Elşad Abdullayev 25 sentyabr 1954 Kürdəmir rayonu Hüquq elmləri doktoru professor Azərbaycanda Gülərgeyt kimi adlanan Gü

Elşad Abdullayev (25 sentyabr 1954, Kürdəmir rayonu) — Hüquq elmləri doktoru, professor, Azərbaycanda Gülərgeyt kimi adlanan Gülər Əhmədova olayının əsas təşkilatçısı.

Elşad Abdullayev
Müstəqil Xalq Partiyası sədrinin müavini
– 2021
Sədr	Əflan İbrahimov
Azərbaycan Beynəlxalq Universitetinin rektoru
11 oktyabr 1997 – 1 sentyabr 2010
Əvvəlki	Vəzifə təsis edildi.
Sonrakı	Vəzifə ləğv edildi.
Şəxsi məlumatlar
Doğum tarixi	25 sentyabr 1954(1954-09-25) (69 yaş)
Doğum yeri	Kürdəmir rayonu, Azərbaycan SSR, SSRİ
Partiya	Yeni Azərbaycan Partiyası (–2012)
Təhsili	Bakı Dövlət Universitetinin Hüquq fakültəsi (1974–1979)
Fəaliyyəti	tədqiqatçı
Elmi fəaliyyəti
Elm sahəsi	hüquq
Elmi dərəcəsi	hüquq elmləri doktoru^[d]
Elmi adı	professor

Həyatı

Elşad Abdullayev 1954-cü il sentyabrın 25-də Kürdəmir rayonunda anadan olub. 1961-ci ildə 1 saylı orta ümumtəhsil məktəbinə getmiş, 1971-ci ildə həmin məktəbi bitirmişdir.

1974-cü ildə BDU-nun Hüquq fakültəsinə qəbul olub, 1979-cu ildə isə həmin fakültəni fərqlənmə ilə bitirmişdir. 1985-ci ildə Moskvada namizədlik dissertasiyasını müdafiə etmişdir. 1995-ci ildən BDU-nun "Konstitusiya hüququ" kafedrasının dosenti olmuşdur. 2000-ci ildə Moskvada doktorluq dissertasiyasını müdafiə etmişdir. 2004-cü ildən BDU-nun "Konstitusiya hüququ" kafedrasının professoru olmuşdur.

23 aprel 2004-cü ildə RTA-nın ümumi iclasında Rusiya Dövlət Təhsil Akademiyasının üzvü seçilmişdir. 2005-ci ildə AR Təhsil Nazirinin sərəncamı ilə "Qabaqcıl Təhsil işçisi" döş nişanı ilə təltif olunmuşdur. 2006-cı ildə Moskvadakı Pedaqoji və Sosial Elmlər Akademiyasının akademiki seçilmişdir. 2007-ci ildə professoru seçilmişdir. 2007-ci ildə Avropa Rektorlar Klubuna üzv seçilmişdir. 2007-ci ildə Sokrat adına Beynəlxalq mükafata layiq görülmüşdür. 4 dekabr 2008-ci ildə Rusiya Hüquq Elmləri Akademiyasının həqiqi üzvü, akademiki seçilmişdir. 2009-cu ildə AR Prezidenti Yanında Ali Attestasiya Komissiyasının Hüquq Ekspert Şurasının sədri seçilmişdir.

Yeni Azərbaycan Partiyasının I, II, III qurultaylarının nümayəndəsi olmuşdur.

Ailəlidir, 3 övladı var.

Gülər Əhmədova olayı

Əsas məqalə: Gülər Əhmədova olayı

Elşad Abdullayevin yayımladığı ilk video çəkiliş Azərbaycan Respublikası Milli Məclisinin deputatı Gülər Əhmədova ilə bağlı olmuşdur.

Gizli video çəkilişlər

Elşad Abdullayev 25 sentyabr 2012-ci il tarixdən etibarən MTN -də işləyən qaynı polkovnik Mustafa Əhmədovun tapşırıgıyla Azərbaycan Respublikasının müxtəlif vəzifəli şəxslərlə görüşlərində gizli yolla çəkilmiş videoları internetdə yayımlamağa başladı. Həmin videoların bəziləri üzrə cinayət işləri açılmış, müxtəlif şəxslər həbs edilmiş və ya tutduğu vəzifədən azad edilmişdir.

Cinayət işi başlanması

28 sentyabr 2012-ci ildə videoçəkilişlərdə əks olunan məlumatlar Bakı şəhər prokurorluğunda araşdırılmışdır. Qeyd edilən audio və videoyazılarda dələduzluğun, yəni etibardan sui-istifadə etmə yolu ilə özgə əmlakını ələ keçirmənin əlamətləri olduğundan həmin məlumatların hərtərəfli, tam və obyektiv araşdırılmasını təmin etmək məqsədilə çoxsaylı təxirəsalınmaz istintaq və istintaq-əməliyyat tədbirlərinin keçirilməsinin zəruriliyini nəzərə alaraq toplanmış material üzrə Cinayət Məcəlləsinin 178.3.2-ci (etibardan sui-istifadə etməklə özgənin külli miqdarda əmlakını ələ keçirmə) maddəsi ilə cinayət işi başlanmışdır.

