New Game!

New Game! (ニューゲーム, Nyū Gēmu, azərb. Yeni oyun!‎) — Şotaro Tokuno tərəfindən hazırlanan yonkoma seriyası. 2013-cü ilin yanvarından Houbunsha nəşriyyatının "Manga Time Kirara Carat" seynen manqası jurnalında nəşr olunur. 4 iyul 2016-cı ildən 19 sentyabr 2016-cı ilə kimi Doga Kobo tərəfindən istehsal olunmuş anime adaptasiyası yayımlanmışdır. 11 iyul 2017-ci ildən ikinci mövsümü yayımlanır. 2017-ci ilin yanvarında 5pb. şirkəti tərəfindən istehsal olunmuş vizual roman adaptasiyası buraxılmışdır.

New Game!
Birinci cildin üzlüyü. Personaj: Aoba Suzukaze.
ニューゲーム (Nyū Gēmu) azərb. Yeni oyun!‎
Janr	komediya
Manqa
Yazıçı	Şotaro Tokuno
Nəşriyyat	Houbunsha
Jurnal	Manga Time Kirara Carat
Tərcümə jurnalı	^ŞA
Demoqrafiya	Seynen
Nəşr tarixi	28 yanvar 2013 – hazırda
Cildlər	6 (cild siyahısı)
Anime
Rejissor	Yoşiyuki Fucivara
Ssenarist	Fumihiko Şimo
Bəstəkar	Hacime Hyakkoku
Studiya	Doga Kobo
Digər lisenziyalar	^ŞA
Kanal	AT-X, Tokyo MX, TVA, MBS, BS11
Buraxılış tarixi	4 iyul 2016 – 19 sentyabr 2016
Seriyalar	12 + 1 OVA
Video oyun
New Game! The Challenge Stage
Hazırlayan	5pb.
Nəşr edən	5pb.
Janr	Vizual roman
Platforma	PlayStation 4, PlayStation Vita
Buraxılış tarixi	YP: 26 yanvar 2017
Anime
New Game!!
Rejissor	Yoşiyuki Fucivara
Ssenarist	Fumihiko Şimo
Bəstəkar	Hacime Hyakkoku
Studiya	Doga Kobo
Digər lisenziyalar	^ŞA
Kanal	AT-X, Tokyo MX, TVA, MBS, BS11
Buraxılış tarixi	11 iyul 2017 – 26 sentyabr 2017
Seriyalar	12

Məzmun

Uşaq ikən oynadığı "Fairies Story" videooyununun böyük fanatı olan Aoba Suzukaze liseydən məzun olduqdan sonra Eagle Jump videooyun şirkətində personaj dizayneri kimi işə başlayır. "Fairies Story 3" adlı yeni oyun üzərində işlədiklərini öyrənən Suzukaze hələ gənc olmasına baxmayaraq yeni dostlar qazanmağa və bacardığı qədər kömək etməyə çalışır.

Personajlar

Aoba Suzukaze (涼風 青葉, Suzukaze Aoba)

Səsləndirən:

Baş qəhrəmandır və liseydən yenicə məzun olaraq Eagle Jump şirkətinə personaj dizayneri kimi qatılır. Balaca boyuna görə onu tez-tez orta məktəb şagirdi ilə səhv salırlar.

Ko Yaqami (八神 コウ, Yagami Kō)

Səsləndirən:

Eagle Jump şirkətinin baş personaj dizayneridir. Vaxtının çoxunu ofisdə keçirir, hətta gecəni şirkətdə keçirir. Bir az sərt qadındır. 25 yaşı var. Aobaya personaj dizayneri olmağa ilham verən oyunun personaj dizayneri o olub.

Rin Toyama (遠山 りん, Tōyama Rin)

Səsləndirən:

Art direktor və arxa plan bölməsinin başçısıdır. Konun yaxın dostudur və onun da 25 yaşı var.

Hifumi Takimoto (滝本 ひふみ, Takimoto Hifumi)

Səsləndirən: Mequmi Yamaquçi

Personaj dizayneridir. Başqaları ilə ünsiyyət quranda utanır və e-mail vasitəsilə ünsiyyət saxlamağa üstünlük verir. Evində Sociro adlı kirpi saxlayır və kospley olmağı sevdiyini gizlədir.

