Vaqif ibrahimoğlu 18 oktyabr 1949 Mərdəkan 12 may 2011 Bakı Azərbaycan Azərbaycan novator teatr rejissoru Vaqif ibrahimo

Vaqif İbrahimoğlu (18 oktyabr 1949, Mərdəkan – 12 may 2011, Bakı, Azərbaycan) — Azərbaycan novator teatr rejissoru.

Vaqif İbrahimoğlu

Doğum tarixi	18 oktyabr 1949(1949-10-18)
Doğum yeri	Mərdəkan, Bakı, Azərbaycan SSR, SSRİ
Vəfat tarixi	12 may 2011(2011-05-12) (61 yaşında)
Vəfat yeri	Bakı, Azərbaycan
Vəfat səbəbi	ağciyər xərçəngi
Dəfn yeri	Bakı
Vətəndaşlığı	Azərbaycan
Fəaliyyəti	aktyor
Təhsili	Azərbaycan Dövlət Mədəniyyət və İncəsənət Universiteti
Mükafatları
IMDb	ID1076609

Həyatı

Vaqif İbrahimoğlu 18 oktyabr 1949-cu ildə Bakı şəhərinin Mərdəkan qəsəbəsində anadan olmuşdur. 1967-ci ildə Azərbaycan Dövlət Mədəniyyət və İncəsənət İnstitutunun dram və kino aktyorluğu fakültəsinə daxil olmuş, 1972-ci ildə həmin institutu bitirmişdir. 1973–1976-cı illərdə Azərbaycan Dövlət Gənc Tamaşaçılar Teatrında aktyor kimi çalışmışdır. 1976–1979-cu illərdə Azərbaycan Teatr Cəmiyyətinin nəzdindəki Eksperimental Teatr Studiyasında, 1979–1982-ci illərdə Tədris Teatrında Bədii rəhbər, 1982–1989-cu illərdə isə Azərbaycan Dövlət Musiqili Komediya Teatrında baş rejissor vəzifəsində fəaliyyət göstərmişdir.

Azərbaycan Milli Akademik Dram Teatrında, Türkiyənin Ankara və Bursa teatrlarında, Estoniyanın Uqala Teatrında tamaşalar hazırlamışdır. 1989-cu ildən YUĞ Teatrının bədii rəhbəri vəzifəsində çalışmışdır. 1992-ci ildə YUĞ Teatr-Studiyası dövlət statusu almışdır.

Vaqif İbrahimoğlu "YUĞ" teatrında 1989-cu ildən həyatının sonuna qədər 90-a yaxın tamaşaya quruluş vermişdi.

22 may 1991-ci ildə Azərbaycan Respublikasının əməkdar incəsənət xadimi fəxri adı ilə təltif olunub. AzTXİ-nin təsis etdiyi "Qızıl Dərviş" mükafatı laureatı, ADMİU-nun dosenti idi. 2006-cı ildən Azərbaycan Respublikası Prezidenti təqaüdü alırdı.

Vaqif İbrahimoğlu 12 may 2011-ci ildə Bakıda vəfat etmişdir.

Xatirəsi

2019-cu ilin martında Bakıda Vaqif İbrahimoğlunun xatirəsinə həsr olunmuş "Boş məkanın dolğunluğu" adlı eksperimental tamaşalar festivalı keçirilmişdir.

Filmoqrafiya

İstinadlar

Səfa, M. "Vaqif İbrahimoğlu kimi ustadım olub": Məmməd Səfa: "Sənət fərdi yanaşmanı, fərdi işi daha çox xoşlayır": [Əməkdar artistlə müsahibə] /müsahibəni apardı Xədicə Qiyas //Türküstan.- 2015.- 7–21 noyabr.- S.16.
"2010–2011-ci illərdə dünyasını dəyişən kino işçiləri". Azərbaycan Respublikası Mədəniyyət və Turizm Nazirliyi. Dövlət Film Fondu. Kino-Bülleten. IV buraxılış. Bakı: Apostroff, 2011.
CBC TV. "Театральный фестиваль, как территория новаторства и эксперимента" (rus). Youtube.com. 04.03.2019. 2022-09-29 tarixində . İstifadə tarixi: 2019-03-04.

Xarici keçidlər

Həsənağa Turabov erməni qadınını necə susdurdu?
"Yuğ"un gələcək aqibəti — Vaqif İbrahimoğlu yenə "Yuğ"da "yaşayacaqmı?"
https://publika.az/news/musahibe2/56512.html

[1] Səfa, M. "Vaqif İbrahimoğlu kimi ustadım olub": Məmməd Səfa: "Sənət fərdi yanaşmanı, fərdi işi daha çox xoşlayır": [Əməkdar artistlə müsahibə] /müsahibəni apardı Xədicə Qiyas //Türküstan.- 2015.- 7–21 noyabr.- S.16.

[2] "2010–2011-ci illərdə dünyasını dəyişən kino işçiləri". Azərbaycan Respublikası Mədəniyyət və Turizm Nazirliyi. Dövlət Film Fondu. Kino-Bülleten. IV buraxılış. Bakı: Apostroff, 2011.

[3] CBC TV. "Театральный фестиваль, как территория новаторства и эксперимента" (rus). Youtube.com. 04.03.2019. 2022-09-29 tarixində . İstifadə tarixi: 2019-03-04.