Lidiya Belozyorova

Lidiya Olekseyevna Belozyorova (ukr. Лідія Олексіївна Бєлозьорова; 31 mart 1945, Xerson – 15 fevral 2022, Vinnitsa) — Ukraynalı səhnə və ekran aktrisası. O, ilk fəaliyyətnə Nikolay Kuliş Teatrında rəssam kimi başlayıb. Peşəkar karyerasına 1968–1969-cu illərdə Rivne Musiqili-Dram Teatrında başlayan Lidiya, sonrakı fəaliyyətini 1969–1972-ci illərdə Mariya Zankovetska Teatrında və nəhayət, Nikolay Sadovski adına Musiqili-Dram Teatrında davam etdirib. Belozyorova Nikolay Sadovski adına Musiqili Dram Teatrında 100-dən çox dram və musiqili tamaşada çıxış edib. O, Ukrayna SSR əməkdar artisti, Ukraynanın xalq artisti adlarına layiq görülüb və 3-cü dərəcəli "Knyaginya Olqa" ordeni ilə təltif edilib.

Lidiya Belozyorova
Doğum tarixi	31 mart 1945(1945-03-31)
Doğum yeri	Xerson, Xerson vilayəti, Ukrayna SSR, SSRİ
Vəfat tarixi	15 fevral 2022(2022-02-15) (76 yaşında)
Vəfat yeri	Vinnitsa, Vinnitsya vilayəti, Ukrayna
Təhsili	Kiyev Milli Teatr, Film və Televiziya Universiteti^[d]
Fəaliyyəti	kino aktrisası
Mükafatları	Ukraynanın xalq artisti Nikolay Zarudni mükafatı 3-cü dərəcəli "Knyaginya Olqa" ordeni

Həyatı

Lidiya Belozyorova 31 mart 1945-ci ildə Xersonda anadan olub. 1963-cü ildə o, Nikolay Kuliş Teatrında rəssam kimi fəaliyyətə başlayıb. Belozyorova 1968-ci ildə İ. K. Karpenko-Kari adına Kiyev Milli Teatr, Kino və Televiziya Universitetinin məzunu olub.

O, 1968–1969-cu illərdə Rivne Musiqili-Dram Teatrında, 1969–1972-ci illərdə isə Mariya Zankovetska Teatrında aktrisa kimi çalışıb. 1972-ci ildə Belozyorova Nikolay Sadovski adına Musiqili Dram Teatrında çalışmağa başlayıb və teatrda 100-dən çox dram və musiqi tamaşalarında rol alıb.

Kinoda da rolları var idi. O, 1971-ci ildə çəkilmiş "Şən Jabokriçilər" filmində Parasya rolunu, 1972-ci ildə Boris İvçenkonun "İtirilmiş məktub" filmində kazakın arvadı və 1975-ci ildə İsaak Şmarukun "Sadə qayğılar" filmində Valeriya obrazını canlandırıb. Belozyorova 2005–2007-ci illərdə "Muxtarın qayıdışı" televiziya proqramının ikinci, üçüncü, dördüncü, beşinci və altıncı seriyalarında rol alıb.

Belozyorova, aktyorluğu ilə yanaşı güclü səsə də sahib idi. O, adətən müxtəlif yaş, temperament, xarakter və millətdən olan qəhrəmanları canlandırırdı.

Belozyorova 2022-ci il fevralın 15-də Vinnitsada vəfat edib.

Fevralın 17-də günortadan sonra Vinnitsa şəhərinin Nikolay Sadovski adına Musiqili Dram Teatrında Belozyorovanın xatirəsinə, ictimaiyyət nümayəndələrinin iştirakı ilə anım mərasimi təşkil olunub.

Teatr işi

• Odarka ("Dunayın o tayında kazak")
• Natalka Poltavka ("Natalka Poltavka")
• Mariya ("On ikinci gecə")
• Tevyenin arvadı ("Xatirə duası")
• Bayadera ("Bayadera")
• Mirandolina("Mirandolina")
• Hanuma ("Hanuma")
• Lyubov Fedorovna ("Mazepa")
• Bobrençixa ("Marusya Çuray")
• Pamela ("Əziz Pamela")
• Bernarda Alba ("Bernard Albanın evi")
• Mariya Vasilyevna ("Vanya əmi")
• Marselina ("Dəli gün və ya Fiqaronun evliliyi")
• Dulskaya ("Xanım Dulskayanın mənəviyyatı").