Yun İycima (飯島 ゆん, Iijima Yun)

Səsləndirən: Ayumi Takeo

Personaj dizayneridir. Bədheybətlərin dizaynı ilə məşğul olur və tez-tez qotik paltarlar geyinir. Özündən kiçik iki ögey bacı-qardaşı var.

Hacime Şinoda (篠田 はじめ, Shinoda Hajime)

Səsləndirən:

Hərəkət dizayneridir. Sentayı çox sevir.

Umiko Ahaqon (阿波根 うみこ, Ahagon Umiko)

Səsləndirən:

Proqramçıdır. Xətaları düzəldəndə əsəbləşir və soyadına görə utanır. Hərbi fanatdır, straykbol oynamağı çox sevir.

Nene Sakura (桜 ねね, Sakura Nene)

Səsləndirən: Madoka Asahina

Aobanın liseydən yaxın rəfiqəsidir. Hazırda universitetdə təhsil alır. Yayda xəta axtarıcısı kimi Eagle Jump şirkətinə qatılır.

Şizuku Hazuki (葉月 しずく, Hazuki Shizuku)

Səsləndirən:

Oyun direktorudur. Şirin qızlara marağı olduğundan şirkətdə ancaq qızlar işləyir. Mozuku adlı pişiyi var.

Kristina Yamato Vako (大和・クリスティーナ・和子, Yamato Kurisutīna Wako)

Səsləndirən:

Eagle Jump prodüseridir.

Momici Moçizuki (望月 紅葉, Mochizuki Momiji)

Səsləndirən: Arisa Suzuki

Hekayənin ikinci ilində şirkətə qatılan qrafik rəssamdır.

Tsubame Narumi (鳴海 ツバメ, Narumi Tsubame)

Səsləndirən:

Hekayənin ikinci ilində şirkətə qatılan proqramçıdır.

Hotaru Hoşikava (星川 ほたる, Hoshikawa Hotaru)

Aoba və Nenenin liseydən dostudur. Liseydə incəsənət klubunun üzvü idi. Peşəkar illüstrator olmaq üçün təsviri incəsənət kollecində oxuyur.

Səsləndirən: Manaka İvami

Çinatsu Hidaka (日高 ちなつ, Hidaka Chinatsu)

Media

Manqa

Şotaro Takuno tərəfindən hazırlanan orijinal manqa 28 yanvar 2013-cü ildən Houbunsha nəşriyyatının "Manga Time Kirara Carat" jurnalında nəşr olunur. 27 fevral 2014-cü ildən 27 iyun 2017-ci ilə kimi altı tankobon cildi buraxılmışdır."The Spinoff!" adlı beşinci cild əsas hadisələr üçün prikvel rolunu oynayır və 27 iyul 2016-cı ildə buraxılmışdır. manqanı Şimali Amerika üçün lisenziyalaşdırmışdır.

Cild siyahısı

№	Yapon nəşr tarixi	Yapon ISBN
1	27 fevral 2014
2	27 mart 2015
3	27 yanvar 2016
4	27 iyul 2016
5	27 iyul 2016
6	27 iyun 2016

Anime

4 iyul 2016-cı ildən Yaponiyada 12 seriyalıq anime adaptasiyası yayımlanır. Anime Crunchyroll vasitəsilə də nümayiş etdirilir.Doga Kobo studiyası tərəfindən istehsal olunan animenin rejissoru Yoşiyuki Fucivara, ssenaristi Fumihiko Şimo və personaj dizayneri Ay Kikuçidir. Anime serialının 28 sentyabr 2016-cı ildən 24 fevral 2017-ci ilə kimi buraxılacaq 6 Blu-Ray/DVD cildinə OVA seriyası əlavə olunmuşdur. Animenin açılış mahnısı "Sakura Skip" (SAKURAスキップ, Sakura Sukippu) mahnısı, bağlanış mahnısı isə "Now Loading!!!" mahnısıdır. Hər iki mahnı Fourfolium seyyu qrupu (Yuuki Takada, Mequmi Yamaquçi, Ayumi Takeo və Mequmi Toda) tərəfindən ifa olunur.

"New Game!!" adlı ikinci mövsüm 11 iyul 2017-ci ildə Yaponiyada nümayiş etdirilməyə başlamışdır. Anime Crunchyroll vasitəsilə də yayımlanır. İkinci mövsümün açılış və bağlanış mahnıları, uyğun olaraq, "Step by Step Up ↑↑↑↑" və "Jumpin' Jump Up!!!!" mahnılarıdır. Hər iki mahnı Fourfolium tərəfindən ifa olunur.

