Pyer Ogüst Renuar fr Pierre Auguste Renoir pjɛʁ oɡyst ʁənwaʁ 25 fevral 1841 Limoj 3 dekabr 1919 Kan syur Mer fransız rəs

Pyer-Ogüst Renuar (fr. Pierre-Auguste Renoir [pjɛʁ oɡyst ʁənwaʁ];25 fevral 1841^[…], Limoj – 3 dekabr 1919^[…], Kan-syur-Mer) — fransız rəssam, impressionizmin yaradıcılarından biri.

Pyer-Ogüst Renuar
fr. Pierre-Auguste Renoir fr. Auguste Renoir

Doğum tarixi	25 fevral 1841(1841-02-25)^[…]
Doğum yeri	Limoj
Vəfat tarixi	3 dekabr 1919(1919-12-03)^[…](78 yaşında)
Vəfat yeri	Kan-syur-Mer
Vəfat səbəbi	ağciyər iltihabı
Fəaliyyəti	rəssam, heykəltaraş, illüstrasiyaçı^[d], rəssam-qravüraçı^[d], boyakar^[d], memarlıq çertyojçusu^[d], qrafika ustası^[d]
Təhsili	Milli Gözəl Sənətlər Məktəbi (1862–1864)
Janrlar	portret rəssamlığı^[d], nü, mifologiya rəssamlığı^[d], peyzaj, Animalistika, məişət janrı, Marina, portret, dini incəsənət^[d], natürmort
Stil	impressionizm
Mükafatları

Vikianbarda əlaqəli mediafayllar

Həyatı və yaradıcılığı

Pyer-Ogüst Renuar 1841-ci il fevralın 25-də Fransanın Limoges şəhərində anadan olub. Atası dərzi olan Renuar ailənin dördüncü uşağı idi. Ailəsinin maddi vəziyyəti yaxşı olmadığı üçün 4 yaşında Parisə köçmək məcburiyyətində qalırlar. O, 13 yaşında ailəsinə maddi yardım etmək üçün işləməyə başlayır. İlk işi çini qablar düzəldən emalatxanada qabların üstünə şəkil çəkmək olur. Renuar rəssamlıqla burada tanış olur. Çini qabların üstündə rəssamlığın texniki tərəflərini öyrənir. Günortaya qədər çini qablara rəsmlər çəkir, günortadan sonra isə Luvr Muzeyinə gedib, orada usta rəssamların əsərlərin surətini kətana köçürürdü. Onun rəssamlıq zövqü beləcə formalaşmağa başlamışdır.

Fransız impressionisti Ogüst Renuarın yaradıcılığında insan təsvirləri — qadın və uşaq portretləri xüsusi yer tutur. Fransız impressionistləri əsasən mənzərə janrına üstünlük verdikləri halda, Renuar ailəvi gəzintilərə, rəqs səhnələrinə, süjetli məişət tablolarına üz tutardı.

O uzun illər işləyib pul yığdıqdan sonra 1862-ci ildə İncəsənət məktəbinə adını yazdırdı. Məktəbdə rəssam Qleyrenin emalatxanasında işləməyə başladı. Bazille, Monet, Sisley kimi gənc rəssamlarla burada tanış oldu.

İllər sonra yaranacaq impersionizm cərəyanı beləcə meydana çıxırdı. Renuar Kourbet tərzinə uyğun olaraq tünd rəgnlərə üstünlük versə də, rəssam tanışları daha açıq rənglərdən istifadə edirdilər.

Növbəti il onlara başqa gənc rəssamlar da qoşuldu. Vaxtlarının çoxunu Luvr Muzeyində və Fontaneybl meşəsində keçirirdilər. Meşədə rəsm çəkdiyi günlərin birində Diaz la Pena adlı ispan rəssamı ilə tanış oldu. Barbizon məktəbinin keçmiş müəllimi olan Diazdan təbiətə sevgini və rəngləri necə istifadə etməyi öyrəndi. Diaz, ona gördüyü mənzərənin rəngələrini daha parlaq bir formada kətana köçürtməli olduğunu göstərdi.Əsərlərindən biri 1863-cü ildə rəsm sərgisinə qəbul edilmişdisə də, sonradan qalareya sahibi bu rəsmdən imtina etdi. Renuarın sevdiyi rəssam Kourbet belə həmin illərdə rəsm sərgilərinə buraxılmırdı.

Sərgidə nümayiş olunmayan əsərin müştəri tapmağı olduqca çətin idi. 1863-cü il sərgisinə heç bir dostunun rəsmi qəbul edilməmişdi. 1867-ci ilə qədər onun rəsmləri sərgiyə qəbul edilmədi. Münsiflər heyəti onun əsərlərini həddən artıq yenilikçi kimi qiymətləndirirdi. 1868-ci ildə "Lize" adlı əsəri sərgiyə qəbul olundu. 29 yaşlı rəssamın əsəri Parisdə böyük səs-küyə səbəb oldu.