Kinoda rolu

• 1971 — "Şən Jabokriçilər" (rejissor; Viktor İvanov) — Parasya
• 1972 — İmiş məktub— kazak Vasilinin arvadı, Cadugər, İmperatriça
• 1973 — Sol ekstremalın babası — epizodik rol
• 1975 — Sadə narahatlıqlar (rejissor; İsak Şmaruk) — Taisiya
• 2005 — Muxtarın qayıdışı / Köpək.gi | 9 seriya — İqorun qonşusu
• 2007 — Muxtarın qayıdışı 4-cü sezon / Kino ulduz | 3 seriya — Anastasiya Sergeyevna

Mükafatları

1993-cü ildə o, Ukraynanın əməkdar artisti adına və eyni zamanda da Ukraynanın xalq artisti adına layiq görülüb. Belozyorova 2001–2002-ci illərdə "teatr işinə görə" Nikolay Zarudni mükafatı laureatı adına layiq görülüb. 2003-cü ildə isə O, 3-cü dərəcəli "Knyaginya Olqa" ordeni ilə mükafatlandırılıb.

İstinadlar

1. Selenzev, V. E. Бєлозьорова Лідія Олексіївна [Lydia Oleksiivna Belozyorova] // (ukrayna). 2. 2003. 19 October 2022 tarixində . İstifadə tarixi: 19 October 2022.
2. Shutkevych, Olesya. "В Виннице умерла легенда местного театра, народная артистка Украины Лидия Белозерова" [Legend of the local theater, People's Artist of Ukraine Lydia Belozerova died in Vinnitsa]. The Day (Kyiv) (ukrayna). 16 February 2022. 17 February 2022 tarixində . İstifadə tarixi: 19 October 2022.
3. Fitsailo, S.V. "Багатогранність її таланту До 70-річчя від дня народження народної артистки України Л.О.Бєлозьорової" [The versatility of her talent To the 70th anniversary of the birth of People's Artist of Ukraine L.O. Belozherova] (ukrayna). K. Timiryazev Vinnytsia Regional Universal Scientific Library. 2015. 26 October 2021 tarixində . İstifadə tarixi: 19 October 2022.
4. Бєлозьорова Лідія Олексіївна [Lydia Oleksiivna Belozyorova] // Who is Who in Ukraine (ukrayna). 2002. 25 October 2007 tarixində . İstifadə tarixi: 19 October 2022.
5. "Белозёрова Лидия Алексеевна" [Belozerova Lidia Alekseevna] (rus). 17 February 2022. 9 March 2022 tarixində . İstifadə tarixi: 19 October 2022.
6. Лидия Алексеевна Белозерова [Lidia Alekseevna Belozerova] // Encyclopedia of Film and TV (ukrayna). 30 June 2018 tarixində . İstifadə tarixi: 19 October 2022.
7. "Керівники області привітали народну артистку України Лідію Бєлозьорову" [Regional leaders congratulated People's Artist of Ukraine Lidia Belozyorova] (ukrayna). . 7 April 2015. 11 March 2022 tarixində . İstifadə tarixi: 19 October 2022.
8. "Лідія Олексіївна Бєлозьорова" [Lidia Oleksiivna Belozyorova] (ukrayna). . 2013. 27 November 2014 tarixində . İstifadə tarixi: 19 October 2022.
9. Dmytruk, Oksana. "Ушла в вечность народная артистка из Винницы Лидия Белозерова Актриса отдала 60 лет сцене" [Lidia Belozerova, People's Artist from Vinnitsa, Gone to Eternity The actress gave 60 years to the stage] (ukrayna). Depo.ua. 15 February 2022. 15 February 2022 tarixində . İstifadə tarixi: 19 October 2022.

Xarici keçidlər

• Лидия Белозёрова Arxiv surəti 25 iyul 2017 tarixindən (Wayback Machine) saytında