Dubay Muzeyi ərəb متحف دبي Birləşmiş ərəb əmirliklərinin Dubay şəhərində muzey 1787 ci ildə tikilmiş əl Fahidi qalasında

Dubay Muzeyi (ərəb. متحف دبي) — Birləşmiş Ərəb Əmirliklərinin Dubay şəhərində muzey. 1787-ci ildə tikilmiş Əl Fahidi qalasında (ərəb. حصن الفهيدي) yerləşir və Dubayda mövcud olan ən qədim binadır.

Dubay Muzeyi


Əsası qoyulub	1971
Ölkə	BƏƏ
Ziyarətçi sayı	611.840 nəf.
^HGYO
dubaimuseum.net
Vikianbarda əlaqəli mediafayllar

Haqqında

Muzey Dubay Əmirliyində ənənəvi həyat tərzini təqdim etmək məqsədi ilə 1971-ci ildə Dubay hökmdarı tərəfindən açılmışdır. İçəri girəndə tikilmiş qala və onu müşayiət edən müxtəlif eksponatları görmək olur. Qaladan ölkənin ümumi mədəniyyətini, xüsusən 1800-cü illəri əks etdirən qalereyalara aparan yol təqdim olunur. Muzeyin kolleksiyasına yerli əntiq əşyalar, eləcə də Dubayla ticarət edən Afrika və Asiya ölkələrinin artefaktları daxildir. Buraya, həmçinin neftin meydana çıxmasından əvvəl Əmirlikdə həyatı göstərən bir neçə diorama, eləcə də e.ə. 3000-ci ilə aid son kəşflərdən olan artefaktlar daxildir. Muzeydə mirvari dalğıc qayıqlar, qılınclar, zərgərlik əşyaları və s. sərgilənir.

Muzeydə eksponatlarla yanaşı, e. ə. III minillikdə bədəvilərin həyatını və dövrünü əks etdirən holoqramma filmləri və məlumat eksponatları da var.

Tarixi

Əl Fahidi qalası bir neçə mərhələdə inşa edilmişdir. Ən qədim qüllə təxminən 1787-ci ildə tikilib və Dubayda bu gün də mövcud olan ən qədim bina olduğuna inanılır.

Əl Fahidi qalası şəhəri və qarnizonu qorumaq üçün istifadə olunurdu. Dubay və Birləşmiş Ərəb Əmirliklərinin bayraqları ilə bəzədilmiş şərq divarındakı qalanın əsas qapısını iki top qoruyur. Qala əmirlik hökmdarının qərargahı kimi xidmət edirdi və mərhum Şeyx Rəşid bin Səid Əl Məktumun dövründə bərpa edildi.

Kolleksiyası

Daxili zallar qalanın üç divarını tutur. Bir otaq əsas girişdə yerləşir və burada bilet kassası yerləşir. Digər otaqlarda isə müxtəlif tarixi dövrlərə aid antik silah kolleksiyası, həmçinin 1820-ci ilə aid şəhər maketi var. Xalq musiqisinin videoçarxları ilə yanaşı, ənənəvi musiqi alətləri də nümayiş etdirilir.

Muzeyin zalları mərkəzi həyəti əhatə edir. Burada top güllələri olan bürünc top, quyu və müxtəlif növ qayıqlar nümayiş olunur. Küncdə Ariş adlı ənənəvi ərəb yay evi dayanır. Ariş tamamilə toxunmuş xurma yarpaqlarından hazırlanır. Oturacaq və yataq yerləri, eləcə də məişət əşyaları və yerli əhalinin keçmişdə istifadə etdiyi əşyalarla ibarətdir.

Sərgi zalları

Qalereyalara giriş qalanın cənub-qərb küncündəki qüllədə yerləşir. Ziyarətçilər spiral pilləkənlərlə endikdən sonra Dubayın köhnə xəritələrinin nümayiş olunduğu ilk qalereyaya daxil olurlar. Sonrakı 2007-ci ildə yenilənmiş video otağıdır. Burada 1960-cı illərdə neftin kəşfindən bu günə qədər Dubayı göstərən video, aşağıda videonun qrafiki ilə sinxron böyüyən şəhərin mənzərəsini göstərən xəritə var. Digər otaqda neftdən əvvəlki dövrə aid canlı ölçülü dioramalar yerləşir. Səslər, vizual effektlər və elektron bələdçilər dioramaları müşayiət edir. Nəhayət, yol, Jumeirahdakı və digər tarixi dövrlərdən tapıntıların nümayiş olunduğu qalereyaya aparır. Son dioram e. ə. 3000-ci ilə aid Əl Qusais bölgəsindəki arxeoloji abidədir.

Qalereya

Əl Fahidi qalasının həyəti
Muzeyin çölündə gəmi
Əl Fahidi qalasının həyəti
Dubay Muzeyində Al abra və al Houey sərgisi
Ənənəvi Ariş yay evi

İstinadlar

GeoNames (ing.). 2005.
Butalia, Nivriti. "Have you been to the Dubai Museum". Khaleej Times (ingilis). 2024-09-18 tarixində arxivləşdirilib. İstifadə tarixi: 2024-09-18.
Johnson, Alice. "UAE Museum: Dubai Museum". gulfnews.com. 2008-11-02. 2009-01-30 tarixində arxivləşdirilib.
"General Department of Punitive and Correctional Establishments". Dubai Police. 2009-08-04. 2011-07-22 tarixində orijinalından arxivləşdirilib. İstifadə tarixi: 2010-12-13.

Xarici keçidlər

Vikianbarda Dubay Muzeyi ilə əlaqəli mediafayllar var.
Vikianbarda Al Fahidi Fort ilə əlaqədar mediafayllar var
Dubai Museum Website
Gulf News | Dubai Museum

[_58d55ee880516b62-1] GeoNames (ing.). 2005.

[2] Butalia, Nivriti. "Have you been to the Dubai Museum". Khaleej Times (ingilis). 2024-09-18 tarixində arxivləşdirilib. İstifadə tarixi: 2024-09-18.

[GN-3] Johnson, Alice. "UAE Museum: Dubai Museum". gulfnews.com. 2008-11-02. 2009-01-30 tarixində arxivləşdirilib.

[4] "General Department of Punitive and Correctional Establishments". Dubai Police. 2009-08-04. 2011-07-22 tarixində orijinalından arxivləşdirilib. İstifadə tarixi: 2010-12-13.