Sevinj Stories (miniserial, 2022)

Sevinj Stories (azərb. Sevincin hekayələri‎) — 2022-ci ildə Əlixan Rəcəbov tərəfindən Xocalı soyqırımı haqqında çəkilmiş Azərbaycan tarixi dram miniserialı.

Sevinj Stories
ing. Sevinj Stories
Miniserialın qeyri-rəsmi afişası.
Janr	tarixi dram
Əsaslanır	Xocalı soyqırımı
Rejissor	Vüsal Əhmədzadə^[d]
Operator	Natiq Hüsiyev Fərid İsmayılzadə
Prodüser	İbrahim Heydərov^[d]
Yaradıcısı	Əlixan Rəcəbov
Ssenarist	Əlixan Rəcəbov Vüsal Əhmədzadə^[d] Toğrul Eminli^[d]
Rollarda	Nəzakət Heydərova Mirzə Ağabəyli
Şüar	"Xocalı soyqırımı zamanı "Instagram" olsa idi"
Montajçı	Natiq Hüsiyev
Rəssam	Elturan Məmmədov
İstehsalçı ölkə	Azərbaycan
Dil	Azərbaycan dili
İlk çıxış tarixi	2 fevral 2022
Növü	miniserial
Rəng	rəngli
Mövsüm sayı	1
Seriya sayı	25
Vikianbarda əlaqəli mediafayllar

Məzmun

Miniserialın əsas mövzusu Birinci Qarabağ müharibəsi dövründə, 1992-ci ilin fevralında, Xocalı soyqırımı ərəfəsində Xocalıda yaşayan 9 yaşlı "Instagram" bloqqeri Sevincin yaşadığı hadisələrdir. Sevinc Xocalıda babası və nənəsi ilə yaşayıb günlük olaraq vloq çəkir. Həmin vaxt erməni qüvvələri şəhərə hücum edir, atəşlər zamanı qızın qorxmaması üçün babası Hikmət "qızım qorxma fişəng atılır" kimi cümlələrdən istifadə edir. Serialdakı personajlar xəyal məhsulu olsa da, çəkilişlərdə Xocalı soyqırımı qurbanlarının ifadələrinə əsaslanaraq real hadisələr canlandırılır.

İstehsal

Konsepsiya

"Sevinj Stories" layihəsi Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci ildə start verilən "Xocalıya ədalət" kampaniyası çərçivəsində Azərbaycan Respublikasının Gənclər Fondunun dəstəyilə ərsəyə gətirilmişdir. Layihə rəhbərliyi serialın xarici və yerli auditoriya üçün nəzərdə tutulduğunu, əsas məqsədinin Xocalı soyqırımı barədə qlobal olaraq insanların məlumatlılığını artırmaq, soyqırımı qurbanlarının xatirəsini yad etmək və gənc nəsil tərəfindən unudulmasının qarşısını almağa nail olmaq olduğunu bildirmişdir. Layihənin rəsmi sosial media hesablarında fevral ayının 1-dən başlayaraq faciənin anım gününədək hər gün qısa videoçarxlar paylaşılması nəzərdə tutulmuşdur. Miniserial "Eva Stories" layihəsinin adaptasiyasıdır.

Çəkilişlər

Layihəni 8 nəfər icra etmişdir. Layihənin rəhbəri Əlixan Rəcəbov, rejissoru Vüsal Əhmədzadə, ssenaristləri Əlixan Rəcəbov, Toğrul Eminli və Vüsal Əhmədzadə, rəssamı Elturan Məmmədov, operator və montajçısı Natiq Hüsiyev, səs operatoru və texniki Fərid İsmayılzadə, prodüser və koordinatoru İbrahim Heydərov və qrimçisi Sevda Zeynalova olmuşdur. Miniserialın çəkilişləri Qəbələ rayonunun Vəndam kəndində, adətən həftəsonu və ya tətil günlərində aparılmışdır. Çəkilişlər gün ərzində 8 və ya 10 saat fasilələrlə davam etmişdir.

