Rəhilə İbadova

Rəhilə İbadova — Azərbaycanlı aktrisa;

Rəhilə İbadova
Doğum tarixi	20 sentyabr 1951(72 yaş)
Doğum yeri	Bakı
Fəaliyyəti	Aktrisa
Təhsili	Azərbaycan Dövlət Mədəniyyət və İncəsənət Universiteti

Həyatı

1951-ci il sentyabrın 20-də Bakı şəhərində anadan olub. 1986-cı ildə Mirzağa Əliyev adına Azərbaycan Dövlət İncəsənət İnstitutunu bitirib. 1969-cu ildən 2006-cı ildə həbs olunanadək (37 ildən artıq) Abdulla Şaiq adına Dövlət Kukla Teatrında səhnə ustası və aktrisa işləyib. "Tıq-tıq xanım", "Cırtdan" və bir çox nağılın qəhrəmanlarını (ümumilikdə 27 tamaşa) oynayıb. Lider TV-də dublyaj olunan cizgi filmlərinin səsləndirilməsində iştirak edib, "Adam ol" filmində çəkilib. Həbsdən azad edildikdən sonra işinə qaytarılan aktrisa 2020-ci ildə həm 70 yaşı tamam olduğu üçün, həm də səhhətinə görə işdən azad edilməsini xahiş edib.

Şəxsi həyatı

16 yaşında ailə qurub, beş uşaq anasıdır. 1999-cu ildə həyat yoldaşı vəfat edib. Əməkdar artist Firuzə İbadovanın bacısıdır.

Həbsi

2006-cı ildə Azərbaycan Respublikası Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsilə təqsirləndirilərək 9 il azadlıqdan məhrum edilib. Sonradan Bakı Apelyasiya Məhkəməsi işi 8 ilə endirib. Cəza çəkdiyi dövrdə həbsxanadakı dram dərnəyinin rəhbəri olmuşdur. 2013-cü il dekabrın 11-də azadlığa buraxılıb.

Filmoqrafiya

1. Məhəbbətin hökmü (film, 1998)

İstinadlar

1. "Cinayətkar dəstəyə qoşuldu, 9 il həbs cəzası aldı, öz bacısını uşaq oğurluğunda günahlandırdı – Azərbaycanlı aktrisanın film kimi həyatı". 2022-11-30 tarixində . İstifadə tarixi: 2023-10-08.
2. ""Qırmızıpapaq" səhnədə". Azərtac. 2016-10-12 tarixində . İstifadə tarixi: 2023-10-08.
3. ""Səməd Səmədov isə "tıxsız" bir insandır" – Firuzə İbadova". Pravda.az. İstifadə tarixi: 2023-10-08.
4. "Firuzə İbadovanın bacısı azadlığa buraxıldı". sia.az. İstifadə tarixi: 2023-10-08.
5. Azərbaycanlı müğənninin həbsdə olan bacısı azadlığa çıxdı. 2013-12-14 at the Wayback Machine milli.az, 11. dekabr 2013  (az.)

Xarici keçidlər