Xuraman İsmayılova

Xuraman İsbi qızı İsmayılova (5 oktyabr 1958, Mollalı, Bərdə rayonu) — Azərbaycan Respublikasının əməkdar mədəniyyət işçisi (2008), Azərbaycan Yazıçılar Birliyinin (2002) və Azərbaycan Jurnalistlər Birliyinin üzvü (1998), kitabxanaçı-biblioqraf.

Xuraman İsmayılova
Xuraman İsbi qızı İsmayılova
Doğum tarixi	5 oktyabr 1958(1958-10-05) (65 yaş)
Doğum yeri	Mollalı, Bərdə rayonu, Azərbaycan SSR, SSRİ
Milliyyəti	azərbaycanlı
Təhsili	Bakı Dövlət Universiteti
Mükafatları	2008

Həyatı

Xuraman İsmayılova 5 oktyabr 1958-ci ildə Bərdə rayonunun Mollalı kəndində müəllim ailəsində anadan olub. 1979-cu ildə Bakı Dövlət Universitetinin Kitabxanaçılıq fakültəsini bitirdikdən sonra təyinatla M.F.Axundzadə adına Azərbaycan Milli kitabxanasına göndərilib.

Fəaliyyəti

Əmək fəaliyyəti

M.F.Axundzadə adına Azərbaycan Milli Kitabxanasında kitabxanaçı-biblioqraf, bölmə müdiri və şöbə müdiri vəzifələrində işləyib.

1998-ci ildən Azərbaycan Jurnalistlər Birliyinin, 2002-ci ildən isə Azərbaycan Yazıçılar Birliyinin üzvüdür. 2008-ci ildə Azərbaycan Respublikasının əməkdar mədəniyyət işçisi adına layiq görülmüşdür.

AMEA Mərkəzi Elmi Kitabxanasında bölmə rəhbəri vəzifəsində çalışıb. 3 iyun 2020-ci ildə Mərkəzi Elmi Kitabxanaya direktor müavini təyin olunub.

Kitabları

• "Həsrət" (1998),
• "Qəribəm bu dünyada" (2000)
• "Dünya mənsiz darıxacaq" (2001)
• "Tənha yollar yolçusu" (2002)
• "Duyğuların üsyanı" (2002)
• "Qarabağım qəm ocağım" (2004)
• "Könlüm Qarabağdadı" (2006)
• "Yaddan çıxmaz Qarabağ.Metodik tövsiyə" (2007)
• "Sətirlərdə bitən ömür" (2018)
• "Anasız qalan dünyam" (2008)
• "Ürəyimdən keçənlər" (2011)
• "Bərdə və bərdəlilər. Biblioqrafik məlumat kitabı" (2010)
• "Quba və qubalılar. Biblioqrafik məlumat kitabı" (2012)
• "Hüseynbala Mirələmov. Biblioqrafik göstərici" (2007)
• "Zəlimxan Yaqub. Biblioqrafik göstərici" (2011)
• "Qobustan. Biblioqrafik göstərici" (2016)
• "Qətiyyətli insan: Sahib Sailov. Publisistik oçerk" (2015) kitablarının və 100-dən artıq elmi-publisistik məqalənin müəllifidir.
• 2015 — Vətəndaş alim, ziyalı (akademik Bəkir Nəbiyevin 85 illiyinə) Biblioqrafik soraq kitabı (həmmüəllif)
• 2019 — Ziyad Əliabbas oğlu Səmədzadə. Biblioqrafik göstərici (həmmüəllif)
• 2022 — Şuşa-270. Biblioqrafik göstərici
• 2023 — Görkəmli dövlət xadimi Heydər Əliyev. Biblioqrafik göstərici
• 2023 — Qərbi Azərbaycan. Biblioqrafik göstərici
• 2023 — Xuraman İşbi qızı İsmayılova (65 illiyinə həsr olunub). Biblioqrafik göstərici

Mükafatları

• AKİVİHİ tərəfindən "Vətən", "Məhsəti" mükafatları;
• "XXI əsrin tanınmış ziyalısı" beynəlxalq diplomu;
• Azərbaycanın fəxri mədəniyyət işçisi döş nişanı;
• Azərbaycan Respublikasının əməkdar mədəniyyət işçisi — 25.09.2008
• Prezident təqaüdçüsü — 2016

İstinadlar

1. "Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin 25 sentyabr 2008-ci il tarixli, 3062 nömrəli Sərəncamı" (az.). e-qanun.az. 2008-09-25. 2020-04-08 tarixində . İstifadə tarixi: 2020-04-08.
2. ""Könlümə Qarabağ havası düşüb…"". zim.az. 8 aprel 2020 tarixində arxivləşdirilib.
3. "Mərkəzi Elmi Kitabxanaya yeni direktor müavini təyin olunub". 2020-06-13 tarixində . İstifadə tarixi: 2020-06-13.
4. "Xuraman İsmayılova. Ürəyimdən keçənlər". barda.cls.az. 5 aprel 2020 tarixində arxivləşdirilib.
5. "BƏRDƏlilər". azkurs.org. 8 aprel 2020 tarixində arxivləşdirilib.
6. ""Qobustan" jurnalının biblioqrafiyası" (az.). anl.az. 8 aprel 2020 tarixində arxivləşdirilib.