1870-ci ildə Almaniyanın Fransaya qarşı savaşa başlaması Renuarın yaşamında və yaradıcılığında dəyişikliyə səbəb oldu. Cəbhəyə gedən rəssam sonradan xəstəliyi üzündən ordudan tərxis edildi. Yenidən yaradıcılığa başlayan sənətkar iki məşhur əsərini yaratdı. Onlardan biri dostunun sevgilisinin portreti, o birisi isə "Qadın tutuquşu ilə" əsəri idi. Bu əsərdə yenə də əsas obraz sevimli Liza idi.

1874-cü ildə Renuarın səyləri nəticəsində fotoqraf Nadarın studiyasında sərgini açmaq mümkün olur. Bu sərgi sayəsində xalq bu rəssamları tanımağa başladı. Renuar bu sərgiyə "Luca" adlı əsəri ilə qatılmışdı.

Renuar 1870–1880-ci illər arasında imperssionalizmin ən gözəl əsərlərini yaratdı. 1880-ci ildə sevdiyi model Alina Çarioqot ilə evləndi. 1881-ci ildə İtaliyaya səyahət etdi. Bu səfərdən sonra rəsm həyatında yeni bir dövr başlandı. O, bu hadisəni belə şərh edirdi: "İtaliyada Raffaellonun rəsmlərini gördükdən sonra rəsmlərimdə bir qırılma oldu. İmpersionizmin ən son nöqtəsinə çatdıqdan sonra anladım ki, əslində mən nə rəsm çəkməyi, nə rəngləməyi bacarmıram".

1895-ci ildə Renuar artrit xəstəliyinin kəskin formasından əziyyət çəkirdi. Onun barmaqları əcaib hala düşmüşdü, əli fırça tutmurdu. Fırçanı onun əlinə bağlayırdılar. Ömrünün son günlərinə qədər metr hər gün molbert önünə keçib sol əliylə sağ əlinə dəstək verərək səbrlə işləyirdi. Xəstəlik öz işini görürdü, işləmək hər gün bir az daha çətinləşirdi, barmaqları iflic olmuş, fiziki ağrılardan, mütəmadi yuxusuzluqdan əzab çəkən qoca rəssam rəsm əsərləri yaratmaqda davam edirdi.

Renuar yaradıcılığının ən yüksək nöqtəsinə çatdığı zaman amansız xəstəliyə tutulur. 1903-cü ildə ölkənin cənubundakı Caqnes şəhərinə köçür. 1915-ci ildə həyat yoldaşı, dörd il sonra — 1919-cu ildə isə Renuar vəfat edir.

Qalereya

1866
1868
1868
1872
1873
1874
1874
1875
1875
1876
1876
1876
1877
1878
1879
1879
1880
1881
1881
1882
1882–1883
1883
1883
1883
1883
1885
1885
1885
1885
1887
1888
1894
1894
19 əsr
1895
1896
1908
1910
1917
1919

1875
1876
1910
1910

1867
1875
1883
1887
1888
1895
1910
1910
1914
1916
1918

Əsərləri

"Böyük çimərlik"
"Lize"
"Yaz çiçəkləri"
"Esmeralda avaralar arasında rəqs edir"
"Liza çətirlə"
"Luca"
"Günəş işığında çılpaq"
"Gəzinti"

Həmçinin bax

Xarici keçidlər

"Çətirlər" (1881–1886)
Renuar: Təzadlı Hisslər Doğuran Rəssam
İmpressionizm

İstinadlar

Bibliothèque nationale de France BnF identifikatoru (fr.): açıq məlumat platforması. 2011.
Auguste Renoir (nid.).
Renoir, Auguste (ing.). // The Enciclopædia Britannica 12 London, NYC: 1922. Vol. XXXII Pacific Ocean Islands to Zuloaga. P. 268.
RKDartists (nid.).
The Fine Art Archive.
http://vocab.getty.edu/page/ulan/500115467.
https://www.metmuseum.org/toah/hd/augu/hd_augu.htm.
"Fırçanı barmaqlarına bağlayan rəssam". 2021-10-24 tarixində . İstifadə tarixi: 2018-10-02.
"İmpressionizmdən klassisizmə". 2020-01-16 tarixində . İstifadə tarixi: 2018-10-02.

[_ba0c9123606f30c7-1] Bibliothèque nationale de France BnF identifikatoru (fr.): açıq məlumat platforması. 2011.

[_e4027e6abcea9a5b-2] Auguste Renoir (nid.).

[_a772d922683b1447-3] Renoir, Auguste (ing.). // The Enciclopædia Britannica 12 London, NYC: 1922. Vol. XXXII Pacific Ocean Islands to Zuloaga. P. 268.

[_594178fca258e59b-4] RKDartists (nid.).

[_4981788efd1b0dcf-5] The Fine Art Archive.

[_eb58e7847d3bece1-6] ttp://vocab.getty.edu/page/ulan/500115467.

[_387e46a8341026b7-7] ttps://www.metmuseum.org/toah/hd/augu/hd_augu.htm.

[a-8] "Fırçanı barmaqlarına bağlayan rəssam". 2021-10-24 tarixində . İstifadə tarixi: 2018-10-02.

[9] "İmpressionizmdən klassisizmə". 2020-01-16 tarixində . İstifadə tarixi: 2018-10-02.