Fatma Mahmudova

Fatma Yaqub qızı Mahmudova (30 dekabr 1954, Ağdam rayonu) — azərbaycanlı aktrisa. Azərbaycan Respublikasının xalq artisti (2000).

Fatma Mahmudova
Fatma Yaqub qızı Mahmudova
Doğum tarixi	30 dekabr 1954(1954-12-30) (69 yaş)
Doğum yeri	Ağdam rayonu, Azərbaycan SSR, SSRİ
Milliyyəti	Azərbaycanlı
Vətəndaşlığı	Azərbaycan
Həyat yoldaşı	Tofiq Qarayev
Atası	Yaqub Mahmudov
Fəaliyyəti	aktrisa
Fəaliyyət illəri	1968-ci ildən
Təhsili	Azərbaycan Dövlət Mədəniyyət və İncəsənət Universiteti
Teatr	Ağdam Dövlət Dram Teatrı (1968-1993) Azərbaycan Dövlət Musiqili Komediya Teatrı (1994-günümüz)
Mükafatları	2000

Həyatı

Fatma Mahmudova 30 dekabr 1954-cü ildə Ağdam rayonunda anadan olub.Azərbaycan Dövlət Mədəniyyət və İncəsənət İnstitutununu bitirib. 1968-ci ildən Ağdam Dövlət Dram Teatrında aktrisa işləyib. Teatrın aparıcı aktrisalarından olan F. Mahmudova bu müddət ərzində bir çox özünəməxsus obrazlar yaratmağa nail olmuşdur. "Dağılan Tifaq"da Sona xanım, "Fərhad və Şirin"də Məryyəm, "Solğun çiçəklər"də Sara, "Qaçaq Nəbi"də Həcər, "Təhminə və Zaur"da Təhminə, "Qismət"də Ana və s. bu kimi obrazlar onu tamaşaçıların sevimlisinə çevirmişdir. Aktrisa 1987-ci ildə "Pirverdinin Xoruzu" filmində Həlimə roluna çəkilmişdir.

1989-cu ildə Azərbaycan SSR Əməkdar Artisti fəxri adına layiq görülmüşdür.

Ağdam rayonunun işğalı ilə bağlı Bakıda köçkün kimi yaşayan F. Mahmudova 1994-cü ildən taleyini Azərbaycan Dövlət Musiqili Komediya Teatrı ilə bağlamalı olmuşdur. Burada teatrın repertuarında olan tamaşaların əksəriyyətində rol alaraq bir sıra maraqlı obrazlar yarada bilmişdir. O, "On min dollarlıq keyf" tamaşasında Bağdagül, "Hərənin öz ulduzu"nda Xurma, "Bankir adaxlı"da ağuçu Gülbikə, "Birgünlük siğə"də Adilə Dudu, "Adamın adamı"nda At Balaxanım, "Məsmə xala dayımdır" əsərində Əsmər, "Şeytanın yubileyi"ndə Məryəm və s. rolların öhdəsindən bacarıqla gəlmişdir.

F. Mahmudova 2000-ci ildə Azərbaycan Respublikasının Xalq Artisti fəxri adına layiq görülb. Prezident təqaüdçüsüdür.

İki qız anasıdır. Kiçik qızı Nigar musiqi ilə məşğuldur.

Mükafatları

• Azərbaycan SSR əməkdar artisti — 1989
• Azərbaycan Respublikasının xalq artisti — 2000
• Azərbaycan Respublikası Prezidentinin fərdi təqaüdü — 2006

Filmoqrafiya

1. Pirverdinin xoruzu (film, 1987)
2. Güzgü (film, 1990)(II)
3. Olacağa çarə yoxdur (film, 2003)
4. Ərazi (film, 2005)
5. Məşədi İbad-94 (film, 2005)
6. Milli bomba (film, 2004)
8. -Gülxanım
9. Bəylik dərsi (film, 2007)
11. Yanmış körpülər (film, 2007)
12. Acılar bitməz (film, 2009) (tammetrajlı bədii film)-rol: qonşu
13. Bacanaqlar (film, 2009)
14. 21 sual (film, 2017) (tammetrajlı bədii film) (rol)

İstinadlar

1. "Fatma Mahmudova". 2021-11-15 tarixində . İstifadə tarixi: 2021-02-04.
2. . 2017-10-10 tarixində orijinalından arxivləşdirilib. İstifadə tarixi: 2017-08-04.
3. http://www.e-qanun.az/framework/535 2017-09-23 at the Wayback Machine
4. "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". 2023-01-12 tarixində . İstifadə tarixi: 2023-01-12.