Daron Acemoğlu

Daron Əcəmoğlu (3 sentyabr 1967, İstanbul) — erməni əsilli türk alimi, professor. laureatı.

Daron Əcəmoğlu
türk. Daron Acemoğlu
Doğum adı	Kamer Daron Acemoğlu
Doğum tarixi	3 sentyabr 1967(1967-09-03)(57 yaş)
Doğum yeri	İstanbul, İstanbul ili, Türkiyə
Həyat yoldaşı	Asuman Özdağlar
Uşağı	2
Elm sahəsi	iqtisadiyyat
Elmi dərəcəsi	fəlsəfə doktoru
İş yerləri	Massaçusets Texnologiya İnstitutu, London İqtisadiyyat və Siyasi Elmlər Məktəbi
Təhsili	London İqtisadiyyat və Siyasi Elmlər Məktəbi, York Universiteti (İngiltərə), Qalatasaray liseyi^[d]
Üzvlüyü	Amerika İncəsənət və Elmlər Akademiyası, ABŞ Milli Elmlər Akademiyası, Ekonometrik Cəmiyyət (2005–), Amerika Fəlsəfə Cəmiyyəti^[d], London Kral Cəmiyyəti, Türkiyə Elmlər Akademiyası
Mükafatları
Vikianbarda əlaqəli mediafayllar

Həyatı

1967-ci ildə İstanbulda anadan olan Əcəmoğlu 1986-cı ildə Qalatasaray liseyini bitirib. İngiltərədə York Universitetinin iqtisadiyyat fakültəsindən məzun olduqdan sonra London İqtisadiyyat Məktəbində magistr və elmlər namizədi dərəcələri alıb.

1992–1993-cü illərdə bu məktəbdə dərs deyib.

Əcəmoğlu 1993-cü ildən bəri dünyanın ən nüfuzlu universitetlərindən sayılan Massaçusets Texnoloji Univesitetində çalışmağa başlayıb. 2000-ci ildə professor dərəcəsi alıb. O zamandan bəri universitetin tətbiqi iqtisadiyyat fakültəsində dərs deyir. Xüsusilə gəlir və maaş qeyri-bərabərliyi mövzusunda işləri ilə tanınan Əcəmoğlunun maraqlandığı məsələlər arasında siyasi iqtisadiyyat, iqtisadi inkişaf, iqtisadi böyümə də yer alır.

O, iqtisadiyyat elminə böyük töhfə vermiş gənc alimlərə ABŞ İqtisadiyyat Dərnəyinin iki ildən bir verdiyi Con Bat Klark mükafatına və London İqtisadiyyat Məktəbinin Robert Makkenzi mükafatına layiq görülüb.

İDEAS/RePec beynəlxalq iqtisadi araşdırma qurumunun məlumatına görə, Əcəmoğlu dünyada istinad edilən ilk 20 iqtisadçıdan biridir. O, siyahıda 8-ci yerdədir.

Əcəmoğlunun iki kitabı elm dünyasında rezonans doğurub – "Modern iqtisadi böyüməyə giriş" (2009) və "Diktatorluq və demokratiyanın iqtisadi kökləri" (2005).

2010-cu ilin 100 qlobal fikir adamı arasına girməyi bacaran Əcəmoğlu Nobel mükafatına namizədlər sırasında da yer alıb. 2024-cü il 14 oktyabrda Saymon Conson və Ceyms A.Robinson ilə bərabər layiq görülüb. O Rabinson ilə birlikdə müəllifi olduğu "Millətlər niyə tənəzzül edir" (Why Nations Fail) əsərinə görə Nobel mükafatına layiq görülüb.

İstinadlar

1. Daron Acemoglu // Munzinger Personen (alm.).
2. Awarding Turkish President’s Prize to Armenian economist Daron Acemoğlu displeased Turkish officials (ing.). // Արմենպրես 2013.
3. Armenia’s PM meets renowned ethnic Armenian economist Daron Acemoglu (ing.). // Tert.am 2012.
4. Daron Acemoglu (ing.). Project Syndicate.
5. https://www.carnegie.org/awards/honoree/daron-acemoglu/.
6. https://web.archive.org/web/20060222074250/http://www.econometricsociety.org/newfellows.asp.
7. İqtisadiyyat üzrə Nobel Daron Acemoğlu da daxil üç nəfərə verilib. Tarix:13.10.2024

Mənbə

• Daron Əcəmoğlu. mediaforum.az ^{[ölü keçid]}