Süleyman Stalski Bulvarı

Süleyman Stalski Bulvarı — Mahaçqalada, şəhərin bağçasından (Levanevski küçəsi) dəmir yolu xətti boyunca Həmzət Tsadası adına Avar Musiqili Dram Teatrına qədər, Sovet rayonu ərazisində dəniz sahilində yerləşən şəhər parkı. Uzunluğu 260 metrdir.

Süleyman Stalski Bulvarı
Parka Stalski küçəsindən giriş. Stalski abidəsi
Məlumatlar
Yerləşməsi	Rusiya→Dağıstan→Mahaçqala

Ləzgi şairi, XX əsr Dağıstan poeziyasının ən böyük şairlərindən biri, Dağıstan MSSR xalq şairi Süleyman Stalskinin (1869-1937) şərəfinə adlandırılmışdır.

Bulvar, sahil xətti boyunca yerləşən, bəzən adların qarışmasına səbəb olan Mahaçqala bağ və park zonasının bir hissəsidir. Ən gözəl istirahət yeridir.

Bulvardakı Süleyman Stalskinin abidəsinin önündə ənənəvi olaraq Beynəlxalq Şeir gününün qeyd edilməsi çərçivəsində təntənəli tədbirlər keçirilir və Stalskinin doğum günündə 18 may Dağıstan Şeir Günü kimi qeyd olunur. Avar Dram Teatrının qarşısındakı meydan, Lenin komsomol parkındakı sahə ilə birlikdə ictimai tədbirlər üçün tövsiyə olunanların siyahısına daxil edilmişdir.

Tarixi

Süleyman Stalski Bulvarındakı Petrovski mayakının (Mahaçqala mayakı) surəti.

1937-ci ilə qədər Bazar meydanı bulvar ərazisində yerləşirdi. Meydan Müqəddəs Nikolay Kilsəsinin qarşısındakı boş ərazini tuturdu. 1920-ci ildə kilsə bağlandı və 1928-ci ildə binası söküldü. Avar Musiqili Dram Teatrı kilsənin yerində inşa edilmişdir.

1937-ci ildə Süleyman Stalski burada o zaman Bazar meydanının tutduğu dəniz sahili ərazidə dəfn edilmişdi. Qısa müddət ərzində məzar başında təzə əkilmiş ağacları, yolları və skamyalar olan park salındı. Yeni parka 7 fevral 1938-ci ildə Mahaçqala Şəhər Şurasının qərarı ilə Süleyman Stalskinin adı verildi. Lakin 1964-cü ildə bulvar ərazisinə daxil olan sahil boyu Qorki küçəsindən Həsənov küçəsinə qədər zolağı Mahaçqala və Bolqarıstanın Smolyan şəhərinin qardaşlaşması və dostluğunun şərəfinə Rodop Bulvarı adlandırıldı.

1949-cu ildə parkda Stalskinin büstü qoyuldu (heykəltaraş X.N. Əsgər-Sarıja, memar A.M.Alxazov).

Məzarı Rusiya Federasiyasının mədəni irsinin abidəsi elan edildi.

23 sentyabr 2009-cu ildə "Mahaçqala Xəbərləri" qəzetində Mahaçqala şəhər meriyasının qərarı dərc edildi. Qərara əsasən “Stalski adına para" "Stalski adına Bulvar" adlandırıldı. Əvvəlki parkın qərb tərəfində olan Puşkin küçəsi, Levanevski küçəsi və Həmzət Tsadası adına Avar Musiqili Dram Teatrına qədər Bulvar ərazisinə daxil edildi.

Məzarın təhlükəsizliyi ictimaiyyətin narahatlığını artırdı və 2015-ci ildə abunəlik yolu ilə toplanan vəsaitlə dekorativ hasar çəkildi.

Bulvar əraisində ticarətin tənzimlənməsi üçün tədbirlər görülür.

İstinadlar

1. "Слово о Парке им. Сулеймана Стальского". 2019-09-24 tarixində arxivləşdirilib. İstifadə tarixi: 2021-10-11.
2. Постановление Президиума Махачкалинского городского Совета РК и КД «О переименовании и уточнении наименований улиц, переулков, площадей, территорий города Махачкала» от 17 февраля 1938 года
3. "ПАМЯТНИК СУЛЕЙМАНУ СТАЛЬСКОМУ". 2019-09-24 tarixində arxivləşdirilib. İstifadə tarixi: 2021-10-11.
4. "Топчут могилу поэта". 2019-09-24 tarixində arxivləşdirilib. İstifadə tarixi: 2021-10-11.
5. "Памятник Сулейману Стальскому огражден (Баркалла ЛезгиЯр)". 2019-09-24 tarixində arxivləşdirilib. İstifadə tarixi: 2021-10-11.
6. "Глава города проинспектировал сквер имени С. Стальского и Родопский бульвар". 2019-09-25 tarixində orijinalından arxivləşdirilib. İstifadə tarixi: 2021-10-11.

Xarici keçidlər

• Süleyman Stalski abidəsi  (rus.)
• fəallar Mahaçqalada Süleyman Stalski Bulvarına xatirə lövhəsi quraşdırırlar^{[ölü keçid]}  (rus.)