Müqəddəs Nina qız gimnaziyasının binası Müqəddəs Nina xeyriyyə cəmiyyətinin 1861 ci ildə Bakıda açdığı qız məktəbinin bu

Müqəddəs Nina qız gimnaziyasının binası — "Müqəddəs Nina" xeyriyyə cəmiyyətinin 1861-ci ildə Bakıda açdığı qız məktəbinin bu binası memar Dmitri Buynovun layihəsi əsasında 1886-1888-ci illərdə tikilib. 1895-ci ildə binada təmir işləri aparılır və ona 2-ci mərtəbə, sovet dövründə 3-cü mərtəbə, 2009-2010-cu illər əsaslı təmir və yenidənqurma zamanı isə mansar üslubunda 4-cü mərtəbə əlavə edilir.

Müqəddəs Nina qız gimnaziyasının binası
Баку. Женское учебное заведение Св. Нины
1905-ci il Müqəddəs Nina qız gimnaziyası


Ölkə	Azərbaycan
Şəhər	Bakı
Aidiyyatı	Azərbaycan Respublikası Elm və Təhsil Nazirliyi
Memar	Dmitri Buynov

Azərbaycandakı tarixi abidələrin milli qeydiyyatı
İstinad nöm.	3292
Kateqoriya	bina
Əhəmiyyəti	Yerli əhəmiyyətli
Müqəddəs Nina qız gimnaziyasının binası
Vikianbarda əlaqəli mediafayllar

Tarixi

1886-cı ildə "Müqəddəs Nina" qızlar gimnaziyası İçərişəhərin qala divarlarına yaxın yerdə, əvvəllər xırman yeri olmuş bir sahədə memar Dmitri Buynovun layihəsi əsasında ikimərtəbəli məktəb binası üçün tikintinin əsası qoyuldu. 1888-ci il oktyabr ayının 15-dən isə cəmiyyət öz fəaliyyətini, geniş, hündür otaqları olan məktəb binasında davam etdirmişdi. Bu məktəb binasının tikintisinin başa çatması üçün xeyriyyəçi Hacı Zeynalabdin Tağıyevin təşəbbüsü ilə, eyni zamanda bir neçə Bakı milyonçusu onunla bərabər böyük vəsait sərf etmişdilər.

1895-ci ildə müəssisəyə gimnaziya statusu verilir, binada təmir işləri aparılır və burada ikinci mərtəbə inşa olunur.

1919-cu ildə AXC-nin təhsil və maarif nazirliyinin qərarı ilə Müqəddəs Nina qadın təhsil müəssisəsi Azərbaycan Birinci Milli Qadın Gimnaziyası adlandırılıb. 1919-cu ilin oktyabrından bu binada uşaq bağçası, sonra isə uşaq bağçasına rəhbər hazırlanması kursları fəaliyyət göstərib.

1918–1920-ci illərdə ADR dövründə bu binada hərbi akademiya fəaliyyət göstərmişdir. Məşhur generallar S. Mehmandarov akademiyanın direktoru, Ə. Şıxlinski isə onun müavini vəzifəsində çalışmışdır.

Azərbaycanda Sovet hakimiyyəti qurulduqdan sonra binada 1921-ci ildə yeniyetmələr üçün ilk Azərbaycan hərbi məktəbi kimi qurulmuş və Suvorov Hərbi İnternat Məktəblərinin prototipi olmuşdur. 1928-ci ildən isə binada Qızıl Ordunun Zaqafqaziya Hərbi-Hazırlıq Məktəbi yerləşirdi. Bu məktəb

Binada 1933–1937-ci illərdə 14 nömrəli beynəlmiləl məktəb fəaliyyət göstərmişdir. Ancaq 1937-dən 2009-cu ilin may ayına qədər davamlı olaraq burada məşhur 132(Azərbaycandilli) və 134 (rusdilli) saylı orta məktəbləri fəaliyyət göstərmişdir.

Binada fəaliyyət göstərən 134 saylı məktəb 1999-cu ildən YUNESKO-nun assosiativ məktəblər şəbəkəsinə daxildir. Azərbaycanda ilk dəfə 2007-ci ildə 134 saylı orta məktəbin nəzdində fransız təmayüllü Beynəlxalq Təhsil Kompleksi yaradılmışdır.

2009-2010-cu illərdə Azərbaycan Respublikasının Prezidenti İlham Əliyevin xüsusi tapşırığı ilə bina əsaslı şəkildə yenidən quruldu və 132–134 nömrəli Təhsil Kompleksi adı ilə fəaliyyətini davam etdirir.

Məzunları

Gimnazya

— Balakişi bəy Ərəblinskinin qızı
— Balakişi bəy Ərəblinskinin qızı, Tağıyevin xanımı
Ayna Sultanova — 1912
Zivər Məmmədova
Məryəm xanım Bayraməlibəyova −1917

Zaqafqaziya

Həzi Aslanov - 2 dəfə Sovet İttifaqı Qəhrəmanı

Məktəb

Adil Quliyev - təyyarəçi, sovet ittifaqı qəhrəmanı
Aida İmanquliyeva - Azərbaycanlı şərqşünas alim
Akim Abbasov - general
Əminə Dilbazi — Azərbaycan SSR xalq artisti
Leyla Bədirbəyli - xalq artisti
Riad Əhmədov — Azərbaycanın Milli Qəhrəmanı
Larisa Məmmədova — 20 Yanvar şəhidi

Qeydlər

Sovet dövründən Azərbaycanda ərəb dilinin tədris olunduğu yeganə dövlət ümumtəhsil məktəbi olub

İstinadlar

[1] ^{[ölü keçid]}
Бакинский справочный календарь на 1898 г. Баку-1897
Yusubov, Araz. "Bu Amerika filmi Bakıdakı 134 saylı məktəbdə çəkilib - Araşdırma". Kulis.az (az.). İstifadə tarixi: 2024-01-20.

Mənbə

"Arxivlənmiş surət". 2016-12-01 tarixində . İstifadə tarixi: 2018-03-07.
"Bakının ən qədim qadın təhsil müəssisəsi". Bakuplus.az (az.). 2022-03-02. İstifadə tarixi: 2024-01-20.
"Бакинское женское учебное заведение Св. Нины — OurBaku". ourbaku.com (rus). İstifadə tarixi: 2024-01-20.

Həmçinin bax

[4] Sovet dövründən Azərbaycanda ərəb dilinin tədris olunduğu yeganə dövlət ümumtəhsil məktəbi olub

[1] [1] ^{[ölü keçid]}

[2] Бакинский справочный календарь на 1898 г. Баку-1897

[3] Yusubov, Araz. "Bu Amerika filmi Bakıdakı 134 saylı məktəbdə çəkilib - Araşdırma". Kulis.az (az.). İstifadə tarixi: 2024-01-20.