Diana Hacıyeva 13 iyun 1989 Mariupol Donetsk vilayəti Azərbaycanlı müğənni və bəstəkar Bəri bax kollektivinin solisti O

Diana Hacıyeva (13 iyun 1989, Mariupol, Donetsk vilayəti) — Azərbaycanlı müğənni və bəstəkar, Bəri bax kollektivinin solisti. O, eyni zamanda musiqiçi dostları ilə birlikdə təşkil etdiyi Dihaj qrupunun solistidir. Diana "Skeletons" mahnısı ilə Azərbaycanı 2017 Avroviziya Mahnı Müsabiqəsində təmsil etmişdir.

Diana Hacıyeva
Dihaj 2017 Avroviziya Mahnı Müsabiqəsinin açılış mərasimində
Ümumi məlumatlar
Ləqəbi	Dihaj
Doğum tarixi	13 iyun 1989(1989-06-13) (35 yaş)
Doğum yeri	Mariupol, Donetsk vilayəti, Ukrayna SSR, SSRİ
Vətəndaşlığı	Azərbaycan
Milliyyəti	Azərbaycanlı
Musiqiçi məlumatları
Fəaliyyəti	müğənni-mahnı yazarı, dirijor, bəstəkar, müğənni
Fəaliyyət illəri	2006-cı ildən
Janrlar	indi-pop, pop musiqisi, elektronik musiqi, caz
Musiqi alətləri	piano
Təhsili	Bakı Musiqi Akademiyası
dihaj.com
Vikianbarda əlaqəli mediafayllar

Musiqi karyerası

Başlanğıc

Diana Hacıyeva 13 iyun 1989-cu ildə Ukraynanın Mariupol şəhərində anadan olmuşdur. Uşaqlıqdan musiqi ilə məşğul olan Diana fortepiano dərsləri almış və caz musiqisi ilə maraqlanmışdır. O eyni zamanda Bəri bax musiqi kollektivində fəaliyyət göstərir. 2006-cı ildə Bakı şəhərində 16 saylı orta məktəbi bitirmiş və bundan sonra Bakı Musiqi Akademiyasına daxil olaraq, "Xor dirijorluğu" peşəsinə yiyələnmişdir. Bu illər ərzində caz ilə peşəkar şəkildə məşğul olmağa başlamışdır. Diana hal-hazırda Bakı Caz Mərkəzində çalışır.

2009-cu ildə Diana Əli Nəsirov ilə ailə həyatı qurmuşdur. Cütlüyün Savi adlı qız övladı var. Daha sonra Diana həyat yoldaşının da üzvü olduğu Dihaj adlı musiqi qrupu yaratmışdır. Qrup əsasən indi pop, elektronika və eksperimental janrında musiqilər ifa edir. Diana bir müddət İngiltərənin paytaxtı Londonda yaşamış və orada Müasir Musiqi Performansları İnstitutunda təhsil almışdır.

2011 Avroviziya Mahnı Müsabiqəsi

2010-cu ildə Diana Hacıyeva 2011 Avroviziya Mahnı Müsabiqəsində Azərbaycanı təmsil etmək üçün milli seçimlərdə iştirak etmişdir. Təsnifatı keçən Diana 77 iştirakçının yer aldığı yarımfinallarda 6-cı yarimfinalda yer almışdır. 20–24 dekabr arasında çıxış edən Diana Hacıyeva sonda 7 xal toplayaraq, qrupda 4-cü yeri tutmuşdur. Onun 23 dekabr tarixli çıxışı zamanı səhnəyə gözlənilmədən Azərbaycanın 2008 Avroviziya Mahnı Müsabiqəsində təmsil edən ifaçı Elnur Hüseynov çıxmış və seçmə mərhələsində Diananı dəstəklədiyini bildirmişdir. 2011-ci ildə Diana Hacıyevanın "Find Yourself" adlı debüt klipi çəkilmişdir.

2017 Avroviziya Mahnı Müsabiqəsi

5 dekabr 2016-cı ildə İctimai Televiziya Diana Hacıyevanın Azərbaycanı Ukraynanın paytaxtı Kiyevdə keçirilən 2017 Avroviziya Mahnı Müsabiqəsində təmsil edəcəyini açıqlamışdır. Diananın Avroviziya səhnəsində ifa etməli olduğu mahnı "Skeletons" 2017-ci ilin mart ayında dinləyicilərə təqdim edilmişdir. Mahnının musiqisi Azərbaycanlı bəstəkar İsa Məlikov, sözləri isə İsveç bəstəkarı Sandra Byurmana aiddir.

Diana Hacıyeva uzun məşqlərdən sonra 9 may tarixində baş tutan yarımfinal mərhələsində 8-ci nömrə altında çıxış etmişdir. Nəticədə 150 xalla 8-ci yerdə qərarlaşaraq, final mərhələsinə vəsiqə qazanmışdır. Müsabiqənin finalında bir daha öz mahnısını ifa edən Diana 26 ölkə təmsilçisinin mübarizə apardığı şouda 120 xal toplayaraq, 14-cü yerdə qərarlaşmışdır.

Müsabiqədən sonra iyul ayında Diananın The End of Sunrise adlı debüt albomu işıq üzü görmüşdür.

2022 Baku Summer Jazz Days

İyulun 7-də Heydər Əliyev Mərkəzinin parkında festival çərçivəsində Diana Hacıyeva və Jazz Trio çıxış etdilər.

İfa etdiyi mahnılar

"Find Yourself"
"Romeo" ft Elnur Hüseynov (2010)
"Gəl sevgilim" (2010)
"You are in my mind" (2010)
"I Break Again" (2014)
"Gecələr keçir" (2015)
"Complain" (2016)
"Eşqini aşagı sal" (2016)
"Skeletons" (2017)
"The End of Sunrise" (2017)
"Rainbow" (2017)
"" ft PRoMete (2020)

Həmçinin bax

Mənbə

Find Yourself Official Video
Diana Hacıyeva

İstinadlar

"Azerbaijan: Diana Hajiyeva to Kyiv for Eurovision 2017!". esctoday.com. 5 dekabr 2016. 2021-06-08 tarixində . İstifadə tarixi: 2016-12-05.
"В Парке Центра Гейдара Алиева состоялось феерическое открытие IV Международных бакинских летних дней джаза (ФОТО)" (rus). trend.az. 2022-07-17 tarixində . İstifadə tarixi: 2022-07-09.

Əvvəlki: Səmra Rəhimli "Miracle"	Azərbaycan Avroviziya Mahnı Müsabiqəsində 2017	Sonrakı: Aysel Məmmədova "X My Heart"

[1] "Azerbaijan: Diana Hajiyeva to Kyiv for Eurovision 2017!". esctoday.com. 5 dekabr 2016. 2021-06-08 tarixində . İstifadə tarixi: 2016-12-05.

[2] "В Парке Центра Гейдара Алиева состоялось феерическое открытие IV Международных бакинских летних дней джаза (ФОТО)" (rus). trend.az. 2022-07-17 tarixində . İstifadə tarixi: 2022-07-09.