Fariz İsmayılzadə

Fariz Akif oğlu İsmayılzadə (2 sentyabr 1978, Lənkəran) — Azərbaycan alimi və ictimai-siyasi xadimi, Azərbaycan Respublikası Milli Məclisinin VII çağırış deputatı, prorektoru (2006-cı ildən), İnkişaf və Diplomatiya İnstitutunun direktoru (2022-ci ildən).

Fariz İsmayılzadə
Azərbaycan Respublikası Milli Məclisinin VII çağırış deputatı
Vəzifədədir
23 sentyabr 2024-cü ildən
Seçki dairəsi	77 saylı Lənkəran şəhər
Şəxsi məlumatlar
Doğum tarixi	2 sentyabr 1978(1978-09-02) (46 yaş)
Doğum yeri	Lənkəran, Azərbaycan
Təhsili	Qərb Universiteti (1996–2000), Sent-Luis Vaşinqton Universiteti (2000–2002), IE Business School^[d] (2013–2015), Maastrixt Menecment Məktəbi^[d]
Fəaliyyəti	tədqiqatçı, diplomat
Təltifləri
Vikianbarda əlaqəli mediafayllar

Həyatı

Fariz Akif oğlu İsmayılzadə 2 sentyabr 1978-ci ildə Lənkəranda anadan olmuşdur. 1996–2000-ci ildə Qərb Universitetinin Beynəlxalq münasibətlər fakültəsinin politologiya ixtisası üzrə bakalavr, 2000–2002-ci illərdə ABŞ-nin Vaşinqton Universitetində sosial və iqtisadi inkişaf ixtisası üzrə magistr təhsili almış, hər iki təhsil müəssisəsini fərqlənmə diplomu ilə bitirmişdir. 2013–2015-ci illərdə İspaniyanın Madrid şəhərində yerləşən Beynəlxalq Biznes Məktəbində təhsil alaraq buranı "Ekzekyutiv MBA" ixtisasi üzrə bitirmiş, ardınca Niderlandın Maastrixt Menecment Məktəbində doktorantura üzrə təhsil alaraq 2021-ci ildə fəlsəfə doktoru elmi dərəcəsini almışdır.

Fariz İsmayılzadə 2003–2005-ci illərdə Beynəlxalq Miqrasiya Təşkilatında müxtəlif qısamüddətli layihələrdə koordinator və menecer vəzifələrində çalışmışdır. 2006-cı ildə prorektoru təyin edilmiş, beynəlxalq əlaqələr, 120 xarici universitet ilə mübadilə proqramları, ixtisasartırma proqramları, tədqiqat və sponsorluq layihələri, korporativ və hökumət tərəfdaşları ilə əlaqələr, marketinq və media əlaqələri sahələri üzrə kurator olmuşdur. Avropa İttifaqı üzrə Bilik Mərkəzinə, Xəzər Enerji və Ətraf Mühit Mərkəzinə və İnkişaf və Diplomatiya İnstitutuna rəhbərlik etmişdir.

Azərbaycan Respublikası Prezidentinin 18 aprel 2016-cı il tarixli Sərəncamına əsasən Fariz İsmayılzadə Dövlət İmtahan Mərkəzinin Direktorlar Şurasının üzvü təyin edilmişdir. Azərbaycan Milli Təhsil Strategiyası işçi qrupunun üzvü (2012-ci il), Azərbaycan Respublikasının işğaldan azad edilmiş ərazilərində məsələlərin mərkəzləşdirilmiş qaydada həlli ilə bağlı Əlaqələndirmə Qərargahının Elm, Təhsil və Mədəniyyət məsələləri üzrə İşçi Qrupunun üzvüdür.

Fariz İsmayılzadə 2024-cü ilin sentyabr ayında Azərbaycan Respublikası Milli Məclisinin VII çağırış deputatı seçilmişdir. Milli Məclisin Elm və təhsil komitəsi sədrinin müavinidir.

2024-cü il oktyabrın 8-də Azərbaycan - Böyük Britaniya və Şimali İrlandiya Birləşmiş Krallığı parlamentlərarası əlaqələr üzrə işçi qrupunun rəhbəri seçilib.

Elmi fəaliyyəti

Fariz İsmayılzadə "Baku Dialogies" elmi jurnalının redaktorudur. "Azad olunmuş Qarabağ" ("ADA" Universiteti, 2021), "Cənubi Qafqaz: Neft və geosiyasət" (Ceymstaun Fondu Nəşriyyatı, 2013), Qlobal "Siyasətdə Azərbaycan: Xarici siyasətin hazırlanması" ("ADA" Universiteti, 2009) adlı 3 kitabın redaktoru, "Rusiyanın Azərbaycandakı enerji maraqları" (2005) adlı monoqrafiyanın müəllifidir.

ABŞ və Avropanın müxtəlif nəşrlərində, o cümlədən Mərkəzi Asiya-Qafqaz İnstitutu, Ceymstaun Fondu, Eurasiaet.org, Rüblük Türk Siyasəti, Strateji Araşdırmalar Mərkəzinin (SAM) icmalında enerji təhlükəsizliyi və regional siyasət mövzusunda 300-dən çox müəllifidir. "Wilton Park", "Chatham House", NATO-nun Tədqiqat Təlimi, UCLA, Kolumbiya Universiteti, Fletçer Hüquq və Diplomatiya Məktəbi, Vyana Diplomatik Akademiyası, Moskva Dövlət Beynəlxalq Münasibətlər İnstitutu (MGIMO), "Science Po", Nazarbayev Universitetində konfranslarda çıxış məqalələri vardır.

Təltifləri

Azərbaycan Respublikası Prezidentinin 9 iyul 2019-cu il tarixli Sərəncamına əsasən Azərbaycan Respublikasının diplomatik xidmət orqanlarında səmərəli fəaliyyətinə görə ilə, 2019-cu ildə Azərbaycan Respublikası Xarici İşlər Nazirliyi tərəfindən ilə təltif edilmişdir.

Ailəsi

Sabiq deputat Hadi Rəcəblinin bacısı oğludur.

İstinadlar

1. "Fariz İsmayılzadə". wcu.edu.az. 2024-08-14 tarixində arxivləşdirilib. İstifadə tarixi: 14 avqust 2024.
2. "Biographies of speakers" (PDF). ada.edu.az. 2024-07-10 tarixində arxivləşdirilib (PDF). İstifadə tarixi: 14 avqust 2024.
3. "Dr. Fariz Ismailzade". idd.az. 2024-08-14 tarixində arxivləşdirilib. İstifadə tarixi: 14 avqust 2024.
4. "Azərbaycan Respublikasının Dövlət İmtahan Mərkəzi publik hüquqi şəxsin Direktorlar Şurasının tərkibinin təsdiq edilməsi haqqında Azərbaycan Respublikası Prezidentinin Sərəncamı". e-qanun.az. 18 aprel 2016. 2024-08-14 tarixində arxivləşdirilib. İstifadə tarixi: 14 avqust 2024.
5. "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.
6. "Azərbaycan Respublikasının diplomatik xidmət orqanları əməkdaşlarının təltif edilməsi haqqında Azərbaycan Respublikası Prezidentinin Sərəncamı". president.az. 9 iyul 2019. 2023-08-14 tarixində arxivləşdirilib. İstifadə tarixi: 14 avqust 2024.
7. "Hadı Rəcəblinin bacısı oğlu namizəd oldu". 2024-09-02 tarixində arxivləşdirilib. İstifadə tarixi: 2024-09-02.