Bulud Qasımov

Bulud Əliş oğlu Qasımov (1 iyul 1947, Nərimankənd, Gədəbəy rayonu) — yazıçı və karikaturaçı rəssam, Azərbaycan Karikaturaçı Rəssamlar Birliyinin üzvü (2006)

Bulud Qasımov
Doğum tarixi	1 iyul 1947(1947-07-01) (76 yaş)
Doğum yeri	Nərimankənd, Gədəbəy rayonu, Azərbaycan SSR, SSRİ
Fəaliyyəti	rəssam, yazıçı, jurnalist
Təhsili	Bakı Dövlət Universiteti
Janr	karikatur
Vikianbarda əlaqəli mediafayllar

Həyatı

Bulud Qasımov 1 iyul 1947-ci ildə Gədəbəy rayonunun Nərimankənd kəndində anadan olub. 1966-cı ildə Nərimankənd orta məktəbini, 1968-ci ildə isə saxsı qablar üzrə rəssam ixtisası üzrə bitirmişdir. 1968–1970-ci illərdə Qara dəniz sahilindəki Gəlincik şəhərində sovet ordusu sıralarında rəssam kimi xidmət etmişdir.

1972–1977-ci illərdə Bakı Dövlət Universitetinin Jurnalistika fakültəsində ali təhsil almışdır. 1978-ci ildən "Sovet kəndi" qəzetində çalışmağa başlamışdır.

1980-ci ildən karikaturaçı rəssam kimi respublika mətbuatında fəal çalışmağa başlayıb. 1981-ci ildən "Kirpi" satirik jurnalı ilə əməkdaşlıq etmişdir.

Bulud Qasımov 1987-ci ildən 2012-ci ilə qədər Bakı şəhəri Zakir Yusifov adına 194 saylı tam orta məktəbində təsviri-incəsənət müəllimi işləmişdir.

2005-ci ildən "Mozalan" satirik jurnalının bədii redaktoru və baş rəssamı işləmişdir. "Molla Nəsrəddin XXI əsrdə" jurnalında rəssam işləyir.

Bulud Qasımov Azərbaycan dövrü mətbuatında o cümlədən "Sovet kəndi", "Kommunist", "Ədəbəyyat və incəsənət", "Mədəniyyət", "Dan ulduzu", "Bütöv Azərbaycan", "Kaspi", "Kredo", "Savalan", "Güzgü" qəzetlərində "Kirpi", "Mozalan", "Günəş", "Bahar", "Molla Nəsrəddin XXI əsrdə" jurnallarında çalışmışdır.

2006-cı ildən Azərbaycan "Karikaturaçı Rəssamlar Birliyi"nin üzvüdür. Həmçinin FECO (Beynəlxalq Karikaturaçılar Təşkilatları Federasiyası) Azərbaycan qrupunun üzvüdür.

Bir çox respublika, Beynəlxalq sərgilərində və müsabiqələrində iştirak edib.

Bulud Qasımov Türkiyədə keçirilən "Aydın Doğan Uluslararası Karikatür Yarışması"nda hər il iştirak edir və əsərləri orada sərgilənir.

Ailəsi

Bulud Qasımovun atasının adı Əliş, anasının adı Qızxanımdır. 3 oğlu, 2 qızı var.

Kitabları

1. Rəssam Bulud Qasımov — Məni tanıyanlar. Bakı, "Dünya nəşriyyatı", 1998. 48 səh. 1000 tiraj.
2. Bulud Əlişoğlu. "Şəhid yuxusu", Bakı, "Adiloğlu", 2007. 120 səh. 500 tiraj.
3. Bulud Əlişoğlu. "İmana inam" (bir ömrün salnaməsi), Bakı, "Qismət", 2012. 112 səh.

Haqqında deyilənlər

Portretin əsas xarakterik cizgisini tapmaq rəssam Buludun məharətidir. Tofiq Mahmud, şair

İstinadlar

1. "Mədəniyyət xadimləri: Bulud Qasımov" (az.). mct.gov.az. 2007. 2023-07-04 tarixində . İstifadə tarixi: 2015-05-18.
2. "Mədəniyyət" qəzeti, 1997-ci il.
3. Bayram Hacızadə, "Azərbaycanın karikaturaçı rəssamları", Bakı, "Çaşıoğlu", 2001. səh.92
4. Bayram Hacızadə, "Müasir Azərbaycan karikaturası", Bakı, "Şərq-Qərb", 2007. səh.60
5. "Jurnalist" qəzeti, 1986-cı il.
6. "Femida" qəzeti, 1997-ci il.
7. "Karikaturaçılar: Bulud Qasımov (1947)" (az.). azerbaijans.com. 2011. 2021-12-19 tarixində . İstifadə tarixi: 2015-05-13.
8. FECONEWS MAGAZINE, № 44. səh.5
9. (türk). sanalmuze.aydindoganvakfi.org.tr. 2009. 2016-03-08 tarixində orijinalından arxivləşdirilib. İstifadə tarixi: 2015-05-18.

Xarici keçidlər

Vikianbarda Bulud Qasımov ilə əlaqəli mediafayllar var.

• Bulud Qasımov(karikatura) ^{[ölü keçid]} — kirpiaz.com saytı
• azercartoon.com saytı 2008-08-07 at the Wayback Machine
• "Molla Nəsrəddin" jurnalının 101 illiyi münasibətilə tədbir keçirilib ^{[ölü keçid]} — az.apa.az saytı