Ramil Sahib oğlu Həsən və ya Ramil Sahib oğlu Həsənov 23 sentyabr 1978 Qafan rayonu Azərbaycan Milli Məclisinin VI çağır

Ramil Sahib oğlu Həsən və ya Ramil Sahib oğlu Həsənov (23 sentyabr 1978, Qafan rayonu) — Azərbaycan Milli Məclisinin VI çağırış deputatı, Türkdilli Dövlətlərin Əməkdaşlıq Şurasının sabiq baş katibi, Türkdilli Dövlətlərin Parlament Assambleyasının sabiq baş katibi, Yeni Azərbaycan Partiyası Gənclər Birliyinin sabiq sədri, Müşfiqabad bələdiyyəsinin sabiq sədr müavini.

Ramil Həsən
Azərbaycan Milli Məclisinin VI çağırış deputatı
Vəzifədədir
10 mart 2020-ci ildən
Seçki dairəsi	2020 — 91 saylı Ucar
Əvvəlki	Vüsal Hüseynov
Türkdilli Dövlətlərin Əməkdaşlıq Şurasının baş katibi
16 iyul 2014 – 3 iyul 2018
Əvvəlki	Xəlil Axıncı
Sonrakı	Bağdad Amreyev
Türkdilli Dövlətlərin Parlament Assambleyasının baş katibi
29 sentyabr 2009 – 1 oktyabr 2013
Əvvəlki	Vəzifə təsis edildi.
Sonrakı	Jandos Asanov
Yeni Azərbaycan Partiyası Gənclər Birliyinin sədri
2005 – 2011
Əvvəlki	Siyavuş Novruzov
Sonrakı	Seymur Orucov
Müşfiqabad bələdiyyəsinin sədr müavini
1999 – 2001
Şəxsi məlumatlar
Doğum tarixi	23 sentyabr 1978(1978-09-23)(45 yaş)
Doğum yeri	Qafan rayonu, Ermənistan SSR, SSRİ
Partiya	Yeni Azərbaycan Partiyası
Təhsili	Bakı Dövlət Universitetinin Tarix fakültəsi
Fəaliyyəti	siyasətçi, səfir

Təltifləri
Vikianbarda əlaqəli mediafayllar

Həyatı

Ramil Həsən 23 sentyabr 1978-ci il tarixində Ermənistan Sovet Sosialist Respublikasının Qafan rayonunda anadan olmuşdur. Ramil Həsən Bakı Dövlət Universitetinin Tarix fakültəsinin bakalavr pilləsini və Beynəlxalq münasibətlərin tarixi ixtisası üzrə magistr pilləsini bitirmişdir. Birinci dərəcəli fövqəladə və səlahiyyətli elçi diplomatik rütbəsinə malikdir.

Evlidir, 2 övladı var. İngilis və rus dillərini bilir.

İctimai-siyasi fəaliyyəti

Ramil Həsən 23 dekabr 1999-cu il tarixində keçirilmiş ilk bələdiyyə seçkilərində Müşfiqabad qəsəbə bələdiyyəsinin üzvü seçilmiş, 2001-ci ilədək bələdiyyənin sədr müavini olmuşdur.

Ramil Həsən 2002–2009-cu illərdə Azərbaycan Respublikasının Diasporla İş üzrə Dövlət Komitəsinin idarə rəisi olmuşdur. Ramil Həsən 29 sentyabr 2009-cu il tarixindən 1 oktyabr 2013-cü il tarixinədək Türkdilli Dövlətlərin Parlament Assambleyasının baş katibi, diplomatik missiya rəhbəri, 2014–2018-ci illərdə Türkdilli Dövlətlərin Əməkdaşlıq Şurasının baş katibi, diplomatik missiya rəhbəri vəzifələrində çalışmışdır.

Ramil Həsən 9 fevral 2020-ci il tarixində keçirilmiş növbədənkənar seçkilərdə 91 saylı Ucar seçki dairəsindən Yeni Azərbaycan Partiyasının deputatlığa namizəd olmuşdur. O, seçkilərdə 8387 səs və ya ümumi səslərin %52,2-ni toplayaraq deputat seçilmişdir. Hal-hazırda Ramil Həsən Milli Məclisin Gənclər və idman komitəsinin, Beynəlxalq münasibətlər və parlamentlərarası əlaqələr komitəsinin üzvüdür. İspaniya, İtaliya, Qətər, Moldova, Özbəkistan, Rumıniya, Türkiyə, Yaponiya parlamentləri ilə əlaqələr üzrə işçi qruplarının üzvüdür.

Ramil Həsən 2005-ci il tarixində Siyavuş Novruzovun ardınca Yeni Azərbaycan Partiyası Gənclər Birliyinin 2-ci sədri seçilmişdir. O, bu vəzifəni 2011-ci ilədək daşımışdır.

Mükafatları

Ramil Həsən Krans Montana Forumunun qızıl medalı ilə təltif edilmişdir.

Mənbə

Azərbaycan Respublikasının Milli Məclisinin rəsmi saytında Ramil Həsən

İstinadlar

https://www.turkkon.org/tr/eski-genel-sekreterler.
"Arxivlənmiş surət". 2022-04-25 tarixində . İstifadə tarixi: 2022-04-25.
"Arxivlənmiş surət". 2022-04-25 tarixində . İstifadə tarixi: 2022-04-25.
"Arxivlənmiş surət". 2022-02-11 tarixində . İstifadə tarixi: 2022-04-25.
"Arxivlənmiş surət". 2020-08-19 tarixində . İstifadə tarixi: 2022-04-25.

[_6aa6dcfe0ec78f13-1] ttps://www.turkkon.org/tr/eski-genel-sekreterler.

[TÜRKPA-2] "Arxivlənmiş surət". 2022-04-25 tarixində . İstifadə tarixi: 2022-04-25.

[3] "Arxivlənmiş surət". 2022-04-25 tarixində . İstifadə tarixi: 2022-04-25.

[4] "Arxivlənmiş surət". 2022-02-11 tarixində . İstifadə tarixi: 2022-04-25.

[5] "Arxivlənmiş surət". 2020-08-19 tarixində . İstifadə tarixi: 2022-04-25.