Anime Şimali Amerikada tərəfindən lisenziyalaşdırılmışdır.

Videooyun

5pb. şirkəti tərəfindən istehsal olunmuş vizual roman adaptasiyası "New Game!: The Challenge Stage" 26 yanvar 2017-ci ildə PlayStation 4 və PlayStation Vita platformaları üçün buraxılmışdır. Vizual roman baş qəhrəman Aobanın Eagle Jump şirkətinə qatılmasından bir ay sonrasından bəhs edir. Oyunçular Aobanın parametrlərini də yüksəldə bilirlər. Oyunun məhdud nəşrini sifariş edənlər Aoba fiquru və orijinal saundtrek, öncədən sifariş edənlər isə dovşan kostyumu üçün DLC kodu əldə etmişdir.

Seriyanın personajları digər "Manga Time Kirara" personajları ilə birlikdə 2017-ci il istehsalı "Kirara Fantasia" mobil oyununda peyda olmuşdurlar.

İstinadlar

1. "Yūki Takada, Yōko Hikasa, Ai Kayano Star in New Game! TV Anime". Anime News Network. March 27, 2016. November 8, 2020 tarixində . İstifadə tarixi: March 27, 2016.
2. "New Game!! Anime Season 2 Reveals 4 New Cast Members". Anime News Network. May 22, 2017. 2020-11-01 tarixində . İstifadə tarixi: 27 avqust 2017.
3. "New Game!" (Japanese). Houbunsha. 2019-02-08 tarixində . İstifadə tarixi: 18 avqust 2016.
4. "New Game! The Spinoff" (Japanese). Houbunsha. 2016-08-20 tarixində . İstifadə tarixi: 18 avqust 2016.
5. "Seven Seas Licenses Made in Abyss, Nameless Asterism, Soul Liquid Chambers, Getter Robo Devolution Manga". Anime News Network. July 3, 2017. July 6, 2017 tarixində . İstifadə tarixi: July 3, 2017.
6. "Crunchyroll Adds B-Project, New Game!, Bananya, Hitori no Shita the outcast". Anime News Network. July 1, 2016. 2021-03-26 tarixində . İstifadə tarixi: 18 avqust 2016.
7. "Product｜TVアニメ『New Game!』オフィシャルサイト" (Japanese). Doga Kobo. 2020-09-19 tarixində . İstifadə tarixi: 18 avqust 2016.
8. "'Engaged to the Unidentified' Team Animates 'New Game' Show at Doga Kobo". Anime News Network. January 23, 2016. 2021-02-22 tarixində . İstifadə tarixi: 23 yanvar 2016.
9. "New Game! TV Anime's Blu-rays/DVDs to Offer Public Bath OVA". Anime News Network. 14 sentyabr 2016. 2020-11-09 tarixində . İstifadə tarixi: 15 sentyabr 2016.
10. "Crunchyroll to Stream New Game!! Season 2, In Another World With My Smartphone Anime". Anime News Network. July 11, 2017. 2019-01-05 tarixində . İstifadə tarixi: 27 avqust 2017.
11. "New Game!! Anime Premieres on July 11". Anime News Network. June 2, 2017. 2020-11-11 tarixində . İstifadə tarixi: 27 avqust 2017.
12. "New Game! Anime Season 2 Reveals Anime's Theme Song Artist". Anime News Network. May 10, 2017. 2017-06-07 tarixində . İstifadə tarixi: 27 avqust 2017.
13. "Summer 2017 Simuldubs". Funimation. 2023-08-05 tarixində . İstifadə tarixi: 27 avqust 2017.
14. "First Screens Of New Game! The Challenge Stage! Show Aoba, Hifumi, Kou, And Shizuku". Siliconera. July 20, 2016. October 25, 2016 tarixində . İstifadə tarixi: 18 avqust 2016.
15. "New Game! PS4, PS Vita Game's Promo Shows Game's Story, Mechanics". ANN (ingiliscə). 7 noyabr 2016. 2022-07-07 tarixində . İstifadə tarixi: 7 noyabr 2016.
16. "Houbunsha Reveals Kirara Fantasy Smartphone RPG". Anime News Network. June 25, 2017. 2017-10-30 tarixində . İstifadə tarixi: 27 avqust 2017.

Xarici keçidlər

• Animenin rəsmi saytı  (yap.)
• New Game! (manqa) Anime News Network Ensiklopediyasında