Zəhra Salayeva

Zəhra Məmməd qızı Salayeva (15 mart 1922, Bakı – 28 noyabr 2005) — məşhur Azərbaycan nevropatoloqu, tibb elmləri doktoru (1963), professor (1967), Azərbaycan Əməkdar Elm Xadimi (1981).

Zəhra Salayeva
Şəxsi məlumatlar
Doğum tarixi	15 mart 1922(1922-03-15)
Doğum yeri	Bakı, Bakı qəzası, Azərbaycan SSR, ZSSRFİ
Vəfat tarixi	28 noyabr 2005(2005-11-28) (83 yaşında)
Təhsili	Azərbaycan Tibb Universiteti, Bakı şəhəri 18 nömrəli tam orta məktəb^[d]
Fəaliyyəti	alim
Elmi fəaliyyəti
Elmi dərəcəsi	tibb e.d. (1963)
Elmi adı	prof. (1967)
Təltifləri

Həyatı

Zəhra Salayeva 15 mart 1922-ci ildə Bakı şəhərində anadan olub. Şair Mikayıl Müşfiq Bakı şəhəri 18 saylı orta məktəbdə onun müəllimi olmuşdur.

1943-cü ildə Azərbaycan Dövlət Tibb İnstitutunu bitirmişdir. 1967-ci ildən N. Nərimanov adına Azərbaycan Dövlət Tibb İnstitutunun sinir xəstəlikləri kafedrasının müdiri olmuşdur. Tədqiqatı, əsasən, Azərbaycanda neyromalyariyaya, hemorragik ensefalitin klinika və patomorfologiyasına həsr edilmişdir.

1979-cu ildən Azərbaycan Tibbi Genetiklər Cəmiyyətinin sədri olmuşdur.

3 monoqrafiya, 4 dərslik və 4 dərs vəsaitinin müəllifidir.

SSRİ Ali Sovetinin (7-ci çağırış) deputatı olmuşdur.

28 noyabr 2005-ci ildə Bakı şəhərində vəfat etmişdir.

Əsərləri

• Nevropatologiyadan praktikum (dərslik), B., 1962;
• Beyin qan-damar xəstəlikləri, B., 1964;
• Neyrogenetika (dərslik), B., 1977;
• Sinir xəstəlikləri, B., 1982;
• Qemorraqiçeskiy gnüefalit v Azerbaydcane, B., 1968.

İstinadlar

1. "SALAYEVA Zəhra Məmməd qızı". 2016-03-05 tarixində . İstifadə tarixi: 2012-07-02.
2. Axundzadə, Dilbər. Müşfiqli Günlər (Azərbaycan dili) (Birinci nəşr). Bakı: Xan Nəşriyyatı. 2015. səh 122.
3. "SALAYEVA ZƏHRA MƏMMƏD QIZI". 2021-06-24 tarixində . İstifadə tarixi: 2013-09-17.
4. "Zəhra Salayevanın həyatı haqqında". www.azerbaijans.com. 28 mart 2022 tarixində .