Vasili Pyatibrat

Vasili Lukiç Pyatibrat (ukr. Василь Лукич П'ятибрат; rus. Василий Лукич Пятибрат; 1 noyabr 1930, Babiçovka^[d], Qlobino rayonu^[d]) — mühəndis, dövlət xadimi, Azərbaycan SSR sənaye tikintisi naziri (1972–1979), SSRİ sənaye tikintisi nazirinin müavini (1979–1986), SSRİ-nin və RSFSR-in cənub rayonlarında tikinti nazirinin birinci müavini (1988–1989, 1989–1990), RSFSR əməkdar inşaatçısı (1991).

Vasili Pyatibrat
ukr. Василь Лукич П'ятибрат rus. Василий Лукич Пятибрат
Azərbaycan SSR sənaye tikintisi naziri
2 avqust 1972 – 9 iyul 1979
Əvvəlki	Qurban Sultanov
Sonrakı	Tofiq Səfərəliyev
SSRİ sənaye tikintisi nazirinin müavini
27 iyun 1979 – 19 avqust 1986
Nazir	Aleksandr Tokarev Yuri Solovyov Arkadi Şepetilnikov
SSRİ-nin cənub rayonlarında tikinti nazirinin birinci müavini
27 oktyabr 1986 – 27 iyun 1989
Nazir	Arkadi Şepetilnikov
RSFSR-in cənub rayonlarında tikinti nazirinin birinci müavini
1989 – 1990
Nazir	Arkadi Şepetilnikov
Şəxsi məlumatlar
Doğum tarixi	1 noyabr 1930(1930-11-01) (93 yaş)
Doğum yeri	Babiçovka^[d], Qlobino rayonu^[d], Ukrayna SSR, SSRİ
Partiya	Sovet İttifaqı Kommunist Partiyası (1960–1991)
Təhsili	Leninqrad Politexnik İnstitutu (–1953)
Təltifləri

Həyatı

Vasili Lukiç Pyatibrat 1930-cu il noyabrın 1-də Ukrayna SSR-in Poltava vilayətinin Qlobino rayonunun Babiçovka kəndində anadan olmuşdur. Leninqrad Politexnik İnstitutunun Hidrotexniki mühəndislik fakültəsində təhsil almış, 1953-cü ildə buranı bitirdikdən sonra Kuybışev şəhərinə gələrək RSFSR Çay Donanması Nazirliyinin Sualtı Texniki İşlər İdarəsinin qrupunun komandiri olmuşdur.

Vasili Pyatibrat 1960-cı ildən Kuybışev Xalq Təsərrüfatı Şurasının tikinti tresti tikinti-quraşdırma idarəsinin sahə rəisi və baş mühəndisi, 1964-cü ildən SSRİ Sənaye Tikintisi Nazirliyi Orta Volqa Baş Tikinti İdarəsinin 25 nömrəli tikinti-quraşdırma tresti tikinti idarəsinin rəisi, trest müdirinin müavini vəzifələrində işləmişdir. 1969-cu ilin may ayında 25 nömrəli trestin müdiri təyin olunmuş, 3 il 3 ay bu vəzifədə işlədikdən sonra, 1972-ci ilin avqust ayında Azərbaycan SSR sənaye tikintisi naziri vəzifəsinə təyin edilmişdir.

Vasili Pyatibrat 1979-cu ilin iyun ayından SSRİ sənaye tikintisi nazirinin müavini, 1986-cı ilin oktyabr ayından SSRİ-nin cənub rayonlarında tikinti nazirinin birinci müavini vəzifələrində, 1989–1990-cı illərdə RSFSR-in cənub rayonlarında tikinti nazirinin birinci müavini, 1990-cı ildən isə RSFSR-in Cənub Rayonlarında Tikinti üzrə Rusiya Dövlət Tikinti-Sənaye Konserni (Rosyuqstroy) idarə heyəti sədrinin birinci müavini vəzifələrində çalışmışdır. Sonrakı illərdə Moskva Vilayətinin İnkişafı üzrə Dövlət Unitar Müəssisəsinin rəhbəri olmuşdur.

Vasili Pyatibrat 1960-cı ildən Sovet İttifaqı Kommunist Partiyasının üzvü olmuşdur. O, Azərbaycan SSR Ali Sovetinin VIII və IX çağırış deputatı seçilmiş, Azərbaycan Kommunist Partiyası Mərkəzi Komitəsinin üzvü olmuşdur. Dəfələrlə Novokuybışev Şəhər Zəhmətkeş Deputatları Sovetinə, Kuybışev Vilayət Zəhmətkeş Deputatları Sovetinə deputat seçilmişdir. (1971), "RSFSR əməkdar inşaatçısı" fəxri adı (8 avqust 1991), (15 sentyabr 1997), 4-cü dərəcəli "Vətən qarşısında xidmətlərinə görə" ordeni (7 avqust 2006), "Moskva şəhərinə qüsursuz xidmətə görə" fərqlənmə nişanı (18 noyabr 2010) ilə təltif edilmişdir.

İstinadlar

1. "Слово о первых | Пятибрат Василий Лукич". mignsk.ru. 2022-06-21. 2023-08-22 tarixində . İstifadə tarixi: 2023-08-22.
2. Пјатибрат Васили Лукич // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 278.
3. О назначении т. Пятибрата В. Л. заместителем Министра промышленного строительства СССР // Собрание постановлений правительства Союза Советских Социалистических Республик. № 1. Москва: Управление Делами Совета Министров СССР. 1979 г. С. 376.
4. О назначении т. Пятибрата В. Л. первым заместителем Министра строительства в южных районах СССР // Собрание постановлений правительства Союза Советских Социалистических Республик. № 2. Москва: Управление Делами Совета Министров СССР. 1986 г. С. 639.

Xarici keçidlər

• "Пятибрат Василий Лукич | Орден Почёта". ru.nagrady.by (rus). 2023-08-22 tarixində . İstifadə tarixi: 2023-08-22.
• "Пятибрат Василий Лукич | Знак отличия «За безупречную службу городу Москве" XXV лет". ru.nagrady.by (rus). 2023-08-22 tarixində . İstifadə tarixi: 2023-08-22.