Məhəmmədsalam Hacıyev 8 iyul 1972 Mahaçqala 1992 1993 cü illərdə Rusiyanı 1995 1996 cı illərdə isə Azərbaycanı təmsil ed

Məhəmmədsalam Hacıyev (8 iyul 1972, Mahaçqala) — 1992–1993-cü illərdə Rusiyanı, 1995–1996-cı illərdə isə Azərbaycanı təmsil edən sərbəst güləşçi, 1992-ci il Avropa Çempionatının qalibi.

Məhəmmədsalam Hacıyev

Şəxsi məlumatlar

Tam adı

Məhəmmədsalam Hacıyev

Vətəndaşlığı

Rusiya →

Azərbaycan

Doğum tarixi

8 iyul 1972 (51 yaş)

Doğum yeri

Mahaçqala, Dağıstan MSSR, RSFSR, SSRİ

Boyu

178 sm. (5 ft 6 in)

İdman növü

Güləş

Karyera illəri

1984—1996

Məşqçisi

Rövşən Umudov

Medallar


Avropa Çempionatı
Qızıl		74 Kq.

Karyerası

Məhəmmədsalam Hacıyev 1992-ci ilin mayında Kaposvar şəhərində (Macarıstan) baş tutan Avropa Çempionatının qalibi oldu. Daha sonra Məhəmmədsalam Hacıyev həmin ilin avqustunda İspaniyanın Barselona şəhərində baş tutan XXV Yay Olimpiya Oyunlarında çıxış elədi və turniri dördüncü pillədə başa vurdu. 1993-cü ilin iyulunda Rusiya Çempionatının gümüş medalına sahib olan Məhəmmədsalam Hacıyev 1995-ci ildən Azərbaycan yığmasının heyətində çıxış elədi.

1995-ci ilin avqustunda Dünya Çempionatını 8-ci pillədə başa vuran Məhəmmədsalam Hacıyev 1996-cı ilin avqustunda Azərbaycanı XXVI Yay Olimpiya Oyunlarında təmsil elədi. Məhəmmədsalam Hacıyev olimpiadanın birinci görüşündə 1992-ci il Barselona Olimpiadasının qalibi Cənubi Koreya nümayəndəsi Par Yan-Son ilə üz-üzə gəldi. Nəticədə Məhəmmədsalam Hacıyev təcrübəli rəqibinə 1:4 hesabı ilə məğlub oldu və mübarizəsini təsəlliverici qrupda davam elədi. Qrupda Məhəmmədsalam Hacıyev əvvəl Qazaxıstan nümayəndəsi Məhəmməd Kuruqliyevi 4:0, sonra isə Macarıstan nümayəndəsi Arpad Ritteri 4:2 hesabları ilə məğlub elədi və qrupun üçüncü mərhələsinə adladı. Bu mərhələdə onun rəqibi Kuba nümayəndəsi Alberto Rodrigez oldu. Gərgin idman mübarizəsi şəraitində baş tutan görüşdə Məhəmmədsalam Hacıyev rəqibinə 6:2 hesabı ilə qalib gəldi növbəti mərhələyə adladı. Bu mərhələdə isə onun rəqibi Dünya və Avropa Çempionatlarının qalibi Almaniya nümayəndəsi Alexander Leipold oldu. Bu görüş də gərgin idman mübarizəsi şəraitində baş tutdu və nəticədə Məhəmmədsalam Hacıyev rəqibi üzərində 0:2 hesabı ilə məğlub olaraq medal uğrunda mübarizəsini başa vurdu. Ümumi nəticədə Məhəmmədsalam Hacıyev olimpiadanı 8-ci pillədə başa vurdu.

Nəticələri

Sıra	İl	Yarış	Ev sahibi	Nəticə
Rusiya
1	1992	Avropa Çempionatı	Macarıstan	1.
2	1992	Olimpiya Oyunları	İspaniya	4.
Azərbaycan
3	1995	Dünya Çempionatı	ABŞ	8.
4	1996	Dünya Çempionatı	ABŞ	8.

İstinadlar

Olympedia.org. "Məhəmmədsalam HACIYEV". www.olympedia.org (ingilis). 2022-08-30. 2022-08-22 tarixində . İstifadə tarixi: 30.08.2022.
International Wrestling Database. "MAGOMEDSALAM HAJIYEV". www.iat.uni-leipzig.de (ingilis). 2022-08-04. 2022-05-15 tarixində . İstifadə tarixi: 02.08.2022.
Olympedia.org. "1996 Summer Olympics / Wrestling / Welterweight (74 Kilograms) / Freestyle / Men". www.olympedia.org (ingilis). 2022-08-30. 2022-08-22 tarixində . İstifadə tarixi: 30.08.2022.

[:PR-1] Olympedia.org. "Məhəmmədsalam HACIYEV". www.olympedia.org (ingilis). 2022-08-30. 2022-08-22 tarixində . İstifadə tarixi: 30.08.2022.

[:PRO-2] International Wrestling Database. "MAGOMEDSALAM HAJIYEV". www.iat.uni-leipzig.de (ingilis). 2022-08-04. 2022-05-15 tarixində . İstifadə tarixi: 02.08.2022.

[:RES-3] Olympedia.org. "1996 Summer Olympics / Wrestling / Welterweight (74 Kilograms) / Freestyle / Men". www.olympedia.org (ingilis). 2022-08-30. 2022-08-22 tarixində . İstifadə tarixi: 30.08.2022.