Bakı Enerji Həftəsi

Bakı Enerji Həftəsi və ya Baku Energy Week — öz brendi altında 3 böyük tədbiri (27-ci Beynəlxalq Xəzər Neft və Qaz, 10-cu Yubiley Xəzər Beynəlxalq Energetika və Bərpa olunan Enerji sərgiləri və Bakı Enerji Forumu) birləşdirən bir tədbirdi. 2022-ci ildə Bakı Enerji Həftəsində 30 ölkədən 249 şirkət iştirak etmişdir. 2022-ci ildə Türkiyə Respublikasının Prezidenti Rəcəb Tayyib Ərdoğan Bakı Enerji Həftəsi iştirakçılarına məktub ünvanlamışdır.

Bakı Enerji Həftəsi
azərb. Bakı Enerji Həftəsi‎
Status	aktiv
Janr	tədbir
Tezliyi	hər ilin yazında
Məkan	Bakı Ekspo Mərkəzi
Yer	Bakı
Ölkə	Azərbaycan
Yaradılıb	1994-cü il
Növbəti	31 may - 2 iyun, 2023-cü il
Təşkilatçı	Iteca Caspian LLC
bew.az

“Caspian Power” sərgisi

“Caspian Power” sərgisində enerjidən istifadə üzrə ən son nailiyyətlər təqdim edilir və burada elektroenergetika sənayesinin aparıcı nümayəndələri ilə görüşlər keçirilir. Sərgi ən son texnoloji məhsullar və elektroenergetika sahəsinin inkişaf strategiyaları barədə məlumat almaq imkanı yaradır. 2022-ci ildən sərginin adı Xəzər Beynəlxalq Energetika və Bərpa Olunan Enerji Sərgisi olaraq dəyişilib. 2022-ci ildən başlayaraq “Caspian Power” sərgisi “Caspian Oil&Gas” sərgisi ilə birgə Bakı Enerji Həftəsi çərçivəsində keçirilir.

“Caspian Oil&Gas” sərgisi

Xəzər Neft və Qaz sərgisi Azərbaycan Respublikasının müstəqillik əldə etdiyi tarixdən bəri keçirilən ilk sərgidir. Sərgi artıq 25 ildən çoxdur ki keçirilir. “Xəzər Neft və Qaz” sərginin keçirilməsi təşəbbüsü ümummilli lider Heydər Əliyev tərəfindən dəstəklənib. O vaxtdan bəri “Xəzər Neft və Qaz” sərgisi neft, qaz və energetika sahəsində aparıcı mütəxəssislərin görüş yeri olub, burada gələcək əməkdaşlığa dair memorandumlar, müqavilələr imzalanıb. Uzun illər uğur qazandıqları üçün sərgiyə ABŞ, Böyük Britaniya, Türkiyə və digər ölkələrin birinci şəxsləri öz təbrik məktublarını göndəriblər.

Bakı Enerji Forumu

Bakı Enerji Forumu və ya Baku Energy Forum ənənəvi “Xəzər Neft və Qaz” (“Caspian Oil & Gas”) konfransının missiyasını daha geniş spektrdə davam etdirir. Tədbirdə qlobal enerji perspektivləri, yaşıl enerjiyə keçidin maliyyələşdirilməsi, qaz təchizatı məsələləri, Xəzər regionunda kəşfiyyat və hasilat imkanlarının xəritəsi və bir sıra digər aktual məsələlər müzakirə olunur. 2022-ci ildə forumda dünyanın 20 ölkəsindən 400-dən çox nümayəndə iştirak etdi və forumun proqramına 50 məruzəçinin 25-dən çox mövzusu daxil oldu.

Həmçinin bax

• Iteca Caspian LLC
• Caspian Event Organisers

İstinadlar

1. "Azərbaycanda Bakı Enerji Həftəsi başlayıb". azertag.az (az.). AzərTac. 2023-07-01 tarixində . İstifadə tarixi: 11 yanvar 2023.
2. "Azerbaijan to host Baku Energy week". azertag.az (ingilis). AzərTac. 2022-06-26 tarixində . İstifadə tarixi: 11 yanvar 2023.
3. "Baku Energy Week starts in Azerbaijan today". Trend.Az (ingilis). 1 iyun 2022. 2023-01-11 tarixində . İstifadə tarixi: 11 yanvar 2023.
4. "Bakı Enerji Həftəsi bərpa olunur". Report İnformasiya Agentliyi (az.). 2023-01-11 tarixində . İstifadə tarixi: 11 yanvar 2023.
5. "Rəcəb Tayyib Ərdoğan: Azərbaycan ilə enerji sahəsində əməkdaşlığımız ölkələrimiz və bölgəmiz üçün strateji xarakter daşıyır". azertag.az (az.). AzərTac. 2023-07-01 tarixində . İstifadə tarixi: 11 yanvar 2023.
6. "Bakıda "Caspian Power 2017" sərgisi keçiriləcək". FED.az (az.). FED. 3 may 2017. 11 January 2023 tarixində . İstifadə tarixi: 11 yanvar 2023.
7. "27-ci Beynəlxalq Xəzər Neft və Qaz Sərgisi davam edir". azertag.az (az.). AzərTac. 2023-07-01 tarixində . İstifadə tarixi: 11 yanvar 2023.
8. "Bakıda XXI Beynəlxalq Xəzər neft və qaz sərgisinin açılışında İlham Əliyevin nitqi » Azərbaycan Prezidentinin Rəsmi internet səhifəsi". president.az (az.). 2023-07-01 tarixində . İstifadə tarixi: 11 yanvar 2023.
9. "Bakı Enerji Forumu başlayıb Forumda dünyanın 20 ölkəsindən 400-dən çox nümayəndə iştirak edir". azertag.az (az.). AzərTac. 2022-08-20 tarixində . İstifadə tarixi: 11 yanvar 2023.

Xarici keçidlər

• bew.az — Bakı Enerji Həftəsinin rəsmi saytı