Ramiz Məmmədzadə (şair)

Ramiz Məmmədzadə (azərb. Ramiz Yaqub oğlu Məmmədzadə‎; d.1 yanvar 1937, Azərbaycan, Ağdam) — şair, 1983-cü ildən Azərbaycan Yazıçılar Birliyinin üzvü, "Qızıl qələm" mükafatı laureatı, "Yaddaş" milli mükafatı laureatı.

Ramiz Məmmədzadə
Ramiz Yaqub oğlu Məmmədzadə
Doğum tarixi	1 yanvar 1937
Doğum yeri	Azərbaycan, Ağdam
Vəfat tarixi	9 noyabr 2022 (85 yaşında)
Vəfat yeri	Bakı şəhəri
Vətəndaşlığı	Azərbaycan→ SSRİ
Milliyyəti	azərbaycanlı
Dini	islam dini
Təhsili	Azərbaycan Pedaqoji İnstitu
Fəaliyyəti	şair
Mükafatları	"Qızıl qələm" mükafatı, "Yaddaş" milli mükafatı laureatı və b.

Həyatı

1937-ci il yanvarın 1-də Azərbaycanın Ağdam rayonunda anadan olub. 1955-58-ci illərdə 1 saylı orta məktəbi, habelə Bakı dəmiryol məktəbini bitirmişdir. 1962-63-cü illərdə APİ-nin pedaqoji fakültəsində təhsilini davam etdirmiş, şair sonralar Abşeron rayonunun Saray kənd orta məktəbində müəllim işləmişdir. 1963-67-ci illərdə Azərbaycan LKGİ Abşeron rayon komsomol komitəsində şöbə müdiri, katib, 1967-68-ci illərdə Azərbaycan KP Abşeron Rayon Komitəsində təbliğat və təşviqat şöbəsinin müdiri, 1970-1992-ci illərdə Azərbaycan KP MK Siyasi maarif evində məsləhətçi vəzifələrini icra edən Milli Yaradıcılıq Akademiyasının filologiya doktoru eyni zamanda 1993-2000-ci illərdə Azərbaycan Respublikası Nazirlər Kabinetində böyük referent kimi çalışmışdır. 1968-70-ci illərdə Bakı Ali partiya məktəbində təhsil alan R.Məmmədzadə 1991-ci ildə Bakı şəhər Sovetinin deputatı seçilmişdir. Hazırda qaçqınların və məcburi köçkünlərin sosial problemləri ilə məşğul olan "Azəriserviz" təşkilatında mətbuat xidmətinin rəhbəridir. 1976-82-ci illərdə Yuqoslaviya, Çexoslovakiya, Türkiyə-Misir-Kipr-Yunanıstan, Kuba respublikası ölkələrinə səfərə çıxan sovet turist qrupuna rəhbərlik etmişdir.

Yaradıdıcılığı

Ədəbi fəaliyyətə 1960-cı ildə "Bakı" qəzetində dərc olunmuş "Milyon ananın övladı" adlı ilk şeiri ilə başlamışdır. "Canpolad əfsanəsi" adlı kitabını Azərbaycanın Milli Qəhrəmanı Canpolad Rzayeva həsr etmişdi.

Kitabları

• "Həmişə sən gələsən" (1978);
• "Vaxtında açsaydı qönçələr" (1964);
• "Xatirə bulağı" (1978);
• "Mühüm partiya işi" (1974);
• "Qeyrət günü" (1991);
• "O gecə (20 yanvar)" (1990);
• "Canpolad əfsanəsi" (1994);
• "İşıq günü" (2007);
• "Zirvə" (2009)

Mükafatları

Xidmətlərinə görə Azərbaycan SSR Ali Soveti Rəyasət Heyətinin Fəxri Fərmanı ilə, ÜİLKGİ MK-nın döş nişanı və stolüstü xatirə medalı ilə təltif olunmuşdur.

Mənbə

• Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı. Bakı: "Nurlar", 2011.

İstinadlar

1. "Şair Ramiz Məmmədzadənin anadan olmasının 80 illiyi". 2018-02-10 tarixində . İstifadə tarixi: 2019-06-21.