Valeh Kərimov

Valeh Seyfulla oğlu Kərimov (20 mart 1944, Miyana, Şərqi Azərbaycan ostanı) — Azərbaycan aktyoru, Azərbaycan Respublikasının xalq artisti (2000). Azərbaycan Respublikası Prezidentinin fərdi təqaüdçüsü (2005)

Valeh Kərimov
Digər adı	Moşu
Doğum tarixi	20 mart 1944(1944-03-20) (80 yaş)
Doğum yeri	Miyana, Miyana şəhristanı, Şərqi Azərbaycan ostanı, İran
Vətəndaşlığı	Azərbaycan
Fəaliyyəti	aktyor
Mükafatları	2000

Həyatı

Valeh Kərimov 1944-cü il mart ayının 20-də İranın Şərqi Azərbaycan ostanının Miyana şəhərində dünyaya gəlib. 1969-cu ildə M. A. Əliyev adına Azərbaycan Dövlət İncəsənət İnstitutunun Dram və kino aktyoru fakültəsini bitirdikdən sonra öz aktyor taleyini həmişəlik olaraq Sumqayıt Teatrı ilə bağlayıb. Bu teatrda 70-ə yaxın obraz yaradıb, rejissor kimi bir neçə tamaşaya quruluş verib.

1990-cı ildən Azərbaycan Teatr Xadimləri İttifaqının üzvüdür. 1990-cı ildə "Azərbaycan SSR Əməkdar artisti", 2000-ci ildə isə "Azərbaycan Respublikasının Xalq artisti" fəxri adına, həmçinin Prezident mükafatına layiq görülüb. 2005 ci ildə Azərbaycan Respublikası Prezidentinin fərdi təqaüdünə layiq görülüb.

2015-ci ildən başlayaraq Gəncə Dövlət Dram Teatrında aktyor və rejissor kimi fəaliyyət göstərib.

4 iyun 2020-ci ildə "Vaqif Səmədoğlu" medalı ilə təltif edilmişdir.

2023-cü ilin mart ayında Mingəçevir Dövlət Dram Teatrında aktyor və quruluşçu rejissor kimi işə başlayıb.

Ailəsi

Loğman Kərimovun qardaşıdır. Həyat yoldaşı Zöhrə Bayram qızı Kərimova Sumqayıt şəhərindəki 20 saylı "Göy qurşağı" uşaq bağçasının müdirəsi olmuş, 30 may 2016-cı ildə vəfat etmişdir.

Əsas rolları

Sumqayıt Dövlət Dram Teatrı

• oynadığı rollar

1. Müsyo Jordan və dərviş Məstəli şah (M. F. Axundov) — qonaq
2. Sevil (C. Cabbarlı) — Balaş
3. Yadındamı? (A. Məmmədov) — Zaur
4. Müsibəti Fəxrəddin (N.b. Vəzirov) — Fəxrəddin
5. Toy (S. Rəhman) — Surxay
6. Nəsrəddin (Y. Əzimzadə) — Nəsrəddin
7. Elbrus evlənir (G. Xuqayev) — Elbrus; Albadam
8. Ülviyyə (R. İsmayılov) — Qədim
9. Tamahkar (S. S. Axundov) — Hacı Murad
10. Komsomol poeması (İ. Coşğun) — Gəray bəy
11. Skapenin kələkləri (Molyer) — Silvestr
12. Demoklisin qılıncı (N. Hikmət) — komisyonçu
13. Adamın adamı (Anar) — İbiş İbişli
14. Maskarad (M. Lermontov) — Sprixt
15. Vəfalı Səriyyə (C. Cabbarlı) — Məhərrəm
16. Müfəttiş (N. Qoqol) — Xlestakov
17. Lənkəran xanının vəziri (M. F. Axundov) — vəzir
18. Bəxt üzüyü (V. Səmədoğlu) — Moşu
19. Bir gecəlik ər (R. N. Güntəkin) — Hilmi
20. Hamlet (mono-tamaşa; V. Şekspir) — Hamlet
21. Qarışqa yuvası (Ə. Qiyas) — Qafar
22. Mənim ağ göyərçinim (T. Vəliyeva) — hərbçi

• quruluş verdiyi tamaşalar

1. Tamahkar (S. S. Axundov) — 10.02.1974 / 25.04.1993
2. Gəl qohum olaq (İ. Məlikzadə) — 08.12.1997
3. Sehrli yaylıq (K. Həsənov) — 22.03.2000
4. Lotereya (M. Moyame) — 02.04.2003.

Filmoqrafiya

1. Anlamaq istəyirəm (film, 1980) — rol: iclas iştirakçısı
2. Bağdada putyovka var... (film, 2000) — rol: Qürbət
3. Balqabaq (film, 2007)
4. Bəxt üzüyü (film, 1991) — Moşu Göyəzənli
5. Gəl qohum olaq (film, 2001)
6. Milli bomba (film, 2004) — rol: Məmmədin atası
7. — rol: Seyfi
8. Mən sənin dayınam (film, 2001)
9. Pəncərə (film, 1991)
10. Yerlə göy arasında (film, 1999)
11. 100 kağız (film, 2015)
12. Ölülər XXI əsr (film, 2016)
13. Bəxt üzüyü 2 (film, 2017) — Moşu Göyəzənli

İstinadlar

1. Mədəniyyət TV. "Xalq artisti Valeh Kərimov 80 yaşını qeyd edir" (az.). Youtube.com. 11.04.2024. İstifadə tarixi: 2024-04-12.
2. "Arxivlənmiş surət" (PDF). 2023-11-09 tarixində (PDF). İstifadə tarixi: 2023-11-09.
3. "Xalq artistinə vəzifə verildi". 2021-09-21 tarixində . İstifadə tarixi: 2015-09-18.
4. Bakı Post. "Bu şəxslər "Vaqif Səmədoğlu" medalı aldılar" (az.). Bakupost. 05.06.2020. 2021-09-25 tarixində . İstifadə tarixi: 2020-06-05.
5. "İşsizlikdən şikayətlənən "Moşu"ya vəzifə verildi". 2023-03-31 tarixində . İstifadə tarixi: 2023-03-31.
6. Sumqayıtın bağça müdiri dünyasını dəyişdi 2021-09-22 at the Wayback Machine. xeberle.com, 31.05.2016  (az.)

Xarici keçidlər

• Mingəçevir Dövlət Dram teatrında yeni premyera — FOTOLAR  (az.)