Esays van de Velde nid Esaias van de Velde 17 may 1587 Amsterdam Hollandiya qraflığı 18 noyabr 1630 Haaqa Van de Velde a

Esays van de Velde (nid. Esaias van de Velde; 17 may 1587, Amsterdam, Hollandiya qraflığı – 18 noyabr 1630, Haaqa) — Van de Velde ailəsindən olan holland rəssamı və qravüraçısı.

Esays van de Velde
nid. Esaias van de Velde
"Bərə keçidi", 1622, Reyksmüzyem, Amsterdam
Doğum tarixi	17 may 1587(1587-05-17)
Doğum yeri	Amsterdam, Hollandiya qraflığı, Yeddi Birləşmiş Əyalət Respublikası
Vəfat tarixi	18 noyabr 1630(1630-11-18)(43 yaşında)
Vəfat yeri	Haaqa, Hollandiya qraflığı, Yeddi Birləşmiş Əyalət Respublikası
Fəaliyyəti	rəssam, rəssam-qravüraçı^[d], qrafika ustası^[d]
Janr	peyzaj
Vikianbarda əlaqəli mediafayllar

Həyatı

Antverpenli rəssam Hans van de Veldenin oğlu Esays 17 may 1587-ci ildə vəftiz olunub. Dövrün məşhur rəssamları Qilis van Koninqslo və David Vinkbunsun yanında təhsil alıb. 1612-ci ildə Müqəddəs Luka Gildiyasının ustası olub. Haarlemdə cəmi bir neçə il işləsə də, 1610-cu ildən 1618-ci ilə qədər Esays van de Velde Hollandiya mənzərəsinə yeni, emosional aspekt təqdim edən Haarlem rəssamlıq məktəbinin nümayəndəsi hesab olunur. Ayrı-ayrı insan fiqurları olan mənzərələrdən əlavə, Esays vedata və məişət janrında rəsmlər çəkib.

Esays van de Veldenin sonrakı işi kompozisiyaları və parlaq rəngləri ilə seçilir. Rəssam bir çox döyüş rəssamları nəsilləri üçün örnək olan süvari döyüşlərini, döyüş səhnələri və duelləri üslubunda olan batal janrında rəsmlər çəkmişdir. O, Oranj şahzadələri (Hollandiya monarxları) Moritz və Frederik Henrinin saray rəssamı idi.

Esays van de Velde öz məktəbini yaradaraq, özündən sonra dərin iz qoymuşdur. Onun tələbələri arasında Yan van Qoyen, Piter de Nijn, Yan Asselin, Piter van Layer və başqaları olub. Esays van de Velde tərəfindən hazırlanmış çoxlu sayda qravür günümüzə qədər gəlib çatmışdır. 18 noyabr 1630-cu ildə Haaqada vəfat edərək dəfn edilmişdir.

Qalereya

Şəhərin mərkəzi meydanında qış əyləncəsi. 1618-ci il. Köhnə Pinakotek. Münhen
Qışda ferma. Esays van de Velde, 1624-cü il.
Qız mənzərəsi. 1623-cü il. London Milli Qalereyası. London
Zirikseyə mənzərə.
Gecə alov içində kənd, yağlı boya, 1620-ci il
Döyüş səhnəsi. Ermənistan Milli Rəsm Qalereyası

İstinadlar

Esaias van de Velde // Store norske leksikon (бук.). 1978. ISSN 2464-1480
The Fine Art Archive. 2003.
Robinson, William W. Drawings from the Age of Bruegel, Rubens, and Rembrandt: Highlights from the collection of the Harvard Art Museums. Cambridge, Mass.: Harvard Art Museums. 2016. 293. ISBN .
Esaias Vanden Velde biography in De Groote schouburgh der Nederlantsche konstschilders en schilderessen (1718) by en:Arnold Houbraken, courtesy of the en:Digital library for Dutch literature
Коллектив авторов, 1999

Ədəbiyyat

А. Плюшар. en:Энциклопедический лексикон, том 8. — Типография А. Плюшара; С.-П., 1837 — с. 222 (Ванденвельде, Исаія).
Коллектив авторов. Европейская живопись XIII—XX вв. Энциклопедический словарь. Российская академия художеств. М.: NOTA BENE, Искусство. 1999. ISBN .

Xarici keçidlər

Biography and painting
Works and literature on Esaias van de Velde
Velde (van de Velde), Dutch painters family
Vermeer and The Delft School, a full text exhibition catalog from The Metropolitan Museum of Art, which contains material on Esaias van der Velde

[_19c69a2b866f1fc9-1] Esaias van de Velde // Store norske leksikon (бук.). 1978. ISSN 2464-1480

[_63296cd96ab6170b-2] The Fine Art Archive. 2003.

[:0-3] Robinson, William W. Drawings from the Age of Bruegel, Rubens, and Rembrandt: Highlights from the collection of the Harvard Art Museums. Cambridge, Mass.: Harvard Art Museums. 2016. 293. ISBN .

[4] Esaias Vanden Velde biography in De Groote schouburgh der Nederlantsche konstschilders en schilderessen (1718) by en:Arnold Houbraken, courtesy of the en:Digital library for Dutch literature

[FOOTNOTEКоллектив_авторов1999-5] Коллектив авторов, 1999