Ankara Universitetinin Baytarlıq fakültəsi

Ankara Universitetinin Baytarlıq təbabəti takültəsi — Ankarada yerləşən baytarlıq təbabəti məktəbidir.1970-ci ilə qədər Türkiyədə təhsil və tədqiqat aparılan yeganə baytarlıq fakültəsi olmuşdur.

Ankara Universitetinin Baytarlıq Təbabəti fakültəsi
Dövlət tədqiqat universitetinin fakültəsi
Yaradılma tarixi	1842
Dekan	Prof.Dr. Ender Yarsan
Yerləşməsi
Ölkə	Türkiyə
Şəhər	Ankara
Digər məlumatlar
Sayt	veterinary.ankara.edu.tr
Vikianbarda əlaqəli mediafayllar

Tarix

Türkiyədə baytarlıq təbabəti təhsili ilk dəfə 1842-ci ildə İstanbuldakı Hərbi Baytarlıq Məktəbində başlamışdır. Daha sonra 1889-cu ildə Mülki Baytarlıq Məktəbi təsis edilmiş və bu iki qurum 1921-ci ildə Ali Baytarlıq Məktəbi adı altında birləşdirilmişdir.Türkiyə Respublikasındakı Ali Təhsil islahatları çərçivəsində 1933-cü ildə Baytarlıq Məktəbi bütün akademik və inzibati heyeti ilə birlikdə Ankaraya köçürülərək Ali Kənd Təsərrüfatı İnstitutuna daxil edilmiş, 1939-cu ildə isə Baytarlıq Təbabəti Fakültəsi adını almışdır. 1946-cı ildə Ankara Universitetinin təsis edilməsindən sonra Baytarlıq Təbabəti Fakültəsi 1948-ci ildə Ankara Universitetinə birləşdirilmiş və Universitetin qurucu fakültələrindən biri olmuşdur.

Ankara Universitetinin Baytarlıq Təbabəti Fakültəsi təməl fakültə olaraq yarandığı gündən etibarən, sonradan təsis edilmiş baytarlıq fakültələrinin əksəriyyətinin təhsil və tədqiqat fəaliyyətlərinə dəstək vermişdir.

Ankara Universitetinin Baytarlıq Təbabəti Fakültəsi 2007-ci ildə Avropa Baytarlıq Təhsili Müəssisələri Birliyinin (EAEVE) üzvü olmuşdur. Fakültə 2015-ci ildə Təhsil Müəssisələrinin və Baytarlıq Proqramlarının Qiymətləndirilməsi və Akkreditasiyası Assosiasiyası (VEDEK) tərəfindən akkreditə edilmişdir.

Təsvir

Tədqiqat və təhsillə yanaşı, Fakültə Heyvan Xəstəxanası vasitəsilə ictimai xidmət göstərməkdədir.

Kafedralar

Təməl Baytarlıq Elmləri

• Anatomiya kafedrası
• Biokimya kafedrası
• Histologiya-embriologiya kafedrası
• Fiziologiya kafedrası
• Baytarlıq tarixi və deontologiya kafedrası

Preklinik Elmlər

• Farmakologiya və toksikologiya kafedrası
• Mikrobiologiya kafedrası
• Parazitologiya kafedrası
• Patologiya kafedrası
• Virusologiya kafedrası

Klinik Elmlər

• Cərrahiyyə kafedrası
• Mamalıq və ginekologiya kafedrası
• Daxili xəstəliklər kafedrası
• Reproduksiya və süni mayalanma kafedrası

Qida gigiyenası və texnologiyası

• Qida gigiyenası və texnologiyası kafedrası

Heyvandarlıq və heyvanların qidalanması

• Biostatistika kafedrası
• Genetika kafedrası
• Heyvanların qidalanması və qidalanma xəstəlikləri kafedrası
• Heyvan sağlamlığı iqtisadiyyatı və idarəetmə kafedrası
• Heyvan elmləri kafedrası

Heyvan Xəstəxanası

Heyvan Xəstəxanasının binası 1933-cü ildə Ali Kənd Təsərrüfatı İnstitutunun Baytarlıq fakültəsinin binası olaraq tikilmişdir. Xəstəxana mədəni irs siyahısına daxil edilmiş və 2015-2017-ci illərdə restavrasiya edildikdən sonra Türkiyənin ən böyük heyvan xəstəxanalarından biri kimi xidmət göstərməkdədir. Xəstəxana ildə təxminən 40000 xırda və iri heyvana xidmət göstərir.

