Dövlət Bayrağı Meydanı Bakı şəhərinin Bayıl sahəsində yerləşən memorial abidə istirahət parkı Meydanın açılışı 2010 cu i

Dövlət Bayrağı Meydanı — Bakı şəhərinin Bayıl sahəsində yerləşən memorial abidə-istirahət parkı. Meydanın açılışı 2010-cu ilin sentyabrın 1-də keçirilmişdir. 2024- cü ildə yeni bayraq dirəyinin quraşdırılma prosesi aparılır.

Dövlət Bayrağı Meydanı

Ümumi məlumatlar
Ölkə	Azərbaycan
Rayon	Səbail rayonu

Tarixi

Bakıda Dövlət Bayrağı meydanının yaradılması barədə sərəncam 2007-ci il noyabrın 17-də imzalanıb. Eyni zamanda, Dövlət Bayrağı Gününün təsis edilməsi haqqında sərəncam imzalanıb. Hər il 9 noyabr Azərbaycanda Dövlət Bayrağı Günü kimi qeyd olunur.

Dövlət Bayrağı meydanının təməli 2007-ci il dekabrın 30-da Bakının — Hərbi Dəniz Qüvvələrinin bazası yaxınlığında prezident İlham Əliyevin iştirakı ilə qoyulub.

2009-cu ilin oktyabr ayında Azərbaycan Respublikasının Prezidenti İlham Əliyev "Bakı şəhərində yerləşən Dövlət Bayrağı meydanında tikinti-quraşdırma və abadlaşdırma işlərinin sürətləndirilməsi üçün əlavə tədbirlər" haqqında sərəncam imzaladı. Meydanda tikinti-quraşdırma və abadlaşdırma işlərinin sürətləndirilməsi üçün Azərbaycan Respublikasının 2009-cu il üçün dövlət büdcəsində nəzərdə tutulmuş Prezidentin Ehtiyat Fondundan Bakı Şəhər İcra Hakimiyyətinə 10 mln. manat əlavə vəsait ayrıldı.

Meydanda yerləşən Azərbaycan Respublikasının Dövlət Gerbi

Meydan üçün seçilmiş yer dövlət bayrağının paytaxtın müxtəlif nöqtələrindən görünməsinə imkan yaradır.

Amerika Birləşmiş Ştatlarının "Trident Support" şirkəti tərəfindən hazırlanmış layihənin icrasını Azərbaycanın "Azenko" şirkəti yerinə yetirib. Ümumi ərazisi 60 hektar, yuxarı hissəsinin sahəsi 31 min kvadratmetr olan meydanda bütün infrastruktur yaradılıb. Xüsusi layihə əsasında reallaşdırılan tikinti işlərini xarici və yerli mütəxəssislər həyata keçiriblər.

Meydanda yerləşən Azərbaycan Respublikasının Dövlət Himni

20000 m² ərazisi olan meydanda ucaldılmış dayağın hündürlüyü 162 metr (2010-2017), bünövrəsinin diametri 3,2, bünövrənin üst hissəsinin diametri 1,09 metrdir. Qurğunun ümumi kütləsi 220 tondur. Bayrağın eni 35 metr, uzunluğu 70 metr, ümumi sahəsi 2450 kvadratmetr, kütləsi isə təqribən 350 kiloqramdır. Ginnes dünya rekordları təşkilatı 2010-cu il mayın 29-da Azərbaycan dövlət bayrağı dirəyinin dünyada ən hündür bayraq dirəyi olduğunu təsdiq edib.

Meydanda qurulmuş Azərbaycan Respublikasının gerbi, dövlət himninin mətni və Azərbaycan xəritəsi qızıl suyuna salınmış bürüncdən hazırlanıb.

Meydanda Dövlət Bayrağı Muzeyi də yaradılıb.

Yenidənqurma

2021-ci ildə Türkiyənin Çimtaş şirkəti Azərbaycan üçün yeni bayraq dirəyi hazırlamağa başladı. Bakıda quraşdırılacaq dünyanın ən hündür bayraq dirək platformasının ümumi hündürlüyü 191 metr olacaq. Dirək əsasından yuxarıya qədər diametri 5,7 m-dən 2 m-ə qədər, çəkisi 230 ton ilə 13 ton arasında olan 9 polad konusvari boru seqmentindən və yuxarıda yerləşdiriləcək fırlanan seqmentdən ibarət olacaq.

Poçt markası üzərində

2011-ci ilin noyabr ayının 9-da Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən Azərbaycan Respublikasının Dövlət Bayrağı gününə həsr olunmuş poçt markası təqdim edilmişdir. Qiyməti 30 qəpik, tirajı isə 100000 ədəd olan həmin marka Azərbaycanın mininci poçt markası olunmuşdur. Markanın üzərində Dövlət Bayrağı Meydanının təsviri vardır.

İstinadlar

. 2011-11-03 tarixində orijinalından arxivləşdirilib. İstifadə tarixi: 2010-09-02.
"Baki_sheherinde__167224.html APA, 26 Oktyabr 2009^{[ölü keçid]}
. 2014-09-04 tarixində orijinalından arxivləşdirilib. İstifadə tarixi: 2009-10-26.
"Türk şirkəti Bakıda dünyanın ən uca bayraq dirəyini quraşdıracaq". 2024-05-06 tarixində . İstifadə tarixi: 2024-05-06.
Yeni markalar çap olunub. ictnews.az 2016-03-05 at the Wayback Machine (az.)
09.11.2011. 9 noyabr — Azərbaycan Respublikasının Dövlət Bayrağı günü. azermarka.az 2015-09-19 at the Wayback Machine (az.)

Ədəbiyyat

Dövlət Bayrağı Meydanı. Bakı, 2010,s. 75.
Əhmədov Səbuhi, Məmmədov Vüqar. Azərbaycan Respublikasının Dövlət Bayrağı. Bakı, 2010,s. 156.

Mənbə

Dövlət bayrağı sahəsi (Bakı)^{[ölü keçid]}

[1] . 2011-11-03 tarixində orijinalından arxivləşdirilib. İstifadə tarixi: 2010-09-02.

[2] "Baki_sheherinde__167224.html APA, 26 Oktyabr 2009^{[ölü keçid]}

[3] . 2014-09-04 tarixində orijinalından arxivləşdirilib. İstifadə tarixi: 2009-10-26.

[4] "Türk şirkəti Bakıda dünyanın ən uca bayraq dirəyini quraşdıracaq". 2024-05-06 tarixində . İstifadə tarixi: 2024-05-06.

[5] Yeni markalar çap olunub. ictnews.az 2016-03-05 at the Wayback Machine (az.)

[6] 09.11.2011. 9 noyabr — Azərbaycan Respublikasının Dövlət Bayrağı günü. azermarka.az 2015-09-19 at the Wayback Machine (az.)