Kiyonori Kikutake yap 菊竹清訓 1 aprel 1928 Kurume d Fukuoka prefekturası 26 dekabr 2011 Yaponiya Metabolizm yapon memarlıq

Kiyonori Kikutake (yap. 菊竹清訓; 1 aprel 1928^[…], Kurume^[d], Fukuoka prefekturası – 26 dekabr 2011, Yaponiya) — Metabolizm yapon memarlıq cərəyanının banilərindən biri olan görkəmli yapon memarı. O Toyo İto və İtsuko Haseqava kimi bəzi mühüm yapon memarların ustadı və işəgötürəni olmuşdur.

Kiyonori Kikutake
yap. 菊竹清訓
Şəxsi məlumatlar
Doğum tarixi	1 aprel 1928(1928-04-01)^[…]
Doğum yeri	Kurume^[d], Fukuoka prefekturası, Yaponiya
Vəfat tarixi	26 dekabr 2011(2011-12-26)(83 yaşında)
Vəfat yeri	Yaponiya
Vətəndaşlığı	Yaponiya
Təhsili	Vaseda Universiteti
İşləri və nailiyyətləri
Mükafatları
Vikianbarda əlaqəli mediafayllar

Həyatı

Kikutake 1928-ci ildə Kurumedə (Yaponiya) anadan olmuş və 1950-ci ildə Vaseda Universitetini bitirmişdi.

Fəaliyyəti

Kikutake 1953-cü ildə özünün "Kikutake Architects" memarlıq akademiyasını açmışdır.

1958-ci ildə metabolizmin manifesti olan dörd dirək üzərində ucaldılmış bir otaqdan ibarət "Sky house" və ya "bir otağın evi"ni layihələşdirmiş və tikmişdi.

1959-cu ilin "Dəniz şəhəri" ("Marine Siti") layihəsi ona məşhurluq qazandırmışdı. Bu layihə 1960-cı ildə Tokyoda Kenzo Tangenin rəhbərliyi altında keçirilən Dünya Dizayn Konfransında bəyan edilmiş Metabolizm Manifestini formalaşdıran layihələrdən biri idi.

O, öz işini nümayiş etdirmək üçün Kisho Kurokava ilə yanaşı, 1961-ci ildə Nyü-Yorkda keçirilən "Vizyoner memarlıq" sərgisinə dəvət edilmişdi və bunun sayəsində metabolizm cərəyanı beynəlxalq səviyyədə tanınmışdı.

Metabolizm cərəyanının nümayəndəsi olsa da, Kikutake hesab edirdi ki, yapon metabolizmi qərb metabolizmindən yerli ənənəyə (o cümlədən, kağız kuklalar yaradılması ənənəsi) daha yaxın olması ilə seçilir.

1960-cı illərdən başlayaraq Kikutake şəhər mərkəzlərinin tikilməsinin yüksək sıxlığı problemini tədqiq edir və bu problemi həll edə biləcək hündür binaların layihələndirilməsi prinsipini işləyib hazırlayır. Məsələn, reallaşdırılmış "Habitat" layihəsində o özünün dəniz şəhərləri, hündür göydələnlərin və meqastrukturların bəzi prinsiplərini canlandırmışdır.

Kikutake vəfat edənədək memar kimi fəaliyyət göstərmişdi. O həm də Yaponiya Memarlıq İnstitutunun prezidenti və fəxri prezidenti olmuşdur.

Mükafatları

Kikutake bir çox yerli və beynəlxalq mükafatlara layiq görülmüşdür. Bu mükafatlar arasında Yaponiya Memarlıq Akademiyasının mükafatı (1970, UİA (Beynəlxalq Memarlar Birliyi) mükafatı (1978) və Ogüst Perre mükafatı da olmuşdur. Amerika Memarlar Assosiasiyasının (AİA) fəxri üzvü olmuşdur.

