Kotavan Azərbaycan Respublikasının Ağdaş rayonunun Kotavan kənd inzibati ərazi dairəsində kənd Kür çayının sahilində şir

Kotavan — Azərbaycan Respublikasının Ağdaş rayonunun Kotavan kənd inzibati ərazi dairəsində kənd. Kür çayının sahilində, Şirvan düzündədir.

Kotavan


Ölkə	Azərbaycan
Rayon	Ağdaş rayonu
Tarixi və coğrafiyası
Mərkəzin hündürlüyü	6 m
Saat qurşağı
Rəqəmsal identifikatorlar
Poçt indeksi	AZ0320
Xəritəni göstər/gizlə Kotavan

Etimologiyası və tarixi

Kotavan kəndi 1913-cü ildə Gəncə quberniyasının inzibati-ərazi bölgüsünə görə Ərəş qəzasının Kotavan kənd cəmiyyətinə tabe idi .

Kənd 1926-cı ildə Azərbaycan SSR-in inzibati ərazi bölgüsünə görə Göyçay qəzasının Ləki dayağına tabe idi.

İnzibati bölgü islahatlarından və qəzalar ləğv edildikdən sonra 1929-cu ildə Azərbaycan SSR-in Ağdaş rayonunda Kotavan kənd soveti yaradıldı .

1961 və 1977-ci illərin inzibati ərazi bölgüsünə görə Kotavan kəndi Azərbaycan SSR Ağdaş rayonu Kotavan kənd Sovetinin tərkibində olmuşdur .

1999-cu ildə Azərbaycan Respublikasında inzibati islahat aparıldı və Ağdaş rayonunun Kotavan bələdiyyəsi yaradıldı .

Keçmişdən adını saxlayan kəndin əsasını "Qasımuşağı" nəsli qoymuşdur. Yerli əhalinin məlumatına görə, kənd əvvəlcə Qarabağda olmuş, XVIII əsrdə indiki yerə köçürülmüşdür. Hazırda Ağdam rayonunun "Boyəhmədli" və Bərdə rayonunun "Məşədi İbişli" kəndlərinin ərazisində Kotavan arxı adlı yer mövcuddur. Bəzi tədqiqlərə görə, kəndin adı qədim Türk tayfasının adından, yəni Kut və məkan bildirən -van şəkilçisindən ibarət olub (-i bitişdirici saitdir), "Kuti van" "Qut'ların yeri" mənasındadır.

Digər yanaşmaya görə Kür çayının tez-tez daşması ilə əlaqədar yerinin dəyişməsi, bəzən "Kür-tavan" şəklində adlandırılmasına səbəb olmuşdur.

A.Bakıxanov «Gülüstani-İrəm» əsərində keçmişdə kənddə möhkəm qalanın olduğunu yazırdı. İstər yazılı abidələrin, istərsə müasir monqol, buryat, uyğur dillərində xota/xotan/xoton/xot sözləri "Şəhər", "kənd", "Şəhər divarı" mənalarını ifadə edir. Van komponenti isə Qafqaz, Yaxın və Orta Şərq toponimiyasında "ev", "yer", "ölkə", "yaşayış məntəqəsi" və s. mənalarda işlənir. Odur ki, kəndin adını "kənd yeri", "yaşayış məskəni" kimi də izah etmək olar.

Şəhidləri

Birinci Qarabağ müharibəsi şəhidləri

Cəfərov Valeh Nurəddin oğlu (1973–1992)
Səfərov Rabil Qəfər oğlu (1974–1992)
Məmmədov Duman Xancan oğlu (1973–1993)
Allahverdiyev Qüdrət Hümmət oğlu (1973–1993)
Əhmədov Hamlet Məhəmməd oğlu (1962–1994)

İkinci Qarabağ müharibəsi şəhidləri

Kənan Hüseyn oğlu Məmmədov (17 iyul 1993; Ağdaş rayonu, Azərbaycan – 28 sentyabr 2020; Cəbrayıl rayonu, Azərbaycan)

Həmçinin bax

Kotavan (Ağdərə)

İstinadlar

Azərpoçt. "İndekslər" (az.). www.azerpost.az. 2016-04-19 tarixində arxivləşdirilib. İstifadə tarixi: 2016-04-19.
Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində (PDF). İstifadə tarixi: 2024-04-05.
"Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.

 3. A.A.Bakıxanov – Gülüstani-İrəm

Ağdaş rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.

[1] Azərpoçt. "İndekslər" (az.). www.azerpost.az. 2016-04-19 tarixində arxivləşdirilib. İstifadə tarixi: 2016-04-19.

[2] Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində (PDF). İstifadə tarixi: 2024-04-05.

[3] "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.