Rəfail Tağızadə

Rəfail Tağızadə (azərb. Rəfail Alı oğluTağızadə‎; 11 fevral 1958, Sofulu, Ağdam rayonu) — şair, publisist, Yazıçılar Birliyinin üzvü, Rəsul Rza mükafatı laureatı (2006), Ümid Partiyası Ali Məclisinin sədri, “Ədəbi ovqat” dərgisinin təsisçisi, Prezident təqaüdçüsü (2011).

Rəfail Tağızadə
Azərbaycan Ümid Partiyası Ali Məclisinin sədri
Vəzifədədir
2014-cü ildən
Əvvəlki	Ənvər Ağazadə
Azərbaycan Ümid Partiyası sədrinin təşkilati məsələlər üzrə müavini
26 oktyabr 2013 – 4 iyun 2014
Sədr	İqbal Ağazadə
Sonrakı	Bakir Həsənbəyli
Şəxsi məlumatlar
Doğum tarixi	11 fevral 1958(1958-02-11) (66 yaş)
Doğum yeri	Sofulu, Ağdam rayonu, Azərbaycan SSR, SSRİ
Partiya	Azərbaycan Ümid Partiyası
Fəaliyyəti	şair

Həyatı

Rəfail Alı oğlu Tağızadə 11 fevral 1958-ci ildə Ağdam rayonunun Sofulu kəndində anadan olub. 1964-1974-cü illərdə Ağdam rayonu Boyəhmədli kənd orta məktəbini bitirib. 1974-1979-cu illərdə Azərbaycan Politexnik İnstitutunun (indiki Texniki Universitetdə) Avtomatika və Hesablama Texnikası fakültəsində təhsil alıb.

Əmək fəaliyyəti

Rəfail Alı oğlu Tağızadə müxtəlif vəzifələrdə çalışıb. Azərbaycan Milli Ordusunda döyüş bölgəsində zabit kimi xidmət edib. Ordu komandanlığı tərəfindən "Şah İsmayıl Xətai" və başqa Fəxri Fərmanlarla və qiymətli hədiyyələrlə təltif olunub.

"Qapı" (2004) və "Qarabağ rüzgarları" (2009), "Gecə xəyalları" (2013), “Su üzərində bahar (2019)” şeir kitablarının müəllifidir. Dünya şöhrətli alim Rafiq Əliyev haqqında “Su kimi sakit və güclü” (2019) kitabının tərtibçisi və redaktorudur. Dünyanın çağdaş avanqard şairlərinin, xüsusən çağdaş polyak şairlərinin şeirlərini Azərbaycan dilinə tərcümə edib. "Qəfil görüş" Çağdaş polyak şeir antologiyası kitabının həmmüəllifidir. Çağdaş polyak şairlərinin şeirlərini tərcümə edərək "Şairlər eyni dildə danışırlar" adlı şeir antologiyası kitabını hazırlayıb.

“Şopenin ürəyi” poemasına və dahi polyak bəstəkarı Şopenin 200 illik yubileyi ilə əlaqədar Şopenin Azərbaycanda təbliğinə görə Polşa Respublikasının Mədəniyyət və Milli İrs naziri tərəfindən Diploma layıq görülüb (2010). Ədəbiyyat üzrə Nobel Mükafatçısı Çeslov Miloşun Polşada keçirilən 100 illik yubileyində Azərbaycanı təmsil edib (2011). Şeirləri ingilis, alman, italyan, rus, polyak, ukrayna və özbək dillərinə tərcümə olunub.

Mükafatları

• Rəfail Tağızadə ordu komandanlığı tərəfindən "Şah İsmayıl Xətai" və başqa Fəxri Fərmanlarla təltif olunub.
• Beynəlxalq "Rəsul Rza" mükafatına layiq görülüb (2006). (“Qarabağ qazisi haqqında ballada” poemasına görə).

Həmçinin bax

• Azərbaycan Milli Ordusu

İstinadlar

1. "Ümid Partiyasında iki yeni təyinat". 2023-04-10 tarixində . İstifadə tarixi: 2023-04-10.
2. ""Ümid"də cəmi bir müavin qaldı". 2023-04-10 tarixində . İstifadə tarixi: 2023-04-10.
3. "İqbal Ağazadə sərəncam verdi". 2023-04-10 tarixində . İstifadə tarixi: 2023-04-10.
4. Teymur Əhmədov. "Azərbaycan yazıçıları (XX-XXI yüzillikdə)". Bakı: "Nurlar" NPM. 2011. 1056. ISBN .
5. "Azərbaycan Yazıçılar Birliyi". 2021-05-13 tarixində . İstifadə tarixi: 2017-04-21.

Xarici keçidlər

• Rəfail Tağızadə: Rafiq müəllim mənəviyyat adamıdır
• Yoxluqda var olan şəhərim
• Sahibsizlik dərdi
• "Torpaq sənin qələbənlə vətən olur..." - Əsgərə məktub
• Ağdam – varlığın yoxluq səhnəsi
• Salam əsgər!
• Tək ayağın addım səsi...
• Ölüləri basdırmağa yer axtarıram...