Kamo Akvariumu 加茂水族館 Kamo Suizokukan Yaponiyanın Yamaqata prefekturasının şəhərində yerləşən akvarium Dünyada ən böyük m

Kamo Akvariumu (加茂水族館, Kamo Suizokukan) – Yaponiyanın Yamaqata prefekturasının şəhərində yerləşən akvarium. Dünyada ən böyük meduzariumudur. Dünyanın ən zəngin meduza kolleksiyasına malik yer kimi 2012-ci ildə Ginnesin Rekordlar Kitabına düşmüşdür.

Kamo Akvariumu
Akvarium 2018-ci ildə.
Açılma tarixi	1930
Yer	, Yamaqata, Yaponiya
Sayt	kamo-kurage.jp

Tarixi

1930-cu ildə Yamaqata Prefektura Akvariumu kimi açılmışdır. Populyar yerlərdən birinə çevrilən akvarium ildə 200 mindən çox ziyarətçi cəlb edirdi. 1960-cı illərin ikinci yarısında akvarium yeni binaya köçürülmüş və Kamo Akvariumu adı ilə yenidən açılmışdır. Lakin 1990-cı illərin ikinci yarısında ziyarətçi sayı 100 minə düşmüşdür.Asiya dırnaqsız samuru və digər populyar dəniz canlılarının sərgilənməsi əvvəlki populyarlığı qaytara bilmirdi.

2000-ci illərdə akvarium meduzaların sərgilənməsinə əhəmiyyət verməyə başladıqdan sonra yenidən tanınmağa başlanmışdır. 2003-cü ildə meduzaların çoxaldılması üçün Tsuruoka Meduza Laboratoriyası yaradılmışdır. 2014-cü ildə akvariumun yeni binası istifadəyə verilmiş, meduzalar üçün ayrılan sərgi hissəsinin ölçüsü iki dəfə artmışdır.

Xüsusiyyətlər

Akvariumun əsas görməli yeri burada fəaliyyət göstərən Kuraqe Arzu Teatrıdır. Burada 5 metr diametrə malik su çənində saxlanılan, Aurelia aurita növündən olan 10.000-dən çox meduzanın mənzərəsinə tamaşa etmək mümkündür. Akvariumun restoranında isə meduzadan hazırlanmış ramen təqdim olunur.Yapon dilində meduzaya "kuraqe" deyildiyi üçün akvarium Kuraqe muzeyi adı ilə də tanınır. Hər il 500 mindən çox insan akvariumu ziyarət edir.

Akvariumda 50-dən çox meduza növü saxlanılır və bu xüsusiyyətinə görə dünyada birincidir. Saxlanılan meduza növlərinə , , Cyanea capillata, kimi növlər daxildir. Bəzi meduza növləri daim yox, sadəcə xüsusi vaxtlarda sərgilənir. Burada meduzaların çoxaldılması ilə də məşğul olurlar. "Hər şey meduza haqqında" adlı sərgidə meduzaların inkişafı və böyüməsindən bəhs olunur. Ziyarətçilər bir günlük meduzaları müşahidə edə bilərlər. Akvariumun işçiləri meduzaların qidalanmasını və həyat tsikllarını başa salmaq üçün gündə 4 dəfə təqdimat verirlər. Akvariumda regionunun çay və göllərində yaşayan balıqlar, eləcə də, dəniz şirləri saxlanılır.

Qalereya

Aurelia aurita.
.
.
.
Öyrədici hissə.

İstinadlar

"World's largest Jellyfish aquarium!" (ingiliscə). City of Tsuruoka. 2022-08-17 tarixində arxivləşdirilib. İstifadə tarixi: 28 yanvar 2023.
"The Kamo Aquarium: A Yamagata Destination for Jellyfish Lovers". Nippon.com (ingiliscə). 20 may 2018. 23 July 2023 tarixində arxivləşdirilib. İstifadə tarixi: 28 yanvar 2023.
"The Jellyfish that Saved an Aquarium" (ingiliscə). İctimai Əlaqələr Ofisi (Yaponiya). aprel 2020. 28 yanvar 2023 tarixində arxivləşdirilib. İstifadə tarixi: 28 yanvar 2023.

Xarici keçidlər

kamo-kurage.jp — rəsmi saytı

[tsuruoka-1] "World's largest Jellyfish aquarium!" (ingiliscə). City of Tsuruoka. 2022-08-17 tarixində arxivləşdirilib. İstifadə tarixi: 28 yanvar 2023.

[nippon-2] "The Kamo Aquarium: A Yamagata Destination for Jellyfish Lovers". Nippon.com (ingiliscə). 20 may 2018. 23 July 2023 tarixində arxivləşdirilib. İstifadə tarixi: 28 yanvar 2023.

[ofis-3] "The Jellyfish that Saved an Aquarium" (ingiliscə). İctimai Əlaqələr Ofisi (Yaponiya). aprel 2020. 28 yanvar 2023 tarixində arxivləşdirilib. İstifadə tarixi: 28 yanvar 2023.