Kastinq

Miniserialın baş rolu olan Sevinc personajı Nəzakət Heydərova tərəfindən canlandırılmışdır. Sevincin dostu Asifi isə Kənan İkidağ canlandırmışdır. Sevincin babası rolunu Mirzə Ağabəyli ifa etmişdir.

Yayımlanması

Miniserial yayımlanmazdan əvvəl bir treyler paylaşılmışdır. Bundan sonra layihənin seriyaları 1 fevral tarixindən başlayaraq "Instagram" platformasında, "sevinj.stories" səhifəsində yayımlanmışdır.

Qəbulu

Miniserialın rejissoru Əlixan Rəcəbov 4 fevralda bildirmişdir ki, "Sevinj.stories" səhifəsinə qısa zamanda 400 mindən çox izləyici izləmişdir və onların sayı artmaqda davam edir.

İstinadlar

1. Məmmədova, Leyla. "«Sevinj Stories»: в Instagram создали аккаунт девочки, погибшей в Ходжалинской резне". 1News (rus). 4 fevral 2022. 2022-02-05 tarixində arxivləşdirilib. İstifadə tarixi: 6 fevral 2022.
2. "Ходжалинская трагедия на странице 9-летней Севиндж в Instagram". Media.az (rus). 2022-02-05 tarixində arxivləşdirilib. İstifadə tarixi: 6 fevral 2022.
3. "Khojaly tragedy on the Instagram page of 9-year-old Sevinj". justiceforkhojaly.org. 2022-02-04 tarixində . İstifadə tarixi: 2022-02-08.
4. "Xocalı faciəsi 9 yaşlı Sevincin "Instagram" səhifəsində". Aqreqator.az (az.). 4 fevral 2022. 2022-02-05 tarixində arxivləşdirilib. İstifadə tarixi: 6 fevral 2022.
5. "Ходжалинская трагедия на странице 9-летней Севиндж в Instagram". Yeni Müsavat (rus). 2022-02-05 tarixində arxivləşdirilib. İstifadə tarixi: 6 fevral 2022.
6. "Xocalı faciəsi 9 yaşlı Sevincin instagram səhifəsində" (rus). 4 fevral 2022. 2022-02-05 tarixində arxivləşdirilib. İstifadə tarixi: 6 fevral 2022.
7. ""Kiçik qız Xocalı faciəsini "story"lərinə çəksəydi, nələri görərdik?!"". Olay.az (az.). 2022-02-05 tarixində arxivləşdirilib. İstifadə tarixi: 6 fevral 2022.
8. Bəhruzi, Nərmin. "Doqquz yaşlı aktrisa: "Xocalını görməsəm də, çəkilişlər zamanı sanki o anları yaşayıram"". Report İnformasiya Agentliyi (az.). 2022-02-05 tarixində arxivləşdirilib. İstifadə tarixi: 6 fevral 2022.
9. "Kiçik qız Xocalı faciəsini "story"lərinə çəksəydi, nələri görərdik?!"
10. "Doqquz yaşlı aktrisa: "Xocalını görməsəm də, çəkilişlər zamanı sanki o anları yaşayıram" (FOTO)". Qaynarinfo.az (az.). 5 fevral 2022. 2022-02-05 tarixində arxivləşdirilib. İstifadə tarixi: 6 fevral 2022.
11. ""Sevinj Stories": Xocalı soyqırımında həlak olmuş qızın Instagram hesabı – FOTO – VİDEO". 1News (az.). 4 fevral 2022. 2022-02-05 tarixində arxivləşdirilib. İstifadə tarixi: 6 fevral 2022 – AzerForum vasitəsilə.
12. "Xocalı faciəsi 9 yaşlı Sevincin "Instagram" səhifəsində". Oxu.az (az.). 4 fevral 2022. 2022-02-05 tarixində arxivləşdirilib. İstifadə tarixi: 6 fevral 2022.
13. "1992 Yılında Hocalı'da Bir Kızın Instagram Hesabı Olsaydı". Tamga Türk (türk). 4 fevral 2022. 2022-02-05 tarixində arxivləşdirilib. İstifadə tarixi: 6 fevral 2022.

Xarici keçidlər

• Sevinj Stories — Instagram səhifəsi