Muzey

2013-cü ildə fakültə binasında Baytarlıq Anatomiyası Muzeyi açılmışdır. Muzeydə 1933-cü ildən etibarən təhsil və sərgiləmə məqsədilə toplanmış müxtəlif nümunələr nümayiş etdirilir.

Jurnal

Ankara Universitetinin “Baytarlıq Jurnalı” 1954-cü ildən etibarən rüblük nəşr olunmaqdadır. Jurnalda baytarlıq, heyvan elmləri və zoologiya ilə bağlı mövzularda məqalələr dərc olunmaqdadır. Jurnal 2007-ci ilin aprel ayından etibarən SCIE- Genişləndirilmiş Elmi Sitatlaşma İndeksinə daxil edilmişdir.

Həmçinin bax

• Ankara Universiteti

İstinadlar

1. "Tarihçe". Veteriner Fakültesi (türk). 25 may, 2005-ci il tarixində . İstifadə tarixi: 10 noyabr 2022.
2. Özen, Rahsan; Özen, Abdullah. "Veterinary Education in Turkey". Journal of Veterinary Medical Education. 1 iyun 2006. 187–196. doi:10.3138/jvme.33.2.187. İstifadə tarixi: 10 noyabr 2022.
3. "Türkiye'de Veteriner Hekimliği Eğitim Ve Öğretiminin Tarihçesi" (türk). 2013-03-01 tarixində . İstifadə tarixi: 10 noyabr 2022.
4. "Veteriner Hekimliği Tarihi" (PDF). 2021-03-20 tarixində (PDF). İstifadə tarixi: 10 noyabr 2022.
5. "Okulumuzun Tarihçesi ve Tanıtımı". Selimiye Mesleki ve Teknik Anadolu Lisesi web sitesi. 2019-02-28 tarixində . İstifadə tarixi: 10 noyabr 2022.
6. "Ankara Yüksek Ziraat Enstitüsü'nün Kuruluşu ve Veteriner Hekim Öğretiminin Bu Kurumdaki On Beş Yıllık Tarihi" (PDF). dspace.ankara.edu.tr. Ankara Üniversitesi Veterinerlik Fakültesi dergisi cilt 8 sayı 1'den ayrıbasım. 2018-06-03 tarixində (PDF). İstifadə tarixi: 10 noyabr 2022.
7. "Osmanlı'dan Cumhuriyet'e Veteriner Hekimlik Eğitimi: Bir Mektup Analizi". Kocatepe Veterinary Journal, Yıl: 2017 , Cilt 10: Sayı: 2. 2020-03-13 tarixində . İstifadə tarixi: 10 noyabr 2022.
8. "AKREDİTE PROGRAMLAR". www.vedek.org.tr. 2022-10-28 tarixində . İstifadə tarixi: 10 noyabr 2022.
9. Sabah, Daily. "Animal hospital in Turkish capital serves thousands every year". Daily Sabah. 28 aprel 2022. 2022-10-28 tarixində . İstifadə tarixi: 10 noyabr 2022.
10. "Ankara Üniversitesi Veteriner Fakültesi Hayvan Hastanesi". Veteriner Fakültesi (türk). 2017-06-19 tarixində . İstifadə tarixi: 10 noyabr 2022.

Xarici keçidlər

• AÜ Veteriner Fakültesi Dergisi 2021-01-12 at the Wayback Machine.
• AÜ Veteriner Fakültesi Veteriner Kardiyoloji Birimi 2021-02-19 at the Wayback Machine