Taner Savut

Taner Savut (10 avqust 1974, İzmir – 6 fevral 2023, Antakya) – Türkiyə idman direktoru və keçmiş futbolçusu. Müdafiəçi mövqeyində çıxış etmişdir.

Taner Savut
Ümumi məlumatlar
Doğum tarixi	10 avqust 1974(1974-08-10)
Doğum yeri	İzmir, İzmir ili, Türkiyə
Vəfat tarixi	6 fevral 2023(2023-02-06) (48 yaşında)
Vəfat yeri	Antakya, Hatay ili, Türkiyə
Dəfn yeri	Paşaköprü qəbiristanlığı^[d]
Vətəndaşlığı	Türkiyə
Mövqeyi	müdafiəçi
Karyerası
Klub karyerası 1994–1997 1997–1999 Fənərbaxça 1999–2000 Göztəpə 2000–2002 2002–2004 Sakaryaspor 2004–2008 Alanyaspor 2008–2011
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Karyerası

Əslən rizəli ailədən olan Taner Savut futbola 12 yaşında "" klubunun aşağı yaş qruplarında başlamışdır. 1994-cü ildə "İzmirspor" klubunda ilk peşəkar futbol oyununa çıxmışdır. 1997-ci ildə "Fənərbaxça" klubuna transfer olmuş və klubla 30 oyun oynamışdır. Avrokuboklardakı yeganə oyununu 29 sentyabr 1997-ci ildə UEFA Kuboku çərçivəsində "Styaua"ya qarşı keçirmiş və komandası 2:1 hesabı ilə məğlub olmuşdur. Daha sonra "Göztəpə", "", "Sakaryaspor", "Alanyaspor" klublarında çıxış etmişdir. 7 sentyabr 2002-ci ildə "Sivasspor" səfərinə gedən "Sakaryaspor" avtobusunun qəzaya uğraması nəticəsində 6 nəfər ölmüş, lakin o, yaralı olaraq qurtulmuşdur. "" klubunda oynadıqdan sonra 2011-ci ildə futbolçu karyerasını başa vurmuşdur. Karyerası boyunca 500-ə yaxın rəsmi oyuna çıxmış, Türkiyə Super Liqasında 71 oyunda 1 qol vurmuşdur.

Futbolçu karyerası bitdikdən sonra 5 mövsüm "Sakaryaspor" klubunun, 2 mövsüm "" klubunun idman direktoru olmuş, 2022-ci ildə isə "" klubunun idman direktoru təyin olunmuşdur.

Ölümü

6 fevral 2023-cü ildə baş vermiş Türkiyə–Suriya zəlzələsi zamanı Hatayın Antakya ilçəsində bina dağıntıları altında qalaraq itkin düşmüşdür. Cansız bədəni yanlışlıqla başqa bir ailə tərəfindən Adanaya aparılmış, DNT testi ilə bədənin Savuta aid olduğu müəyyənləşdirilmişdir. Ölümü 21 fevralda açıqlanmışdır. 22 fevralda baş tutmuş dəfnetmə mərasimindən sonra İzmirin Karabağlar Paşaköprü qəbiristanlığında dəfn olunmuşdur.

İstinadlar

1. "Taner Savut kimdir? Hatayspor Sportif Direktörü Taner Savut hakkında bilgiler". NTV (türkcə). 21 fevral 2023. İstifadə tarixi: 23 fevral 2023.
2. "Müge Anlı, Taner Savut'u arıyor! Fenerbahçe eski kalecisi canlı yayına bağlandı". Yeni Alanya (türkcə). 20 fevral 2023. 20 fevral 2023 tarixində . İstifadə tarixi: 23 fevral 2023.
3. "Hatayspor, Taner Savut'un vefat ettiğini açıkladı! Futbolcuyken ölümden dönmüştü". Fanatik (türkcə). 21 fevral 2023. İstifadə tarixi: 23 fevral 2023.
4. "Taner Savut". World Football (ingiliscə). 2023-02-10 tarixində . İstifadə tarixi: 23 fevral 2023.
5. "Hatayspor'da sportif direktörlüğe Taner Savut getirildi". Anadolu Ajansı (türkcə). 17 iyul 2022. 2023-02-10 tarixində . İstifadə tarixi: 23 fevral 2023.
6. "Taner Savut son yolculuğuna uğurlandı". Sözcü (türkcə). 22 fevral 2023. 2023-02-22 tarixində . İstifadə tarixi: 23 fevral 2023.

Xarici keçidlər

• Transfermarkt profili