Namiq Hacıheydərli

Namiq Hacıheydərli (8 sentyabr 1975, Salyan rayonu – 27 aprel 2024) — Azərbaycan şairi, araşdırmaçı, Azərbaycan Yazıçılar Birliyinin üzvü (2002), AYB-nin Muğan bölməsinin yaradıcısı və ilk sədri (2008–2015).

Namiq Hacıheydərli
Doğum tarixi	8 sentyabr 1975(1975-09-08)
Doğum yeri	Salyan rayonu, Azərbaycan SSR, SSRİ
Vəfat tarixi	27 aprel 2024(2024-04-27)(48 yaşında)
Dəfn yeri	Salyan rayonu
Milliyyəti	azərbaycanlı
Təhsili	Azərbaycan Dövlət Pedaqoji Universiteti
Fəaliyyəti	şair, publisist
Üzvlüyü	Azərbaycan Yazıçılar Birliyi, Dünya Gənc Türk Yazarlar Birliyi
Mükafatları	Şahmar Əkbərzadə adına Beynəlxalq Ədəbiyyat Mükafatı Türk Dünyasına Xidmət Ödülü

Həyatı

Namiq Hacıheydərli 1975-ci il sentyabrın 8-də Salyan rayonunun Varlı kəndində doğulub. 1990-cı ildə Varlı kənd əsas, 1992-ci ildə Salyan rayonu Yolüstü kənd orta məktəbini bitirib və elə həmin ildə N. Tusi adına Azərbaycan Dövlət Pedaqoji Universitetinin Filologiya fakültəsinə daxil olub. Ali məktəbi 1997-ci ildə bitirib.

2024-cü il aprel ayının 27-də qəfil komaya düşdüyünə görə xəstəxanaya yerləşdirilib. Həmin gün vəfat edib.

Yaradıcılığı

1999-cu ildə Salyanın Qaraçala ərazisini əhatə edən "Dan yeri" Ədəbi Birliyini qurub. 2000-ci ildən Dünya Gənc Türk Yazarlar Birliyinin Məclis üzvü, 2002-ci ildən Azərbaycan Yazıçılar Birliyinin üzvüdür. 2008-ci ildə Azərbaycan Yazıçılar Birliyinin Salyanda keçirilən təsis konfransında Muğan bölməsinin sədri seçilib.

Dünya Azərbaycanlılarının I Qurultayının, Azərbaycan Gənclərinin III Forumunun, Azərbaycan Yazıçılar Birliyinin XI Qurultayının, Krımın Yalta şəhərində keçirilən XIV Türk Dünyası Gənclik Günləri və Qurultayının və digər mühüm tədbirlərin iştirakçısıdır.

2010-cu ildə Türk Xalqları Mədəniyyət Vəqfinin Azərbaycan təmsilçisi seçilib.

Yaradıcılığı Türkiyədə, Rusiyada, Hollandiyada, Qazaxstanda və digər ölkələrdə çap olunub.

7 kitabın, yüzə qədər elmi, publisistik və pedaqoji məqalənin müəllifidir.

2015-ci ilin mayında Azərbaycan Yazıçılar Birliyinin Muğan Bölməsinin sədrliyindən bəyanatla istefa verib

Mükafatları

2009-cu ildə "Vektor" Beynəlxalq Elm Mərkəzi tərəfindən "Şahmar Əkbərzadə adına Beynəlxalq Ədəbiyyat Mükafatı"na layiq görülüb.

2013-cü ildə "Türk dünyasına xidmət ödülü"nə layiq görülüb.

2015-ci ilin avqust ayında türk dünyası ilə bağlı araşdırmalarına görə Türkiyə Sənət Platformu tərəfindən "2015 TÜRK DÜNYASI HİZMƏT ŞƏRƏF ÖDÜLÜ" ilə mükafatlandırılıb.

Kitabları

• Ey türk doğulan. Bakı: 2012
• Səni tapan itirməz. Bakı.
• Söz sənindir. Bakı, "Vektor" Nəşrlər Evi, 2010.
• Dağ Kolanı dastanı. Bakı.
• Yaralı Azərbaycan. Bakı.
• Sözüm sənədi, tanrım. Bakı.
• Muğanın səsi. Bakı.

İstinadlar

1. Şair-publisist Namiq Hacıheydərli qəfil vəfat etdi.
2. "Şair-publisist Namiq Hacıheydərli qəfil vəfat etdi". Oxu.Az (az.). 2024-04-27. 2024-04-27 tarixində . İstifadə tarixi: 2024-04-27.
3. . 2013-10-23 tarixində orijinalından arxivləşdirilib. İstifadə tarixi: 2014-03-15.
4. Azərbaycan Yazıçılar Birliyinin Muğan bölməsinin sədri istefa verdi ^{[ölü keçid]}
5. "«Ey Türk doğulan» Namiq Hacıheydərlinin kitabı təqdim olundu". 2021-09-27 tarixində . İstifadə tarixi: 2014-03-27.
6. "Namiq HACIHEYDƏRLİ – SƏNİ TAPAN İTİRMƏZ". 2016-04-06 tarixində . İstifadə tarixi: 2014-03-27.
7. "Namiq Hacıheydərlinin yeni şeirlərinin ünvanı – "Söz sənindir"". 2021-09-20 tarixində . İstifadə tarixi: 2014-03-27.
8. . 2016-03-10 tarixində orijinalından arxivləşdirilib. İstifadə tarixi: 2014-03-27.

Xarici keçidlər

• http://www.azadliq.org/content/article/24694741.html
• http://www.dgtyb.org/news/1111.html 2010-11-02 at the Wayback Machine
• http://www.yalquzaq.com/?tag=namiq-haciheyd%C9%99rli