Dəyanət Rzayev

Dəyanət Rzayev (5 avqust 1971, Bakı – 25 yanvar 2017, Bakı) — Azərbaycan psixoloqu. Dəyanət Rzayev yerli mediada tez-tez intiharlara dair ekspert rəyləri ilə çıxış edib, insanları intihardan çəkindirirdi.

Dəyanət Rzayev
Doğum tarixi	3 avqust 1971
Doğum yeri	Bakı, Azərbaycan SSR
Vəfat tarixi	25 yanvar 2017 (45 yaşında)
Vəfat yeri	Bakı, Azərbaycan
Vəfat səbəbi	intihar
Fəaliyyəti	psixoloq

Həyatı

Dəyanət Rzayev 3 avqust 1971-ci ildə anadan olub. İlk ali təhsili pedoqoji psixologiya, ikinci ali təhsili isə Bədən Tərbiyəsi İnstitutunda bakalavr və idman psixologiyası üzrə magistr dərəcəsi olmuşdur. 1990-cı illərdə futbol üzrə Azərbaycan milli komandasının psixoloqu olub və futbolçularla çalışıb. Sonradan Azərbaycanda ən böyük psixoloji mərkəzlərdən biri "Psixoterapiya Mərkəzi"ni yaratmışdır. Amerika və Avropa Psixoloji Müşavirə Assosiasiyasının üzvü idi.

Dəyanət Rzayev evli və 3 uşaq atası idi. Həyat yoldaşı ilə ölümündən bir müddət əvvəl ayrılmışdı.

Ölümü

Onun cəsədi 2017-ci il yanvarın 25-də axşam saatlarında Bakının Yasamal rayonunda yerləşən evində aşkarlanıb. Psixoloq xeyli müddət depressiyada olub. O, son bir neçə günü də evində tək keçirib. İş yoldaşlarına xəstə olduğunu, işə gələ bilməyəcəyini bildirib. O, öz yaşadığı evdə kəmərlə boğulu halda tapılıb. İntihardan geriyə heç bir iz buraxmayıb. Biləcəri qəbiristanlığında dəfn edilmişdir.

İstinadlar

1. "Psixoterapevt Dəyanət Rzayevin intihar etdiyi xəbər verilir". www.azadliq.org. www.azadliq.org. 2021-10-25 tarixində . İstifadə tarixi: 26 yanvar 2017.
2. "Arxivlənmiş surət". 2017-01-28 tarixində . İstifadə tarixi: 2017-01-26.
3. "Arxivlənmiş surət". 2023-07-08 tarixində . İstifadə tarixi: 2017-01-26.
4. . news.lent.az. news.lent.az. 2017-01-26 tarixində orijinalından arxivləşdirilib. İstifadə tarixi: 26 yanvar 2017.
5. . apa.az. apa.az. 2017-01-28 tarixində orijinalından arxivləşdirilib. İstifadə tarixi: 26 yanvar 2017.