əmənzadə 1959-cu ildən ömrünün axırına qədər Bakı Dövlət Universitetində “Nəzəri mexanika” kafedrasının müdiri vəzifəsində çalışmışdır. Habelə AEA Riyaziyyat və Mexanika İnstitutunun Elastikliyyət nəzəriyyəsi şöbəsinin rəhbəri vəzifəsini icra etmişdir. 1972-ci ildə SSRİ-nin Mexanika üzrə Milli Komitəsinin üzvü olmuşdur.

Elmi fəaliyyəti

Yusif Əmənzadə 1959-cu ildə riyaziyyat üzrə elmlər doktoru elmi dərəcəsini, 1961-ci ildə professor elmi adını almışdır. O, 1968-ci ildə AEA-nın müxbir üzvü seçilmişdir. O, 150-dən çox elmi məqalə çap etdirmişdir. Y.Ə. Əmənzadə 40-dan çox elmlər namizədi və 5 elmlər doktoru yetişdirmişdir.

Bakı Dövlət Universitetində deformasiya olunan bərk cisim mexanikasının əsasını Azərbaycan EA-nın müxbir üzvü, Y. Ə. Əmənzadəə qoymuşdur. Onun elmi marağı əsasən hissə-hissə bircins elastiki mühitdə gərginlik deformasiya vəziyyətinin tədqiqi və elastiklik nəzəriyyəsinin kontakt məsələləri ətrafında toplanmışdır. Bu sahədə onun tərəfindən əsaslı nəticələr alınmış, yeni həll üsülları tapılmış və bu məsələlərin ədədi həlli verilmişdir.

Yusif Əmənzadə, N.İ. Musxelişvili və D.İ. Şermanla birlikdə məsələlərin həlli prossesində xətti cəbri tənliklərin sonsuz sistemlərinin kvazitəkrarlanmasını sübut edən ilk azərbaycanlı alim olmuşdur. Onun tərəfindən boşluğa malik tirin əyilmə mərkəzinin koordinatları bir burulma funksiyası vasitəsi ilə verilmişdir. Boşluğa malik yarımmüstəviyə ştambın təsiri məsələsi onun tərəfindən qoyulmuş və həll edilmişdir. O, sonlu mühitdə çat məsələsinin analitik həlli üsülunu vermiş və laylı müxtəlif cinsli elastiki cisimlər üçün analitik həll üsülunu inkişaf etdirmişdir. Onun axırıncı tətqiqatları elastiki örtüklərin variasiya üsulu ilə həllinə həsr edilmişdir.

Müəllifi olduğu dərslikər

"Elastiklik nəzəriyyəsi" (rus dilində və ingilis dillərində);
"Nazik elastik örtüklər nəzəriyyəsi üzrə ümumi kurs";
"Elastiklikl nəzəriyyəsinin hamarlılıq məsələsi";

Monoqrafiyaları

Yusif Əmənzadə "SSRİ-də elastiklik nəzəriyyəsinin əlaqə məsələrinin həlli" adlı monoqrafiyanın həmmüəllifi olmuşdur.

Vəfatı

Yusif Əmənzadə 1982-ci ildə Bakı şəhərində vəfat etmişdir.

Mənbə

А. Н. Боголюбов. Математики Механики. — Киев, Наукова думка, 1983 (rus.)

Xarici keçidlər

AMEA-nın müxbir üzvü Yusif Əmən oğlu Əmənzadə
AMEA-nın müxbir üzvü Yusif Əmən oğlu Əmənzadə

İstinadlar

"Əmənzadə Yusif Əmən oğlu" (Azərbaycan). science.gov.az. 2023-05-10 tarixində .
"Azərbaycan Dövlət Neft və Sənaye Universitetinin məzunları – 95" (Azərbaycan). www.nkpi.az.
"Bu gün mexanika sahəsində tanınmış alim Yusif Əmənzadənin doğum günüdür" (Azərbaycan). azertag.az. 2022-03-20 tarixində .

[:0-1] "Əmənzadə Yusif Əmən oğlu" (Azərbaycan). science.gov.az. 2023-05-10 tarixində .

[:1-2] "Azərbaycan Dövlət Neft və Sənaye Universitetinin məzunları – 95" (Azərbaycan). www.nkpi.az.

[:2-3] "Bu gün mexanika sahəsində tanınmış alim Yusif Əmənzadənin doğum günüdür" (Azərbaycan). azertag.az. 2022-03-20 tarixində .