Məcnun Hacıbəyov

Məcnun Salam oğlu Hacıbəyov (5 oktyabr 1935, İkinci Nügədi, Quba rayonu – 16 noyabr 2021) — Azərbaycan aktyoru, Azərbaycan SSR əməkdar artisti (1989).

Məcnun Hacıbəyov
Doğum tarixi	5 oktyabr 1935
Doğum yeri	İkinci Nügədi, Quba rayonu, Azərbaycan SSR, ZSFSR, SSRİ
Vəfat tarixi	16 noyabr 2021 (86 yaşında)
Vəfat səbəbi	COVID-19
Dəfn yeri	İkinci Nügədi
Fəaliyyəti	Aktyor
Mükafatları

Həyatı

Məcnun Hacıbəyov Quba rayonunun İkinci Nügədi kəndində yaşamışdır. 1935-ci ilin 5 oktyabrında rayonun II Nügədi kəndində doğulan aktyor 10 illik orta məktəbi də bu kənddə bitirib. Akyorluq istedadını isə elə uşaq yaşlarından hiss etməyə başlayıb. 1965-ci ildə Azərbaycan Dövlət Mədəniyyət və İncəsənət Universitetinin aktyorluq fakültəsini bitirib.

Aktyor "Canavar balası", "Evlənmək istəyirəm", "Gənclik Macərası", "Göz həkimi", "Gülüş sanatoriyası", "Kişilər", "Qatarda", "Qəzəlxan", "Yarımştat" kimi film və televiziya tamaşalarında yaddaqalan obrazlar ifa edib. Aktyor yalnız "Solğun çiçəklər" tamaşında "Əbdül" rolunu oynamadığı üçün heyfislənir. 1999-cu ilin 13 iyulunu həyatının ən ağrılı günlərindən biri kimi xatırlayır. Həmin gün aktyorun ömür gün yoldaşı Zahidə xanım 57 yaşında faciəli şəkildə dünyasını dəyişib. Bir neçə ildir ürəyinə görə müalicə alır. Aktyor deyir ki, yaşlandığım üçün bəzən yaddaşım da sözümə baxmır. Buna baxmayaraq hələ də mütaliə edir. Aktyorun son yaratdığı obraz isə "Yarımştat" tamaşında olub. O, bu tamaşada Murtuz obrazını canlandırıb.

Görkəmli sənətkar 16 noyabr 2021-ci ildə 86 yaşında Covid-19 xəstəliyindən vəfat etmişdir. Sənətkar doğulduğu Quba rayonunun İkinci Nügədi kəndində doğmalarının məzarı yanında torpağa tapşırılıb.

Ailəsi

Məcnun Hacıbəyovgil ailədə 9 uşaq olublar — 7 oğlan 2 qız. Əməkdar artist Məcnun Hacıbəyovun Ceyhun və Pərviz adında 2 oğlu, Zülfiyyə adında 1 qızı, 7 nəvəsi və 3 nəticəsi var.

Filmoqrafiya

• Alov (film, 1979) (tammetrajlı televiziya tamaşası)
• Analar (film, 1988)
• Astana (film, 1986)
• Atayevlər ailəsi (film, 1978)
• Canavar balası
• Evlənmək istəyirəm (film, 1983)
• (tammetrajlı televiziya tamaşası) (AzTv)
• Göz həkimi (film)
• Gülüş sanatoriyası (film, 1989)
• Kişilər (film, 1979)
• Qatarda (film, 1981)
• Qəzəlxan (film, 1991)
• Mənim günahım (film, 1985)
• Min birinci söz (film, 1997)
• Sabiqlər (film, 1999)
• Sarıköynəklə Valehin nağılı (film, 1980)
• Şirin bülbül (film, 2000)
• Yarımştat (film, 1996)
• Yeni evlənənlər (film, 1983)

İstinadlar

1. . 2015-10-08 tarixində orijinalından arxivləşdirilib. İstifadə tarixi: 2015-10-08.
2. "Məcnun Hacıbəyov". 2016-09-09 tarixində . İstifadə tarixi: 2014-02-07.
3. "Məcnun Hacıbəyov dəfn edildi". 2021-12-26 tarixində . İstifadə tarixi: 2021-11-16.