Tehsil

Tehsil ( hind. तहसील, urdu تحصیل ərəb. تحصيل‎ dilindən əldə etmə, toplama), həmçinin taluk və ya mandal — Hindistan və Pakistanda inzibati bölgü vahidi.

Tehsil, əsasən onun mərkəzi olan bir şəhərdən və bir sıra kəndlərdən ibarətdir. Bəzən bir tehsilin tətkibinə əlavə şəhərlər də daxil ola bilər. Tehsil şurası öz yurisdiksiyasında olan kəndlər və bələdiyyələr üzərində müəyyən vergi və inzibati səlahiyyətlərə malikdir, torpaq və bununla bağlı inzibati məsələlərdə əsas icra hakimiyyəti orqanıdır. Ən yüksək vəzifəli şəxs tehsildar və ya daha az formal olaraq talukdar və ya taluka muktiarkardır .

Hindistan

"Taluka" və ya "taluk" termini yalnız Qücərat, Qoa, Maharaştra, Kerala, Tamilnad və Karnataka kimi bir neçə , "Tehsil" termini isə əsasən şimal ştatları olan Pəncab, Haryana, Uttar-Pradeş, Uttarakhand, Himaçal Pradeş, Madhya-Pradeş və Racastanda istifadə olunur. Andhra Pradeş ştatinda əvvəllər "talukalar" terminindən istifadə edirdi, lakin indi onlar "mandallar" ilə əvəz edilmişdir. Təhsil sözünü ifadə etmək üçün çox vaxt TK abreviaturundan istifadə olunur .

Hər bir taluk və ya tehsil daha böyük bir dairənin bir hissəsidir, o da öz növbəsində ştat və ya federal ərazisinin bir hissəsidir. Bəzi hallarda, müəyyən ştatların tehsilləri sub-rayon adlanan kiçik qruplar şəklində təşkil olunur. Bir tehsil daxilindəki kənd birlikləri “hoblis” adlanır.

Tehsil səviyyəsində fəaliyyət göstərən dövlət orqanları samiti adlanır.

Taluk həmçinin də böyük mülkün adı idi, sahibinə isə talukdar deyilirdi.

Pakistan

Taluka termininin üstünlük təşkil etdiyi Sind əyalətini çıxmaq sərtilə, Pakistanın bütün ərazisində əsasən tehsil terminindən istifadə edilir. Pakistan yerli hakimiyyət iyerarxiyasında tehsil, dairənin (zila/zilla) tərkib hissəsi olmaqla ikinci yerdədir. Hər bir tehsil öz növbəsində bir neçə kənd şuralarına bölünür.