Manana Sergeyevna Caparidze gürc მანანა ჯაფარიძე və ya sadəcə Manana gürcüəsilli Azərbaycan müğənnisi Azərbaycan Respubl

Manana Sergeyevna Caparidze (gürc. მანანა ჯაფარიძე) və ya sadəcə Manana — gürcüəsilli Azərbaycan müğənnisi, Azərbaycan Respublikasının əməkdar artisti (2009).

Manana
gürc. მანანა ჯაფარიძე
Ümumi məlumatlar
Doğum adı	Manana Sergeyevna Caparidze
Doğum tarixi	28 dekabr 1978(45 yaş)
Doğum yeri	Tbilisi, Gürcüstan SSR, SSRİ
Vətəndaşlığı	Azərbaycan Gürcüstan
Musiqiçi məlumatları
Fəaliyyəti	müğənni
Fəaliyyət illəri	1998–h. h.
Janrlar	pop musiqisi, estrada^[d]
Boyu	1.54 sm
Mükafatları	2010 2009
mananajaparidze.com

Həyatı

Manana Caparidze 1978-ci il dekabrın 28-də Gürcüstanın paytaxtı Tbilisi şəhərində anadan olub. Anasının nənəsi azərbaycanlı olmuşdur. İlk dəfə səhnəyə 5 yaşında çıxıb. Gürcüstanda populyar olan "Toliya" və "Çiora " uşaq kollektivlərinin solisti kimi çıxış edib. Orta məktəblə paralel vokal sinifi üzrə Tbilisi İncəsənət Gimnaziyasını bitirib.

1995–2000-ci illərdə Almaniya Müasir İncəsənət, Caz və Şou-biznes Akademiyasının Tbilisi filialının vokal şöbəsində təhsil alıb. 1996-cı ildə Gürcüstanın Borjomi şəhərində keçirilən "Büllur şam ağacı" gənc ifaçılar müsabiqəsinin qalibi, 1997-ci ildə Moskvada "Büllur not" beynəlxalq gənc ifaçılar müsabiqəsinin laureatı olub.

1998-ci ilin axırında Manana Bakıya gəlib. Burda onun müğənnilik fəaliyyəti başlayır. 2000-ci ilin əvvəlində Manananın "Sənə verdim ürəyimi" adlı ilk albomu işığ üzü görür. Manana azərbaycanca, rusca, gürcücə, ingiliscə mahnılar ifa edir.

1999-cu ildə Alma-Atada "Asiyanın Səsi" festivalında "Qran-pri"yə layiq görülüb. Həmin il Ukraynada "Slavyanskiy bazar" festivalının qalibi olub. Praqada keçirilən "UNIVERSTALENT — 2000" festivalının laureatı, 2000-ci ildə Şanxayda keçirilən "GOLDEN VOICE OF ASIA" müsabiqəsinin "Qran-pri" sahibi seçilib. 2001-ci il Moskvada "Şire kruq" televiziya musiqi müsabiqəsinin qalibi olub.

Manana Azərbaycanda iki dəfə solo-konsert verib. Birinci konsert 2000-ci ilin mart ayında, Heydər Əliyev adına sarayda keçirilib, ikinci konsert isə 2002-ci ildə, "Şəhriyar" adına konsert salonunda olub. Manana bir neçə Avropa ölkələrindədə konsert programmı ilə çıxış edib. 2004-cü ildə Manananın rəsmi saytı açılib — www.manana.ws.

Müğənni 2008-ci ilin əvvəlində ailə həyatı qurdu və noyabrın 10-da qız uşağını dünyaya gətirdi.

2015-ci ildən "The Voice" müsabiqəsinin Azərbaycan versiyası olan "Səs Azərbaycan" yarışmasının münsifidir.

Albomlar

2000 — Sənə verdim ürəyimi
2001 — Dözməm bu ayrılığa
2003 — Sevırəm səni
2004 — Bizim sevgimiz (Eldar Mansurovun mahnıları)
2004 — Orientasian (İngilis CD)
2005 — Səndən ayrı
2009 — Bəxt Ulduzum

Kliplər

2003 — Yol
2004 — Neyləyim
2005 — Çahargah Kompozisiyası (duet Elbrus)
2005 — Səndən ayrı
2006 — Sevgimizin günləri
2007 — Sənsiz
2008 — Qəlbimin arzusu
2013 — Payız
2014 — Gözlərin danışsın
2015 — This is my time (Bu, mənim zamanımdır)
2017 — Sarı gəlin
2017 — Party Music
2017 — Can Azərbaycan
2019 — Sən Yaşamaq Səbəbim

Filmoqrafiya

Yanmış körpülər (film, 2007)

İstinadlar

"Azərbaycanlı məşhurların boy fərqi- - 1.92, 1.50...+Fotolar". 2023-08-19 tarixində . İstifadə tarixi: 2023-08-19.
Azərbaycanlı məşhurların boyu neçə santimetrdir? - SİYAHI
ARB TV. "Manana - "Mənim nənəm azərbaycanlıdır"" (az.). Youtube.com. 27.12.2016. 2016-12-29 tarixində . İstifadə tarixi: 2016-12-30.

Xarici keçidlər

Rəsmi sayt

[1] "Azərbaycanlı məşhurların boy fərqi- - 1.92, 1.50...+Fotolar". 2023-08-19 tarixində . İstifadə tarixi: 2023-08-19.

[2] Azərbaycanlı məşhurların boyu neçə santimetrdir? - SİYAHI

[3] ARB TV. "Manana - "Mənim nənəm azərbaycanlıdır"" (az.). Youtube.com. 27.12.2016. 2016-12-29 tarixində . İstifadə tarixi: 2016-12-30.