Eldar İsgəndərov

Eldar Hüseyn oğlu İsgəndərov (30 avqust 1950, Bakı) — Azərbaycan violonçelçalanı, İstanbul Universiteti Dövlət Konservatoriyasının professoru, Azərbaycan Respublikasının xalq artisti (2005).

Eldar İsgəndərov
Ümumi məlumatlar
Digər adı	Eldar İskəndərov
Doğum tarixi	30 avqust 1950(73 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan Türkiyə
Atası	Hüseyn İsgəndərov
Musiqiçi məlumatları
Fəaliyyəti	musiqiçi, pedaqoq
Fəaliyyət illəri	1969-cu ildən
Musiqi aləti	violonçel
Mükafatları	2005 2005

Həyatı

Xarici şəkil
	Xalq artisti Eldar İsgəndərov

Eldar Hüseyn oğlu İsgəndərov 1950-ci ildə Bakı şəhərində anadan olmuşdur. Atası Hüseyn İsgəndərov Azərbaycan Kommunist Partiyası Mərkəzi Komitəsinin katibi və Azərbaycan SSR avtomobil nəqliyyatı naziri işləmiş, anası Suğra Qayıbova isə ilk azərbaycanlı neftçi-mühəndis qadınlardan olmuş, ilə təltif edilmişdir.

Eldar İsgəndərov 1957–1968-ci illərdə əvvəlcə Vladimir Anşeleviçin, iki il sonra isə İsaak Turiçin sinfində violonçel ixtisası üzrə təhsil almışdır. 1968–1973-cü illərdə Azərbaycan Dövlət Konservatoriyasında Sabir Əliyevin sinfində təhsilini davam etdirmişdir. Burada ikinci kursda oxuyarkən, 1969-cu ildə musiqi ifaçılarının üçüncü Zaqafqaziya müsabiqəsinin diplomantı və laureatı adına layiq görülmüş, violonçel ifaçılarının üçüncü ümumittifaq müsabiqəsində fəxri fərmanla təltif edilmişdir.

Eldar İsgəndərov 1973-cü ildən Azərbaycan Dövlət Akademik Opera və Balet Teatrının simfonik orkestrində işləmişdir. 1975–1977-ci illərdə Moskva Dövlət Konservatoriyasında assistent-stajorluq üzrə professor Tatyana Primenkonun violonçel sinfində təhsil almışdır. Tam ali təhsilini bitirdikdən sonra Azərbaycan Dövlət Konservatoriyasına pedaqoq kimi çalışmağa dəvət olunmuşdur.

1981-ci ildə Eldar İsgəndərov ali təhsil tələbələrinin ümumittifaq yaradıcılıq festivalının fəxri fərmanına layiq görülmüşdür. Həmin il Lvovda, 1988-ci ildə isə Tbilisidə ixtisasartırma kvalifikasiya kursları keçmişdir. Tezliklə məşhurlaşan Eldar İsgəndərov bir çox Azərbaycan bəstəkarları ilə əməkdaşlıq etmiş, bir sıra əsərlərin yazılmasında yaxından iştirak etmiş və onların ilk ifaçısı, redaktoru və interpretatoru olmuşdur.

Təltif və mükafatları

• "Azərbaycan Respublikasının xalq artisti" fəxri adı — 16 sentyabr 2005^([⇨])
• "Azərbaycan Respublikasının əməkdar artisti" fəxri adı — 17 may 1991^([⇨])

İstinadlar

1. Tahirə Mustafayeva. Azərbaycanda milli violonçel sənətinin yaranmasına dair (dərs vəsaiti). Bakı. 2019. səh. 71–78.

Xarici keçidlər

• "Eldar İskenderov". kugusanat.com (türk). 26 may 2022 tarixində . İstifadə tarixi: 26 may 2022.
• "Быть музыкантом - такое счастье!". kaspiy.az (rus). 2 августа 2015. 26 may 2022 tarixində . İstifadə tarixi: 26 may 2022.
• "Эльдар Искендеров: «Человек - существо ненасытное, и я не исключение»". news.day.az (rus). 25 сентября 2009. 26 may 2022 tarixində . İstifadə tarixi: 26 may 2022.
• "Niyazinin mənzil - muzeyində Xalq artisti Eldar İsgəndərovla görüş keçirilib". Azərbaycan Respublikasının Mədəniyyət Nazirliyi. 6 fevral 2019. 26 may 2022 tarixində . İstifadə tarixi: 26 may 2022.
• "Qəbələdə tamaşaçılar klassik musiqi konsertlərinə həvəslə gəlirlər". Azərbaycan Dövlət İnformasiya Agentliyi. 27 iyul 2014. 26 may 2022 tarixində . İstifadə tarixi: 26 may 2022.