Elman Əsgərov

Elman Əsgərov (13 sentyabr 1975) — Azərbaycanı təmsil edən sərbəst güləşçi.

Elman Əsgərov
Şəxsi məlumatlar
Tam adı	Elman Əsgərov
Vətəndaşlığı	Azərbaycan
Doğum tarixi	13 sentyabr 1975(48 yaş)
Doğum yeri	Bakı, Azərbaycan SSR, SSRİ
Boyu	170 sm. (5 ft 6 in)
İdman növü	Güləş
Karyera illəri	1990—2006
Medallar Avropa Çempionatı Gümüş 2002 Azərbaycan 66 Kq. Gümüş 66 Kq.

Karyerası

1993-cü ildə gənclər arasında Avropa Çempionatını yeddinci pillədə başa vurmaqla beynəlxalq turnirlərdə debüt edən Elman Əsgərov birinci uğuruna 1996-cı ildə Tehran şəhərində (İran) tələbələr arasında Dünya Çempionatının bürünc medalına sahib olmaqla imza atdı.

1998-ci ildə Dünya Çempionatını 11-ci pillədə başa vuran Elman Əsgərov daha 1999-cu ildə Avropa Çempionatını 5-ci, Dünya Çempionatını isə 10-cu pillədə başa vurdu.

Elman Əsgərov 2000-ci ildə Dünya Olimpiya Təsnifat Turnirində 11-ci pillənin sahibi oldu və olimpiya lisenziyasına sahib ola bilmədi. Növbəti illərdə Elman Əsgərov 2000-ci ildə Avropa Çempionatında 8-ci, 2002-ci ildə isə Avropa Çempionatında 8-ci və Dünya Çempionatında 5-ci pillələrin sahibi oldu.

2002-ci ilin mayında Elman Əsgərov Azərbaycanda baş tutan Avropa Çempionatının final görüşündə Rusiya nümayəndəsi Zaur Botayeva məğlub olmaqla turnirin gümüş medalına sahib oldu. Daha sonra Elman Əsgərov 2002-ci ildə Dünya Çempionatını 12-ci, 2003-cü ildə isə 22-ci pillələrdə başa vurdu.

2004-cü ildə Bolqarıstanda Dünya Olimpiya Təsnifat Turnirinin gümüş medalına sahib olan Elman Əsgərov olimpiya lisenziyasına sahib oldu. Elman Əsgərov olimpiadadan əvvəl Almaniya Qran-Prisinin qalibi oldu.

Elman Əsgərov Azərbaycanı 2004-cü ildə Afina şəhərində (Yunanıstan) baş tutan XXVIII Yay Olimpiya Oyunlarında təmsil elədi. Elman Əsgərov qrup mərhələsinin birinci görüşündə Moldova nümayəndəsi Ruslan Bodișteanu ilə üz-üzə gəldi. Həmin görüşdə Elman Əsgərov rəqibinə 8:4 hesabı ilə qalib gəldi. Qrup mərhələsinin sonuncu turunda Elman Əsgərov Birləşmiş Ştatlar nümayəndəsi Camil Kelli ilə üz-üzə gəldi. Həm Əsgərov, həm də Kelli qrup mərhələsinin birinci görüşlərində qələbə qazanmışdı və növbəti mərhələyə vəsiqə qazanacaq güləşçi məhz bu görüşdə məlum olacaqdı. Gərgin idman mübarizəsi şəraitində baş tutan görüşdə Elman Əsgərov rəqibinə 2:4 hesabı ilə məğlub oldu və olimpiada da mübarizəsini başa vurdu.

Olimpiadadan sonra Elman Əsgərov 2005-ci ilin aprelində Varna şəhərində (Bolqarıstan) baş tutan Avropa Çempionatında mübarizə apardı və final görüşündə Bolqarıstan nümayəndəsi Serafim Barzağova məğlub olaraq turnirin gümüş medalına sahib oldu.

2005-ci ildə Dünya Çempionatını 30-cu pillədə başa vuran Elman Əsgərov 2006-cı ildə Qızıl Qran-Pri beynəlxalq turnirini dördüncü, Dünya Çempionatını isə yeddinci pillədə başa vurdu. 2006-cı ildə idmanla vidalaşdı.

Nəticələri

Sıra	İl	Yarış	Ev sahibi	Nəticə
1	1993	Gənclərin Avropa Çempionatı	Avstriya	7.
2	1996	Tələbələrin Dünya Çempionatı	İran	3.
3	1998	Dünya Çempionatı	İran	11.
4	1999	Avropa Çempionatı	Belarus	5.
5		Dünya Çempionatı	Türkiyə	10.
6	2000	Dünya Olimpiya Təsnifat Turniri	Almaniya	11.
7		Avropa Çempionatı	Macarıstan	8.
8	2001	Avropa Çempionatı	Macarıstan	8.
9		Dünya Çempionatı	Bolqarıstan	5.
10	2002	Avropa Çempionatı	Azərbaycan	2.
11		Dünya Çempionatı	İran	12.
12	2003	Dünya Çempionatı	ABŞ	22.
13	2004	Dünya Olimpiya Təsnifat Turniri	Slovakiya	7.
14		Dünya Olimpiya Təsnifat Turniri	Bolqarıstan	2.
15		Almaniya Qran-Prisi	Almaniya	1.
16		Olimpiya Oyunları	Yunanıstan	12.
17	2005	Avropa Çempionatı	Bolqarıstan	2.
18		Dünya Çempionatı	Macarıstan	30.
19	2006	Qızıl Qran-Pri	Azərbaycan	4.
20		Dünya Çempionatı	Çin	7.

İstinadlar

1. Olympedia.org. "Elman ƏSGƏROV". www.olympedia.org (ingilis). 2022-08-30. 2022-05-30 tarixində . İstifadə tarixi: 30.08.2022.
2. International Wrestling Database. "ELMAN ASGAROV". www.iat.uni-leipzig.de (ingilis). 2022-08-04. 2022-05-15 tarixində . İstifadə tarixi: 02.08.2022.
3. Olympedia.org. "2004 Summer Olympics / Wrestling / Welterweight / Freestyle (66 Kilograms) / Men". www.olympedia.org (ingilis). 2022-08-30. 2022-05-11 tarixində . İstifadə tarixi: 30.08.2022.