Layihələri

Edo-Tokyo Muzeyi, Kiyonori Kikutake tərəfindən layihələndirilmişdir

Səma evi (Sky House), Tokyo, 1958;
Marine Siti, 1958
Tatebayaşi Sülh Mərkəzi, 1963
Izumo məbədinin inzibati binası, 1963
Pasific Hotel (Çiqasaki), 1966
Miyakonojo Sülh Mərkəzi, 1966
Expo'70 sərgi mərkəzi (Osaka), 1969
Matsumi Tauer, 1976
Tanabe İncəsənət Muzeyi, 1979
Seiyo Hotel (Tokyo), 1987
Edo-Tokyo Muzeyi, 1993
Sofitel Hotel (Tokyo), 1994
Shimane İncəsənət Muzeyi, 1999
Milli Shoua Xatirə Muzeyi, 1999
Kyuşu Milli Muzeyi, 2005

Qalereya

Tatebayaşi Sülh Mərkəzi, 1963
Izumo məbədinin inzibati binası, 1963
Miyakonojo Sülh Mərkəzi, 1966
Expo'70 sərgi mərkəzi, 1970
Matsumi Tauer, 1976
Seiyo Hotel, 1987
Sofitel Hotel, 1994
Milli Shoua Xatirə Muzeyi, 1999

İstinadlar

Kikutake Kiyonori // Encyclopædia Britannica (ing.).
Bognar B. Kiyonori Kikutake // Kikutake, Kiyonori (ing.). // Grove Art Online / J. Turner [Oxford, England], Houndmills, Basingstoke, England, New York: OUP, 2017. doi:10.1093/GAO/9781884446054.ARTICLE.T046526
.
Лидия Адэр. Кионори Кикутаке- взгляд в будущее ^{[ölü keçid]}
"Kikutake Kiyonori Encyclopædia Britannica Online". 2015-04-28 tarixində . İstifadə tarixi: 2014-10-03.
"Киёнори Кикутаке". 2017-07-11 tarixində . İstifadə tarixi: 2014-10-02.
"Evolutionary Housescape: the Metabolist Sky House by Kiyonori Kikutake (1958)". 2021-12-01 tarixində . İstifadə tarixi: 2014-10-03.
. 2017-04-23 tarixində orijinalından arxivləşdirilib. İstifadə tarixi: 2014-10-03.
"Tectonic Visions Between Land & Sea: Works of Kiyonori Kikutake". 2008-05-09 tarixində . İstifadə tarixi: 2014-10-03.
"Кикутаке и Москва". 2021-10-22 tarixində . İstifadə tarixi: 2014-10-02.
"Ришат Муллагильдин. Легенда метаболизма". 2013-04-16 tarixində arxivləşdirilib. İstifadə tarixi: 2013-04-16.

Xarici keçidlər

K. Kikutake Architects 2012-01-19 at the Wayback Machine
Kiyonori Kikutake. The Telegraph
Marine City, 1958

[_641b26c582ecdaa9-1] Kikutake Kiyonori // Encyclopædia Britannica (ing.).

[_a5e69d347c956c13-2] Bognar B. Kiyonori Kikutake // Kikutake, Kiyonori (ing.). // Grove Art Online / J. Turner [Oxford, England], Houndmills, Basingstoke, England, New York: OUP, 2017. doi:10.1093/GAO/9781884446054.ARTICLE.T046526

[_b4433ed7778ed3cf-3] .

[Лидия_Адэр-4] Лидия Адэр. Кионори Кикутаке- взгляд в будущее ^{[ölü keçid]}

[Britannica-5] "Kikutake Kiyonori Encyclopædia Britannica Online". 2015-04-28 tarixində . İstifadə tarixi: 2014-10-03.

[archi-6] "Киёнори Кикутаке". 2017-07-11 tarixində . İstifadə tarixi: 2014-10-02.

[7] "Evolutionary Housescape: the Metabolist Sky House by Kiyonori Kikutake (1958)". 2021-12-01 tarixində . İstifadə tarixi: 2014-10-03.

[8] . 2017-04-23 tarixində orijinalından arxivləşdirilib. İstifadə tarixi: 2014-10-03.

[gsd-9] "Tectonic Visions Between Land & Sea: Works of Kiyonori Kikutake". 2008-05-09 tarixində . İstifadə tarixi: 2014-10-03.

[10] "Кикутаке и Москва". 2021-10-22 tarixində . İstifadə tarixi: 2014-10-02.

[11] "Ришат Муллагильдин. Легенда метаболизма". 2013-04-16 tarixində arxivləşdirilib. İstifadə tarixi: 2013-04-16.

Kiyonori Kikutake yap 菊竹 清訓 1 aprel 1928 Kurume d Fukuoka prefekturası 26 dekabr 2011 Yaponiya Metabolizm yapon memarlıq