Salmanbəyli

Salmanbəyli — Azərbaycan Respublikasının Ağcabədi rayonunun Salmanbəyli kənd inzibati ərazi dairəsində kənd. Azərbaycan Respublikası Milli Məclisinin 5 oktyabr 1999-cu il tarixli, 708-IQ saylı Qərarı ilə Ağcabədi rayonunun Salmanbəyli kəndi Xocavənd kənd inzibati-ərazi vahidi tərkibindən ayrılaraq, bu kənd mərkəz olmaqla Salmanbəyli kənd inzibati-ərazi vahidi yaradılmışdır.

Salmanbəyli
Ölkə	Azərbaycan
Tarixi və coğrafiyası
Əsası qoyulub	1928
Sahəsi	12,7 km²
Mərkəzin hündürlüyü	55 m
Saat qurşağı
Əhalisi
Əhalisi	2.318 nəf. (2009)
Rəsmi dili	Azərbaycan dili
Rəqəmsal identifikatorlar
Poçt indeksi	AZ0427
Xəritəni göstər/gizlə Salmanbəyli

Toponimikası

Kəndin keçmiş adı Kəbirli (digər mənbələrdə Barak) olmuşdur. Burada yaşayan əhali sırf Kəbirli tayfasına mənsubdur. Kəndin adını daşıyan isə Müsəlman Sosial-Demokrat Hümmət təşkilatının Şuşa qəzasının fəal üzvlərndən biri olmuş, 1927-ci ildə Sovet hakimiyyətinin düşmənləri tərəfindən öldürülmüşdür.

Tarixi

Kənd 1928-ci ildən başlayaraq yaranmışdır.

Tarixi abidələri

1. Böyük Vətən Müharibəsi qəhrəmanlarının şərəfinə ucaldılmış abidə kompleksi
2. 416-cı milli atıcı diviziyanın Taqanroq uğrunda həlak olan əsgəri Ənnağı Bünyadovun büstü
3. Qarabağ müharibəsi şəhidi Əlfi Məmmədovun büstü
4. Qalatəpə arxeoloji mədəniyyəti
5. Üçtəpə kurqanları
6. Xantəpə kurqanları
7. Govurarx kanalı

Coğrafiyası və iqlimi

Salmanbəyli kəndinin ərazisi 12.7 km², kəndin dəniz səviyyəsindən hündürlüyü 31 metrdir.

Əhalisi

Əhalisinin sayı 2425 nəfərdir (2013-cü il). Həmçinin kənddə 106 nəfər (26 ailə) məcburi köçkün məskunlaşmışdır.

Tanınmış şəxsləri

• Əlvan Əliyev — tarixçi alim, jurnalist, politoloq
• Əhməd Elbrus — filologiya üzrə fəlsəfə doktoru, şair, naşir
• Ənvər Əhməd — filologiya üzrə fəlsəfə doktoru, şair, dramaturq
• Əbülfət Misiroğlu — yazıçı, publisist, jurnalist

Şəhidləri

• Samir Mikayıllı (şəhid) — kapitan, Vətən Müharibəsi şəhidi.
• Quliyev Xaləddin Yasir oğlu — Birinci Qarabağ müharibəsi şəhidi (Kəlbəcər rayonu, 29.03.1993)
• Məmmədov Əlfi Məhəmməd oğlu — Birinci Qarabağ müharibəsi şəhidi (Xocavənd rayonu, 23.04.1993)

İqtisadiyyatı

Əhalinin əsas məşğuliyyəti əkinçilik və heyvandarlıqdır. Kənddə 861 hektar pay torpağı, 1016 hektar dövlət torpaq fondundan götürülmüş icarə torpaqları, 48 hektar bələdiyyə torpağı vardır. 1 yanvar 2013-cü ildə kənddə 2253 baş iribuynuzlu və 8078 baş xırdabuynuzlu heyvan, həmçinin ev quşları 8453 ədəd, 60 ədəd arı ailəsi olmuşdur. Kənddə 1 Sudan İstifadəedənlər Birliyi, 5 ticarət obyekti vardır.

Mədəniyyəti

Kənddə 1 mədəniyyət evi, 1 kənd kitabxanası, 1 poçt şöbəsi, 1 elektron ATS mövcuddur.

Təhsil

Kənddə 1 tam orta məktəb və 1 uşaq baxçası fəaliyyət göstərir.

Din

Kənddə "Heydər" məscidi dini icması fəaliyyət göstərir.

Səhiyyə

Kənddə 1 həkim məntəqəsi, 1 aptek, 1 baytarlıq apteki mövcuddur.

İstinadlar

1. Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində (PDF). İstifadə tarixi: 2024-04-05.
2. "Azərbaycan Respublikasının bəzi rayonlarının inzibati-ərazi bölgüsündə qismən dəyişikliklər edilməsi haqqında Azərbaycan Respublikası Milli Məclisinin 5 oktyabr 1999-cu il tarixli, 708-IQ saylı Qərarı". 2022-06-10 tarixində . İstifadə tarixi: 2022-08-22.
3. . 2020-07-10 tarixində orijinalından arxivləşdirilib. İstifadə tarixi: 2020-07-10.
4. "Arxivlənmiş surət". 2015-10-16 tarixində arxivləşdirilib. İstifadə tarixi: 2017-10-24.
5. Süleyman Kəbirli. Tarixi mahal-kəbirli eli. Bakı: 2013, səh.99
6. MÜSƏLMAN DİNİ İCMALAR — 2016-cı ildə qeydiyyatdan keçənlər 2019-12-21 at the Wayback Machine. scwra.gov.az  (az.)

Xarici keçidlər

• http://agcabedi-ih.gov.az/page/11.html

Həmçinin bax