Vikipediyada bu ad soyadlı digər şəxslər haqqında da məqalələr var bax Zakir Bağırov Zakir Cavad oğlu Bağırov 16 29 mart

Zakir Cavad oğlu Bağırov (16 (29) mart 1916, Şuşa – 8 yanvar 1996, Bakı) — azərbaycanlı bəstəkar, pedaqoq, professor (1978), Azərbaycan SSR Əməkdar incəsənət xadimi (1960).

Zakir Bağırov

Ümumi məlumatlar
Doğum tarixi	16 mart 1916
Doğum yeri	Şuşa, Yelizavetpol quberniyası, Rusiya imperiyası
Vəfat tarixi	8 yanvar 1996 (79 yaşında)
Vəfat yeri	Bakı, Azərbaycan
Vətəndaşlığı	Rusiya imperiyası→ AXC→ SSRİ→ Azərbaycan
Musiqiçi məlumatları
Fəaliyyəti	bəstəkar, musiqi pedaqoqu^[d], film bəstəkarı
Fəaliyyət illəri	1949–1992
Janrlar	opera, klassik musiqi
Təhsili	Moskva Dövlət Konservatoriyası
Mükafatları	1959 1986

Həyatı

Zakir Bağırov 16 mart 1916-cı ildə Şuşa şəhərində anadan olub. O, ailə vəziyyəti ilə əlaqədar olaraq Bakı şəhərindəki N.Nərimanov adına 8 saylı uşaq evində yaşayıb. Bu, 1924-1929-cu illəri əhatə edib. 1929-cu ildən etibarən isə böyük qardaşının himayəsində yaşayıb. O, ilk musiqi təhsilini 1932-ci ildə Azərbaycan Dövlət Konservatoriyasının nəzdindəki Fəhlə fakültəsində alıb. Həmin fakültənin fortepiano sinfini bitirib.

Daha sonra təhsilini davam etdirmək üçün 1935-ci ildə P.İ.Çaykovski adına Moskva Dövlət Konservatoriyası nəzdindəki Musiqi Texnikumuna göndərilib. Zakir Bağırov Musiqi Texnikumunu bitirdikdən sonra könüllü olaraq cəbhəyə gedərək 1941-1945-ci illərdə Böyük Vətən müharibəsində iştirak edib. Avstriya, Macarıstan, Rumıniya, Finlandiya və Mancuriyada xidmət edib. Zakir Bağırov ordudan tərxis olunandan sonra Moskva Dövlət Konservatoriyasının Nəzəriyyə-bəstəkarlıq fakültəsinə daxil olub və 1949-cu ildə konservatoriyanı bitirib.

Pedaqoji fəaliyyəti

Zakir Bağırov Azərbaycan Dövlət Konservatoriyasıda 45 il müəllim kimi fəaliyyət göstərmiş, 1949-cu ildən ömrünün sonunadək musiqi-nəzəri fənlərindən dərs demişdir. O, 1970-ci ildən 10 il ərzində Musiqi nəzəriyyəsi kafedrasına rəhbərlik etmişdir. Eyni zamanda 1950-1958-ci illərdə Azərbaycan Radio və Televiziya Verilişləri Komitəsinin bədii rəhbəri vəzifəsini icra etmişdir.

Zakir Bağırov həmçinin fəal ictimai xadim idi. Bəstəkar 1950-ci ildən Azərbaycan Bəstəkarlar İttifaqının üzvü, habelə bu təşkilatın İdarə Heyətinin üzvü olmuşdur. Zakir Bağırov 1963-1965-ci illərdə M.Maqomayev adına Azərbaycan Dövlət Filarmoniyasının bədii rəhbəri olmuşdur. Eyni zamanda Azərbaycan Musiqi Fondunun İdarə Heyətinin sədri vəzifəsini icra etmişdir.

Vəfatı

Zakir Bağırov 8 yanvar 1996-cı ildə Bakı şəhərində vəfat etmişdir.

Əsərləri

Opera

"Aygün" (1972)
"Qoca Xattabıç"

Operetta

"Kəndimizin Mahnısı" (1958)
"Qayınana" (1974)

İnstrumental

xalq çalğı alətləri orkestri üçün süitalar (1956, 1969)
fortepiano ilə orkestr üçün konsert (1970)
orqan üçün improvizasiya və fuqa (1973)
"Çahargah" muğamı əsasında arfada solo ücün əsər
kamera-instrumental əsərləri, mahnı və romans.

Mahnıları

Ay qız (sözləri T.Əliyev)
Bilsən, necə sevindim (sözləri H.Hüseynzadə)
Lirik mahnı (sözləri Ənvər Əlibəylinin)
Ay qaşı, gözü qara qız (sözləri İslam Səfərlinin)
Gəl,gəl (sözləri İslam Səfərlinin)
Könlüm sənindir (sözləri ….)

Kitabları

Azərbaycan xalq rəqsləri. Not yazısı T.Quliyev, Z.Bağırov, M.İsmayılov. Bakı, 1951.
"Dügah" muğamı. Bakı, 1936.

Filmoqrafiya

Mükafatları

— 9 iyun 1959
"Azərbaycan SSR əməkdar incəsənət xadimi" fəxri adı — 24 may 1960^([⇨])
— 22 avqust 1986
"Yubiley" medalı

Xarici keçidlər

Bağırov Zakir 2021-11-19 at the Wayback Machine

İstinadlar

"Üzeyir bəyin tələbəsi Zakir Bağırov" (Azərbaycan). anl.az. 13-2-2013 tarixində .
"Bağırov Zakir Cavad oğlu" (Azərbaycan). musicacademy.edu.az. 4-9-2018 tarixində .
"Zakir Bağırov" (PDF) (Azərbaycan). anl.az. (#archive_missing_date) tarixində (PDF).
"Üzeyir Hacıbəyov ensiklopediyası — Bağırov Zakir Cavad oğlu". 2014-12-14 tarixində . İstifadə tarixi: 2013-06-15.
"İradə Abbasova. Üzeyir Hacıbəyov və Zakir Bağırovun musiqili komediyalarında həyat gerçəkliyinin gülüşlə təcəssümü. "Musiqi dünyası" jurnalı". 2022-01-24 tarixində . İstifadə tarixi: 2013-06-15.

[:0-1] "Üzeyir bəyin tələbəsi Zakir Bağırov" (Azərbaycan). anl.az. 13-2-2013 tarixində .

[:2-2] "Bağırov Zakir Cavad oğlu" (Azərbaycan). musicacademy.edu.az. 4-9-2018 tarixində .

[:1-3] "Zakir Bağırov" (PDF) (Azərbaycan). anl.az. (#archive_missing_date) tarixində (PDF).

[4] "Üzeyir Hacıbəyov ensiklopediyası — Bağırov Zakir Cavad oğlu". 2014-12-14 tarixində . İstifadə tarixi: 2013-06-15.

[5] "İradə Abbasova. Üzeyir Hacıbəyov və Zakir Bağırovun musiqili komediyalarında həyat gerçəkliyinin gülüşlə təcəssümü. "Musiqi dünyası" jurnalı". 2022-01-24 tarixində . İstifadə tarixi: 2013-06-15.