Nikolay Semyonoviç Tixonov 22 noyabr 4 dekabr 1896 Sankt Peterburq 8 fevral 1979 Moskva rus yazıçısı tərcüməçi siyasətçi

Nikolay Semyonoviç Tixonov (22 noyabr (4 dekabr) 1896^[…], Sankt-Peterburq – 8 fevral 1979^[…], Moskva) ― rus yazıçısı, tərcüməçi, siyasətçi, ictimai xadim, Sosialist Əməyi Qəhrəmanı (1966).

Nikolay Tixonov
rus. Николай Семёнович Тихонов

Doğum tarixi	22 noyabr (4 dekabr) 1896^[…]
Doğum yeri	Sankt-Peterburq, Rusiya imperiyası
Vəfat tarixi	8 fevral 1979(1979-02-08)^[…](82 yaşında)
Vəfat yeri	Moskva, RSFSR, SSRİ
Dəfn yeri	Novodeviçye qəbiristanlığı
Fəaliyyəti	yazıçı, şair, tərcüməçi, siyasətçi
Fəaliyyət illəri	1918-ci ildən
Əsərlərinin dili	rus dili
İstiqamət	sosialist realizmi
Üzvlüyü	SSRİ Yazıçılar İttifaqı
Mükafatları
Vikianbarda əlaqəli mediafayllar

Həyatı

Nikolay Tixonov 1896-cı il dekabr ayının 4-də (bəzi mənbələrdə bu tarix 22 noyabr olaraq göstərilir) Sankt-Peterburq şəhərində anadan olmuşdur. O, ilk əvvəl ibtidai şəhər məktəbində, sonra isə ticarət məktəbində təhsil almışdır. Nikolay Tixonov aztəminatlı ailənin övladı idi. Ailəsinə kömək etmək məqsədilə 1911-ci ildə təhsilini yarımçıq qoymuş və Baş Dəniz İqtisadiyyat İdarəsinin katibi vəzifəsində çalışmışdır.

Ədib 1914–1918-ci illər Birinci Dünya müharibəsi, 1918–1920-ci illər Rusiyada Vətən müharibəsi və 1941–1945-ci illər İkinci Dünya müharibəsində iştirak etmişdir.

Nikolay Tixonov Sovet Sülhü Müdafiə Komitəsinin sədri, SSRİ Nazirlər Soveti yanında Ədəbiyyat, İncəsənət və Memarlıq Sahəsində və SSRİ Dövlət Mükafatları Komitəsinin sədri vəzifələrində çalışmışdır. Ümumdünya Sülh Şurasının üzvü olan Tixonov SSRİ Ali Sovetinin 2–9-cu çağırış deputatı və SSRİ Yazıçılar İttifaqı İdarə Heyətinin katibi olmuşdur.

Nikolay Tixonov 8 fevral 1979-cu ildə Moskva şəhərində vəfat etmiş və Novodeviçye qəbiristanlığında dəfn olunmuşdur.

Yaradıcılığı

Nikolay Tixonovun yaradıcılığının əsas mövzuları sülh, şərq xalqlarının milli azadlıq və istiqlaliyyət uğrunda mübarizəsi, Sovet xalqlarının dostluğunun tərənnümüdür. Yazıçının əsərləri SSRİ xalqlarının dillərinə, habelə Azərbaycan və bir sıra xarici dillərə tərcümə olunmuşdur. Ədib Sankt-Peterburq şəhərində yerləşən Nizami Gəncəvinin 800 illik yubileyinin keçirilməsinin təşkilatçılarından biri olmuşdur. Dəfələrlə Azərbaycanda olmuş Nikolay Tixonov Azərbaycan haqqında bir sıra şeirlər yazmışdır. O, eyni zamanda Azərbaycan ədəbiyyatı və ədibləri haqqında məqalə və xatirələr qələmə almışdır. Habelə Azərbaycan ədəbiyyatından rus dilinə tərcümələr etmişdir.

Əsərləri

"Sami" (1920)
"Üz-üzə" (1934)
"Güruh" və "Braqa" (1922)
"Dost ölkəsi" (1936)
"İki axın" (1951)
"Sülh tərəfdarları ikinci dünya konqresində" (1953)
"Ağ möcüzə" (1956)
"Yaşıl zülmət" (1966)
"Altı sütun" (1968)

Mükafatları

Nikolay Tixnov müxtəlif illərdə üç dəfə layiq görülmüşdür. O, eyni zamanda Sosialist Əməyi Qəhrəmanı, SSRİ və Beynəlxalq mükafatlar laureatı olmuşdur. 1974-cü ildə "Azərbaycan SSR xalq şairi" fəxri adı ilə təltif olunmuşdur.

İstinadlar

Bibliothèque nationale de France BnF identifikatoru (fr.): açıq məlumat platforması. 2011.
ТИХОНОВ // Большая российская энциклопедия (rus.). Москва: Большая российская энциклопедия, 2004.
Nikolay Semyonovich Tikhonov // Encyclopædia Britannica (ing.).
(PDF). Bakı: "Zərdabi" nəşriyyat. 2020. səh. 460. ISBN .

[_db500ad00fbd525b-1] Bibliothèque nationale de France BnF identifikatoru (fr.): açıq məlumat platforması. 2011.

[_211b06b3364cb841-2] ТИХОНОВ // Большая российская энциклопедия (rus.). Москва: Большая российская энциклопедия, 2004.

[_b6736689792e6292-3] Nikolay Semyonovich Tikhonov // Encyclopædia Britannica (ing.).

[:0-4] (PDF). Bakı: "Zərdabi" nəşriyyat. 2020. səh. 460. ISBN .