Narqız

“Narqız” — Azərbaycanın animasiya rejissoru Məsud Pənahinin qısametrajlı animasiya filmi.

Narqız
Janr	dram filmi
Rejissor	Məsud Pənahi
Prodüser	Rəşid Ağamalıyev
İlk baxış tarixi	2025
Müddət	9,17 dəq.
Ölkə	Azərbaycan
Dil	Azərbaycan dili

“Narqız” filmi (ARKA) maliyyə dəstəyi ilə “” MMC (ANİMAFİLM Studio) tərəfindən istehsal olunub. Filmin premyerası 2025-ci il yanvarın 17-də Nizami Kino Mərkəzində baş tutacaq. Filmin treyleri 17 dekabr 2024-cü ildə yayımlanıb.

Qısametrajlı animasiya filmi ARKA tərəfindən 2023-cü ilin iyulun 18-də elan edilən film layihələri müsabiqəsinin qalibi olub və istehsalına dəstək göstərilməsi təsdiq edilib.

“Narqız” layihəsinin kraudfandinq kampaniyası 2023-cü ilin iyul ayında uğurla başa çatıb (layihənin adı “Nərgiz” idi).

Məzmun

İşğaldan azad olunmuş Qarabağ torpağında həyat yenidən çiçəklənir. Balaca Narqız göyə çərpələng uçurur və dünyada hər şeyi unudaraq onun dalınca qaçır. Sevinc içərisində olan qız torpaq altında olan və öz saatını gözləyən təhlükənin fərqində deyil. Bu minadır.

“NARQIZ” qısametrajlı animasiya filmi ilk növbədə uşaqlar üçün nəzərdə tutulub. Filmin əsas məqsədi uşaqların diqqətini mina təhlükəsinə cəlb etmək, eləcə də işğaldan azad edilmiş ərazilərdə minatəmizləmə işləri haqqında məlumatları dünya ictimaiyyətinə çatdırmaqdır.

Maarifləndirici səciyyə daşıyan film insanlar üçün dinc dövrdə ən böyük təhlükə olan minalar, onlardan qorunmaq, ehtiyatlı davranmaq qaydalarını və təcrübələrini paylaşmağın vacibliyini vurğulayır. Bütün bunlar audiovizual vasitələr, milli mədəni irsimizin inciləri, təsviri tamaşaçıya daha aydın çatdıran musiqi və qrafika vasitəsilə təqdim olunmaqla, XXI əsrin müasir və gerçək vaqeəsini nəql edir.

Heyəti

Filmin quruluşçu rejissoru Məsud Pənahi, prodüseri Rəşid Ağamalıyev, ideya müəllifi Bəhruz Pənahi, ssenari müəllifləri Məsud Pənahi, İsmayıl İman, bəstəkar Azər Hacıəsgərli, səs rejissoru Nadir Mahmudov, aparıcı animatoru Firəngiz Bağırova, kompozitinq rəssamı Emil Şiran, storyboard rəssamı Kübra Binnətova, animatik rəssamı Rüstəm Bəşirov, rəssam Elçin Hami Axundov, səsləndirmə rejissoru Qurban Məsimov, redaktorlar Rafiq Məmmədli və Gülşən Hüseynovadır.

Tənqidi

Mirmehdi Ağaoğlu "Narqız" animasiyasının peşəkar animasiya standartlarına uyğun olmadığını və daha çox bir gəncin ilk təcrübəsini xatırlatdığını vurğulamışdır. Ağaoğlu tədbir zamanı rəsmi nümayəndələrin "Vətənpərvərlik ruhunda filmlər çəkilməlidir" çağırışına toxunmuş, belə filmlərin təqdim etdiyi patriotik ideyanın zəif olduğunu qeyd etmişdir. O, "Narqız"da istifadə olunan qartal obrazını mənasız hesab etmiş və ironiya ilə əsərin fonunda "Qartalımın bir qanadı yaralanıb" mahnısının çatışmadığını bildirmişdir.

İstinadlar

1. ""Narqız" animasiya filminin istehsalı tamamlanıb (TREYLER, ŞƏKİLLƏR)" (az.). 2024-12-17. İstifadə tarixi: 2025-01-16.
2. ""Narqız" qısametrajlı animasiya filminin çəkilişləri davam edir" (az.). 2024-07-08. İstifadə tarixi: 2025-01-16.
3. "Dövlət dəstəyi ilə lentə alınmış filmlərin təqdimatı keçiriləcək". culture.gov.az. İstifadə tarixi: 2025-01-16.
4. ""Narqız" qısametrajlı animasiya filminin istehsalı davam edir". culture.gov.az. İstifadə tarixi: 2025-01-16.
5. ""Tıq-Tıq xanım"ın rejissoru tamaşaçılara müraciət edib" (az.). 2023-05-03. İstifadə tarixi: 2025-01-16.
6. ""Narqız" qısametrajlı animasiya filmi minaların yaratdığı təhlükəni işıqlandıracaq". respublika-news.az (ingilis). İstifadə tarixi: 2025-01-16.
7. ""Narqız" animasiya filminin istehsalı yekunlaşıb". Kulis.az (az.). İstifadə tarixi: 2025-01-16.
8. ""Narqız" animasiya filminin istehsalı yekunlaşıb". azertag.az (az.). İstifadə tarixi: 2025-01-16.
9. Ağaoğlu, Mirmehdi. "Mirmehdi Ağaoğlu". Telegram.

Xarici keçidlər

• Nargiz (2024) | Official trailer