Deputat mandatından imtina

Elə həmin gün Gülər Əhmədova deputat mandatının ləğv olunması üçün Azərbaycan Respublikası Milli Məclisinin rəhbərliyinə müraciət edir. 3 oktyabr 2012-ci il tarixində Azərbaycan Respublikasının Mərkəzi Seçki Komissiyasının bu məsələyə dair keçirilmiş iclasında 34 saylı Xətai ikinci seçki dairəsindən Azərbaycan Respublikası Milli Məclisinə deputat seçilmiş Gülər Mikayıl qızı Əhmədovanın mandatından imtina barədə verdiyi ərizəyə baxılmış, onun mandatının ləğv olunması barədə qərar çıxarılmışdır.

Yeni Azərbaycan Partiyasının münasibəti

Həm Elşad Abdullayevin, həm də Gülər Əhmədovanın iqtidarda olan Yeni Azərbaycan Partiyasının üzvü olması, olayın əsas diqqətçəkən məqamlarından biridir. Yeni Azərbaycan Partiyasının Sədr müavini — İcra katibi, millət vəkili Əli Əhmədov baş verən hadisə ilə bağlı belə demişdir:

"Gülər Əhmədova Yeni Azərbaycan Partiyasını Milli Məclisdə təmsil etməyə mənəvi haqqını itirib. Yeni Azərbaycan Partiyasının hər bir üzvünün mövqeyi, məhz, belədir."

Müxalifətin münasibəti

Baş verənlərlə bağlı olaraq oktyabrın 13-də Bakının keçmiş Əzizbəyov heykəlinin qarşısından Parlament prospekti ilə Milli Məclisin qarşısınadək yürüş keçirilməsi məqsədilə paytaxt meriyasına müraciət etmiş, lakin Bakı Şəhər İcra Hakimiyyəti onlara 20-ci sahədə mitinq keçirmək üçün razılıq vermişdir. Bakı Şəhər İcra Hakimiyyətinin təklifini qəbul etməmiş və müxaliflər oktyabrın 20-si saat 15-də Fəvvarələr Meydanında "Parlament buraxılsın" şüarı ilə mitinq keçirməyi qərara almışdır.

İstinadlar

. 2014-04-26 tarixində orijinalından arxivləşdirilib. İstifadə tarixi: 2014-01-08.
Azərbaycan Respublikası Baş Prokurorluğunun Mətbuat xidmətinin 28 sentyabr 2012-ci il tarixli məlumatı. genprosecutor.gov.az 2016-03-04 at the Wayback Machine (az.)
"Gülər Əhmədova deputat mandatından imtina edir... azadliq.org". 2016-03-03 tarixində . İstifadə tarixi: 2014-01-08.
DEPUTAT MİLLİ MƏCLİSİN SƏDRİNƏ MÜRACİƏT ÜNVANLAMIŞDIR. meclis.gov.az 2016-03-05 at the Wayback Machine (az.)
Gülər Əhmədovanın mandatı alındı. musavat.com ^{[ölü keçid]}
"Azərbaycan Respublikası IV çağırış Milli Məclisin deputatı Gülər Mikayıl qızı Əhmədovanın deputat mandatından məhrum edilməsi barədə" Azərbaycan Respublikası Mərkəzi Seçki Komissiyasının 3 oktyabr 2012-ci il tarixli, 4/13 nömrəli Qərarı. e-qanun.az ^{[ölü keçid]} (az.)
YAP-ın Sədr müavini: "Gülər Əhmədova Yeni Azərbaycan Partiyasını Milli Məclisdə təmsil etməyə mənəvi haqqını itirib". yeniazerbaycan.com 2021-06-13 at the Wayback Machine (az.)
"İctimai Tədbir: Parlament buraxılsın". 2019-10-06 tarixində . İstifadə tarixi: 2020-12-14.

Xarici keçidlər

Deputat Gülər Əhmədova onu rüşvətdə ittiham edən videonu montaj adlandırır
Abdullayev Elşad İslam oğlu 2013-04-25 at the Wayback Machine

[1] . 2014-04-26 tarixində orijinalından arxivləşdirilib. İstifadə tarixi: 2014-01-08.

[2] Azərbaycan Respublikası Baş Prokurorluğunun Mətbuat xidmətinin 28 sentyabr 2012-ci il tarixli məlumatı. genprosecutor.gov.az 2016-03-04 at the Wayback Machine (az.)

[3] "Gülər Əhmədova deputat mandatından imtina edir... azadliq.org". 2016-03-03 tarixində . İstifadə tarixi: 2014-01-08.

[4] DEPUTAT MİLLİ MƏCLİSİN SƏDRİNƏ MÜRACİƏT ÜNVANLAMIŞDIR. meclis.gov.az 2016-03-05 at the Wayback Machine (az.)

[5] Gülər Əhmədovanın mandatı alındı. musavat.com ^{[ölü keçid]}

[6] "Azərbaycan Respublikası IV çağırış Milli Məclisin deputatı Gülər Mikayıl qızı Əhmədovanın deputat mandatından məhrum edilməsi barədə" Azərbaycan Respublikası Mərkəzi Seçki Komissiyasının 3 oktyabr 2012-ci il tarixli, 4/13 nömrəli Qərarı. e-qanun.az ^{[ölü keçid]} (az.)

[7] YAP-ın Sədr müavini: "Gülər Əhmədova Yeni Azərbaycan Partiyasını Milli Məclisdə təmsil etməyə mənəvi haqqını itirib". yeniazerbaycan.com 2021-06-13 at the Wayback Machine (az.)

[8] "İctimai Tədbir: Parlament buraxılsın". 2019-10-06 tarixində . İstifadə tarixi: 2020-12-14.